കോറോണയെക്കാള് വലിയ മഹാമാരി ഇനി വരാനിരിക്കുന്നു; മുന്നറിയിറിയിപ്പുമായി ലോകാരോഗ്യ സംഘടന; അടുത്ത രോഗബാധ കോഴികളില് നിന്നെന്ന യു.എസ് ശാസ്ത്രജ്ഞന്റെ വാദം ശരിയാകുന്നു?
കോവിഡിന് ശേഷവും ലോകം വീണ്ടും അതിനേക്കാള് വലിയ മഹാമാരിയേ നേരിണ്ടേവരുമെന്ന് നേരത്തെ തന്നെ വാര്ത്തകര് പുറത്ത് വന്നിയിരുന്നു. ഈ കണ്ടെത്തലുകളെ സാധുകരിക്കുന്ന പ്രസ്താവനയാണ് ഇപ്പോള് ലോകാരോഗ്യ സംഘടന നടത്തിയിരിക്കുന്നത്. അടുത്ത ഒരു മഹാമാരിക്ക് മുമ്പ് സുസജ്ജമാകണം എന്നാണ് രാജ്യങ്ങളോട് ലോകാരോഗ്യ സംഘടന ആവശ്യപ്പെട്ടിരിക്കുന്നത്. ഇതിനായി ലോക രാജ്യങ്ങള് ആരോഗ്യ മേഖലയില് കൂടുതല് നിക്ഷേപം നടത്തണമെന്നും ഡബ്ല്യുഎച്ച്ഒ മേധാവി ടെഡ്രോസ് അദാനോം ഗെബ്രിയേസസ് ആവശ്യപ്പെട്ടു. ഇത് അവസാനത്തെ പകര്ച്ചവ്യാധി ആയിരിക്കില്ല. പകര്ച്ചവ്യാധികളും രോഗങ്ങളും മനുഷ്യ ജീവിതത്തിന്റെ ഭാഗമാണെന്ന് ചരിത്രം പഠിപ്പിക്കുന്നു. എന്നാല് അടുത്ത പകര്ച്ചവ്യാധി പൊട്ടിപ്പുറപ്പെടുമ്പോള് ലോകം അതിനെ നേരിടാന് തയ്യാറായിരിക്കണം' ടെഡ്രോസ് പറഞ്ഞു.
കോവിഡിനേക്കാളും വലിയ മഹാമാരി വരാനിരിക്കുകയാണെന്ന മുന്നറിയിപ്പുമായി കഴിഞ്ഞ മേയില് തന്നെ ഒരു യുഎസ് ശാസ്ത്രജ്ഞന് രംഗത്ത് വന്നിരുന്നു. ലോകജനസംഖ്യയുടെ പകുതിയോളം പേരെ തുടച്ചുനീക്കാന് കെല്പ്പുള്ള മഹാമാരിയാണ് വരാനിരിക്കുന്നതെന്നും കോവിഡ് ഇതിനു മുന്നോടിയാണെന്നും യുഎസ് ശാസ്ത്രജ്ഞനായ മൈക്കിള് ഗ്രെഗര് അന്ന് പറഞ്ഞത്. ഫാമുകളില് അനാരോഗ്യപരമായ സാഹചര്യത്തില് വളരുന്ന കോഴികളില്നിന്നാകും അടുത്ത വൈറസ് ബാധയുണ്ടാകുകയെന്നു ഗ്രെഗര് തന്റെ 'ഹൗ ടു സര്വൈവ് എ പാന്ഡമിക്' എന്ന പുസ്തകത്തില് പറഞ്ഞിരുന്നു. മൃഗങ്ങളുമായുള്ള മനുഷ്യന്റെ ഇടപഴകലാണു രോഗങ്ങള്ക്കു കാരണമാകുക. മൃഗങ്ങളെ പരിപാലിക്കുന്നതും അവയെ കൊന്നുതിന്നുന്നതും മൂലം മഹാമാരികളോടുള്ള പ്രതിരോധത്തില് മനുഷ്യനെ ദുര്ബലമാക്കുന്നുവെന്നും ഗ്രെഗര് പുസ്തകത്തില് കുറിക്കുന്നു. ക്ഷയരോഗത്തിനു കാരണമായ ട്യൂബര്കുലോസിസ് ബാക്ടീരിയ ആടുകളില്നിന്നാണു മനുഷ്യരിലേക്കെത്തിയത്. വസൂരി ഒട്ടകത്തില്നിന്നും കുഷ്ഠരോഗം പോത്തില്നിന്നും വില്ലന്ചുമ പന്നികളില്നിന്നുമാണു മനുഷ്യരിലെത്തിയത്.
