ഓസ്‌ട്രേലിയയിലെ ലൂസിയും അന്നയും ഒരു മിനിട്ടു വ്യത്യാസത്തില്‍ ജനിച്ച സാമ്യമുള്ള ഇരട്ടകളാണ്. 28കാരികളായ ഇരുവര്‍ക്കും തമ്മില്‍ പിരിഞ്ഞിരിക്കാനേ കഴിയില്ല. എല്ലാ കാര്യത്തിനും എപ്പോഴും ഒന്നിച്ചാണ് രണ്ടുപേരും. ഒരാള്‍ കഴിക്കുന്ന ആഹാരം തന്നെയാണ് മറ്റേയാളും കഴിക്കാന്‍ തെരഞ്ഞടുക്കുന്നത്. രണ്ടുപേര്‍ക്കും കൂടി ഒരു ഫേസ്ബുക്ക് അക്കൗണ്ടേയുള്ളു താനും! ഇതെല്ലാം എന്തിനു വേണ്ടിയാണെന്നോ. അങ്ങേയറ്റത്തെ മനപ്പൊരുത്തമുള്ള അവര്‍ക്ക് ലോകത്തിലെ ഏറ്റവും സാമ്യമുള്ള ഇരട്ടകളെന്ന പദവി നേടണമത്രേ! 24 മണിക്കൂറും ഒന്നിച്ചുചെലവിടുന്ന ഇവര്‍ ഒരേ നേഴ്‌സിംഗ് ഹോമിലാണ് ജോലി ചെയ്യുന്നതും.

അല്പസമയം പോലും തമ്മില്‍ വേര്‍പിരിഞ്ഞിരിക്കാനാവാത്ത അവരുടെ ബോയ്ഫ്രണ്ടിന്റെ കാര്യത്തിലും അവര്‍ക്ക് സാമ്യമുണ്ട്. രണ്ടുപേര്‍ക്കും കൂടി ഒരു ബോയ്ഫ്രണ്ടേയുള്ളൂ! അതാണു സൗകര്യമത്രേ! കാരണം രണ്ടുപേരും ഡേറ്റിംഗിനായി വ്യത്യസ്ത ഇടങ്ങളില്‍ പോകേണ്ടിവരുമ്പോള്‍ തമ്മില്‍ പിരിഞ്ഞിരിക്കേണ്ടി വരുമായിരുന്നു. ഇങ്ങനെയാകുമ്പോള്‍ ആ പ്രശ്‌നവുമില്ലല്ലോ എന്നാണവര്‍ പറയുന്നത്.

ഏതായാലും ഒരുപോലെയാകാനുള്ള ഭ്രാന്ത് തലക്കുപിടിച്ചപ്പോള്‍ പോയി കോസ്‌മെറ്റിക് സര്‍ജ്ജറി കൂടി ചെയ്തു. അതിനായി സ്തനങ്ങളിലെ ഇംപ്‌ളാന്റുകള്‍ക്കും ചുണ്ടുകളിലെ ഫില്ലറുകള്‍ക്കും കൃത്രിമപുരികങ്ങള്‍ക്കും കണ്‍പീലികള്‍ക്കുമൊക്കെയായി ആകെ മുടക്കിയത് ഏകദേശം ഒന്നേകാല്‍ കോടിയോളം രൂപ!
അടുത്തിടെ ഒരു ടി.വി. പരിപാടിക്കായി ജപ്പാനിലെത്തിയ അവര്‍ അവിടെ തരംഗമായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha