ലഹരിക്കടത്ത് കേസ് സ്വര്‍ണക്കടത്ത് കേസ് അന്വേഷണത്തിന് പുതിയ വഴിത്തിരിവുകള്‍ സൃഷ്ടിക്കുകയാണ്. ബംഗളൂരു ലഹരി മരുന്ന് കടത്ത് കേസില്‍ കൊച്ചി സ്വദേശിയായ മുഹമ്മദ് അനൂപ് പിടിയിലാതോട് ബിനീഷ് കോടിയേരിക്ക് അയാളുമായുള്ള ബന്ധം പുറത്ത് വന്നിരുന്നു. പിന്നീട് ലഹരി കടത്ത് കേസിലെ പദ്ധതികളും സ്വര്‍ണക്കടത്ത് കേസിലെ പ്രതികളും തമ്മിലുള്ള ബന്ധവും പുറത്ത് വന്നു. ഇതിനിടെയാണ് സ്വപ്‌നയുമായുള്ള ബന്ധവും അനൂപിനോട് എന്നതുപോലെ തന്നെ ബിനീഷിന് നിഷോധിക്കാന്‍ സാധിക്കാത്ത ബന്ധമെന്നുള്ളതിന് തെളിവുകള്‍ പുറത്ത് വരുന്നത്. സ്വപ്‌നയുടെ സഹായത്തോടെ യു.എ.ഇ കോണ്‍സിലേറ്റുമായി ബന്ധപ്പെട്ട വിസ സ്റ്റാംപിംഗ് കരാര്‍ ബിനീഷുമായി ബന്ധമുള്ള യുഎഫ് എക്‌സ് സൊല്യൂഷന്‍സിന് ലഭിച്ചു. രാജ്യം മുഴുവന്‍ ബ്രാഞ്ചുകളുള്ള മുത്തൂറ്റ് ഗ്രൂപ്പിനെയും ഗോകുലം ഗ്രൂപ്പിനെയും പിന്‍തള്ളിയാണ് യുഎഫ് എക്‌സ് സൊല്യൂഷന്‍സിന് ലഭിച്ചുവെന്നതില്‍ വഴിവിട്ട ഇടപെടല്‍ നടന്നുവെന്ന കാര്യത്തില്‍ സംശയമില്ല.

തിരുവനന്തപുരത്തെ യുഎഇ കോണ്‍സുലേറ്റ് നിര്‍മ്മാണ ഘട്ടത്തില്‍ കോണ്‍സുലെറ്റിനു വേണ്ടിയുള്ള സാധനങ്ങള്‍ പര്‍ച്ചേസ് ചെയ്തത് ബിനീഷിന് അടുപ്പമുള്ള സ്ഥാപനത്തില്‍ നിന്നായിരുന്നു. കോടികളുടെ ലാഭമാണ് ഈ ഇടപാടില്‍ സ്വപ്‌ന നേടിക്കൊടുത്തത്. ഇതോടെയാണ് ഈ ബന്ധം ഊഷമളമാകുന്നത്. സിപിഎമ്മിന്റെ ഉന്നത നേതാക്കളുമായും മുഖ്യമന്ത്രിയുടെ ഓഫീസിലെ ഉന്നതരുമായുമൊക്കെയുള്ള സ്വപ്‌നയുടെ ബന്ധം തുടങ്ങുന്നത് ഇങ്ങനെ എന്നാണ് അന്വേഷണ ഏജന്‍സികള്‍ക്ക് ലഭിച്ച വിവരം. വിസ സ്റ്റാംപിങ് കരാര്‍ എജന്‍സികളെ യുഎഇ കോണ്‍സുലേറ്റ് തീരുമാനിക്കുമ്പോള്‍ സ്വപ്‌നയുടെ ഇടപെടല്‍ വരുകയും ഗോകുലം ഗ്രൂപ്പിനെയും മുത്തൂറ്റ് ഗ്രൂപ്പിനെയും വെട്ടി ബിനീഷിനു അടുപ്പമുള്ള യുഎഫ്എക്‌സ് സൊല്യൂഷന്‍സിനു സ്വപ്‌ന തന്റെ ഇടപെടല്‍ വഴി നല്‍കുകയായിരുന്നു. വിസ സ്റ്റാംപിംഗിന്റെ പേരില്‍ ഒരാള്‍ക്ക് 15000 രൂപ മുതല്‍ 20000 രൂപ വരെ ഈടാക്കാന്‍ കഴിയുന്ന വന്‍ ലാഭം കിട്ടുന്ന ഈ സംരംഭത്തിനു വേണ്ടി ഇവര്‍ കൊണ്ടുപിടിച്ച് ശ്രമം നടത്തിയെങ്കിലും കോണ്‍സുലേറ്റ് അനുമതി നല്‍കിയത് യുഎഫ്എക്‌സ് സൊല്യൂഷന്‍സിനാണ്. പേരിനു വേണ്ടിയാണ് തമിഴ്‌നാട് കമ്പനിയായ ഫോര്‍ത്ത് ഫോഴ്‌സിന് കൂടി കരാര്‍ നല്‍കിയത്. ഫോര്‍ത്ത് ഫോഴ്‌സില്‍ നിന്നും യുഎഫ്എക്‌സ് സൊല്യൂഷന്‍സില്‍ നിന്നും താന്‍ കമ്മിഷന്‍ കൈപ്പറ്റുന്നുണ്ടെന്ന് സ്വപ്‌ന എന്‍ഐഎയ്ക്കും കസ്റ്റംസിനും ഇഡിക്കും മൊഴി നല്‍കിയിട്ടുണ്ട്. സ്വപ്‌നാ സുരേഷുമായി ബിനീഷിനു അടുത്ത ബന്ധമുണ്ടെന്നു മുന്‍പ് തന്നെ എന്‍ഐഎയ്ക്കും ഇഡിയും കണ്ടെത്തിയിട്ടുമുണ്ട്.