കോവിഡിനെപ്പോലെ മനുഷ്യനും രോഗവാഹകരായ ജന്തുക്കള്ക്കുമിടയില് പാലമായി ചില ജന്തുവര്ഗങ്ങള് പ്രവര്ത്തിച്ചിട്ടുണ്ട്. കോഴികള് ഉള്പ്പെടെയുള്ള വളര്ത്തുപക്ഷികളില് നിന്നാണ് ഇന്ഫ്ലുവെന്സ വൈറസ് പടര്ന്നത്. 1918-20 വര്ഷങ്ങളില് പടര്ന്ന ഈ വൈറസ് ബാധയില് 50 കോടി ആളുകളാണു മരിച്ചത്. അന്നത്തെ ജനസംഖ്യയുടെ മൂന്നിലൊന്നു പേര്ക്കും വൈറസ് ബാധിച്ചിരുന്നു. കോഴികള് അടക്കമുള്ള പക്ഷികളെ ഫാമുകളില് ചിറകു വിടര്ത്താന് പോലും കഴിയാത്ത തരത്തിലാണു വളര്ത്തുന്നത്. വിസര്ജ്യത്തില്നിന്നു പുറന്തള്ളപ്പെടുന്ന അമോണിയ അസുഖങ്ങള് പടരുന്നതിനുള്ള സാഹചര്യം ഒരുക്കുന്നു. കോഴികളെ വളര്ത്തുന്നതില് കൂടുതല് വൃത്തിയും ശുദ്ധിയും വരുത്തിയാല് മഹാമാരിക്കുള്ള സാധ്യത കുറയ്ക്കാം. 20-ാം നൂറ്റാണ്ടില് പക്ഷിപ്പനി പലപ്പോഴായി റിപ്പോര്ട്ടു ചെയ്യപ്പെടുന്നുണ്ട്. ഇതു പുതിയൊരു വൈറസിലേക്കുള്ള പരിവര്ത്തനമാണെന്നും ഗ്രെഗര് ചൂണ്ടിക്കാട്ടുന്നു.
എന്നാല് ലോകാരോഗ്യ സംഘടന ചൂണ്ടികാട്ടുന്ന മഹാമാരി ഇതു തന്നെയാണോ എന്ന് വ്യക്തമാക്കിട്ടില്ല. മുന്നറിയിപ്പ് നല്കി എന്നല്ലാതെ എന്നല്ലാതെ കോവിഡ് പോലെയൊരു വൈറസ് ബാധ തന്നെ ആയിരിക്കുമെന്ന കാര്യത്തിലും ലോകാരാഗ്യ സംഘടന പറയുന്നുമില്ല. അതേസമയം, ലോകത്തെ ഭീതിയിലാക്കി കോവിഡ് 19 മഹാമാരി പടര്ന്നുകൊണ്ടിരിക്കുമ്പോള് പല രാജ്യങ്ങളിലും വാക്സിനുകള് പരീക്ഷണഘട്ടങ്ങള് പൂര്ത്തിയാക്കികൊണ്ടിരിക്കുകയാണ്. എന്നാല് ഇപ്പോള് പരീക്ഷണം പുരോഗമിക്കുന്ന ഒരു കോവിഡ് വാക്സിനും ലോകാരോഗ്യ സംഘടന നിഷ്കര്ഷിക്കുന്ന ഫലപ്രാപ്തി ഇതുവരെ തെളിയിച്ചിട്ടില്ലെന്നാണ് ലോകാരോഗ്യ സംഘടന പറയുന്നത്. എല്ലാവരിലേക്കുമായി വാക്സിന് എത്താന് 2021 പകുതിയെങ്കിലും ആവുമെന്നും ലോകാരോഗ്യ സംഘടന വ്യക്തമാക്കി. വാക്സിനുകള് കണ്ടെത്തപ്പെട്ടാല് മാത്രം മതിയാകില്ലെന്നും അതിന്റെ ഫലത്തിലും ഗുണത്തിലും ഉണ്ടാകേണ്ട മൂല്യങ്ങളും ഉറപ്പുവരുത്തേണ്ടതുണ്ടെന്നും ലോകാരോഗ്യ സംഘടന നേരത്തെ തന്നെ വ്യക്തമാക്കിയിരുന്നു. അതേസമയം ലോകത്ത് ഇതുവരെ 27.19 ദശലക്ഷം പേര്ക്കാണ് കോവിഡ് രോഗം ബാധിച്ചത്. 888,326 പേര് കൊവിഡ് ബാധിച്ച് മരണപ്പെടുകയും ചെയ്തു.
https://www.facebook.com/Malayalivartha