ഈ സാഹചര്യത്തില്‍ ബിനീഷിനെ നാര്‍ക്കൊട്ടിക്‌സ് കണ്‍ട്രോള്‍ ബ്യൂറോ ആകും ആദ്യം ചോദ്യം ചെയ്യാന്‍ സാധ്യത. ഇത് ലഹരിമരുന്നു കടത്ത് കേസില്‍ അറസ്റ്റിലായ മുഹമ്മദ് അനൂപുമായുള്ള ബന്ധം മുന്‍നിര്‍ത്തിയാണ്. അനൂപുമായുള്ള ബന്ധം ബിനീഷ് സമ്മതിക്കുകയും ചെയ്തിട്ടുണ്ട്. അനൂപിന്റെ ബിസിനസ് പാര്‍ട്ണര്‍ ആണ് ബിനീഷ് എന്ന് അന്വേഷണ ഏജന്‍സികള്‍ക്ക് ബോധ്യമായിട്ടുണ്ട്. അനൂപ് ബംഗലൂരുവില്‍ തുടങ്ങിയ റെസ്‌റ്റോറന്റിന്റെ മുതല്‍ മുടക്കില്‍ ബിനീഷിനു നിക്ഷേപ പങ്കാളിത്തമുണ്ട്. ഇത് അനൂപ്‌ചോദ്യം ചെയ്യലില്‍ സമ്മതിച്ചിട്ടുണ്ട്. ലഹരിമരുന്ന് കേസ് ആയതിനാല്‍ ചോദ്യം ചെയ്യലില്‍ നിന്നും ഒഴിവാകുക എളുപ്പവുമില്ല. ചോദ്യം ചെയ്യല്‍ അധികം നീളില്ലെന്നാണ് വ്യക്തമാകുന്നത്. ചോദ്യം ചെയ്യല്‍ അറസ്റ്റിലേക്ക് നീണ്ടാല്‍ അത് കേരളത്തില്‍ സിപിഎമ്മിന് അത് വന്‍ രാഷ്ട്രീയ പ്രത്യാഘാതങ്ങള്‍ക്ക് കാരണമാകും.

2015 മുതല്‍ അനൂപ് മുഹമ്മദുമായി ബിനീഷിന് അടുത്ത ബന്ധമാണുള്ളത്. 2013 മുതല്‍ ലഹരി ബിസിനസ് ഉണ്ടെന്ന് അനൂപ് സമ്മതിക്കുന്നുണ്ട്. അന്നു മുതലെ ബീനിഷിന് അനൂപുമായി അടുത്ത ബന്ധമാണുള്ളത്. 2015ലാണ് അനൂപുമായി ചേര്‍ന്ന് ഹോട്ടലിനായി പണം മുടക്കുന്നത്. കഴിഞ്ഞ ജൂലൈ 10ന് അനൂപിന്റെ നമ്പറിലേക്ക് നിരവധി കോളുകള്‍ ചെന്നെന്നാണ് അന്വേഷണ സംഘം കണ്ടെത്തിയത്. ജൂലൈ 10നാണ് സ്വപ്‌ന സുരേഷ് ബെംഗളൂരുവില്‍ പിടിക്കപ്പെടുന്നത്. സ്വപ്‌നയും സംഘവും എന്തിനാണ് ബംഗളൂരുവിലേക്ക് പോയത് എന്നത് സംബന്ധിച്ച് സംശയങ്ങള്‍ ഉയര്‍ന്നിരുന്നു. മുഹമ്മദ് അനൂപിന്റെ ഫോണ്‍നമ്പര്‍ പരിശോധിച്ചപ്പോള്‍ സ്വര്‍ണക്കടത്ത് കേസിലെ പ്രതികളുമായി ബന്ധമുണ്ടെന്നാണ് കണ്ടെത്തിയത്. സ്വര്‍ണക്കടത്ത് മാഫിയയുമായും മയക്ക് മരുന്ന് മാഫിയയുമായും ഭരണനേതൃത്വത്തിന് ബന്ധമുണ്ടെന്നതും പുറത്ത് വന്നിരിക്കുകയാണ്. ഈ കോള്‍ ഡീറ്റയില്‍ അടക്കം പുറത്തുവിടാന്‍ തടസമുള്ളതുകൊണ്ടാണ് പുറത്ത് വിടാത്തത്. കോടതിയില്‍ സമര്‍പ്പിച്ച റിമാന്‍ഡ് റിപ്പോര്‍ട്ട് മൊഴിഅടക്കം ലഭ്യമാണ്.