കുറഞ്ഞ കാലയളവ് കൊണ്ട് ഓണ്‍ലൈന്‍ വായനക്കാരുടെ ഇടയില്‍ പ്രിയങ്കരമായി മാറിയ മലയാളി വാര്‍ത്ത മറ്റൊരു ചുവടുകൂടി മുന്നിലെത്തി. മലയാളത്തിലെ പ്രമുഖ മുഖ്യധാരാ പത്രങ്ങളോടൊപ്പമാണ് മലയാളി വാര്‍ത്തയുടെ കുതിപ്പ്. 
സോഷ്യല്‍ മീഡിയ ശക്തമായ ഇക്കാലത്ത് എല്ലാ പ്രമുഖ പത്രങ്ങള്‍ക്കും ഓണ്‍ലൈന്‍ എഡിഷന്‍ ഉണ്ട്. ലക്ഷക്കണക്കിന് വായനക്കാരുള്ള പല പത്രങ്ങളും സോഷ്യല്‍ മീഡിയയില്‍ പരാജയപ്പെടുന്ന കാഴ്ചയാണ് കാണുന്നത്. ഇന്ത്യയില്‍ തന്നെ വായനക്കാരുടെ ഇടയില്‍ ഒന്നാം സ്ഥാനമുള്ള മലയാള മനോരമയുടെ ഫേസ്ബുക്ക് ലൈക്ക് വെറും 9 ലക്ഷം മാത്രമാണുള്ളത്. ഇതില്‍ മാതൃഭൂമിയാണ് ഏറെ മുന്നിലുള്ളത്. മാതൃഭൂമിക്ക് 16 ലക്ഷം ഫേസ്ബുക്ക് ലൈക്കുകളുണ്ട്. അടുത്ത സ്ഥാനത്ത് വരുന്നത് കേരള കൗമുദിയാണ്. 6 ലക്ഷം പേരാണ് കേരള കൗമുദിക്കുള്ളത്. കമ്മ്യൂണിസ്റ്റുകാരുടെ സ്വന്തം പത്രമായ ദേശാഭിമാനിക്ക് സോഷ്യല്‍ മീഡിയയില്‍ ഒന്നും ചെയ്യാന്‍ പറ്റുന്നില്ല. വെറും അറുപതിനായിരം ലൈക്കുകളാണ് ഉള്ളത്. അതേസമയം മംഗളത്തിന് 3 ലക്ഷം പേരുമുണ്ട്.

ടിവി ചാനലുകളുടെ ഇടയില്‍ ഏഷ്യാനെറ്റ് ന്യൂസിന് 21 ലക്ഷം ലൈക്കുകള്‍ ഉണ്ട്. മനോരമ ന്യൂസിന് 17 ലക്ഷവും റിപ്പോര്‍ട്ടര്‍ ചാനലിന് 10 ലക്ഷം ലൈക്കുകളുണ്ട്.

ഓണ്‍ലൈന്‍ വായനക്കാരുടെ ഇടയില്‍ തരംഗം സൃഷ്ടിച്ച മറുനാടന്‍ മലയാളിക്ക് രണ്ടേമുക്കാല്‍ ലക്ഷമാണ് ഫേസ്ബുക്ക് ലൈക്കുകളുള്ളത്.
ഇവിടെയാണ് മലയാളി വാര്‍ത്തയുടെ പ്രാധാന്യം. മലയാളി വാര്‍ത്തയുടെ ഫേസ്ബുക്ക് ലൈക്ക് 5 ലക്ഷം കഴിഞ്ഞു. മലയാളി വാര്‍ത്ത നിലവില്‍ വന്നിട്ട് കേവലം രണ്ട് വര്‍ഷത്തിനകമേ ആകുന്നുള്ളൂ. ഈ ചുരുങ്ങിയ കാലത്തിനുള്ളില്‍ മുഖ്യധാരാ പത്രങ്ങളായ മാതൃഭൂമിക്കും മനോരമയ്ക്കും കേരള കൗമിദിക്കും തൊട്ടു പിന്നിലായി മലയാളി വാര്‍ത്ത എത്തി എന്നത് വലിയ കാര്യം തന്നെയാണ്. അതായത് ഓണ്‍ലൈന്‍ എഡീഷന്‍ മാത്രമുള്ള പത്രങ്ങളുടെ ഏറ്റവും മുന്നിലാണ് മലയാളി വാര്‍ത്ത. ലക്ഷക്കണക്കിന് സ്ഥിരം വായനക്കാരാണ് മലയാളി വാര്‍ത്തയ്ക്കുള്ളത്.

മറ്റ് പത്രങ്ങള്‍ അവ്യക്തമായി പറയുന്ന വാര്‍ത്തകളുടെ സോഴ്‌സ് തേടി മലയാളി വാര്‍ത്ത എന്നും സഞ്ചരിക്കാറുണ്ട്. മുഖ്യധാരാ പത്രങ്ങള്‍ പ്രമുഖ വ്യക്തി, പ്രമുഖ സ്ഥാപനം എന്നൊക്കെ പറഞ്ഞ് വാര്‍ത്ത മൂടി വയ്ക്കുമ്പോള്‍ യാതൊരു പേടിയുമില്ലാതെ വ്യക്തികളുടെ മുഖം നോക്കാതെ വാര്‍ത്തകള്‍ നല്‍കുന്നതാണ് മലയാളി വാര്‍ത്തയുടെ രീതി. ഒപ്പം തന്നെ ആധാര്‍, പ്ലാസ്റ്റിക് ഐഡി കാര്‍ഡ് തുടങ്ങിയ ജനോപകാരപ്രദമായ വിഷയങ്ങള്‍ ഓണ്‍ലൈനില്‍ അപേക്ഷിക്കേണ്ട വിധം സചിത്രമായി പ്രസിദ്ധീകരിച്ച് ശ്രദ്ധ നേടാനും മലയാളി വാര്‍ത്തയ്ക്കായി.
സോഷ്യല്‍ മീഡിയ ശക്തമായ, എല്ലാവരും പത്രക്കാരായ ഈ കാലത്ത് വാര്‍ത്ത വളച്ചൊടിക്കാതെ വായനക്കാരുടെ പക്ഷത്ത് നിന്നാണ് വാര്‍ത്തകള്‍ മലയാളി വാര്‍ത്ത തയ്യാറാക്കുന്നത്. അതില്‍ ലോകത്തെമ്പാടുമുള്ള പ്രിയ വായനക്കാരുടെ പിന്തുണ വളരെ വലുതാണ്. ഈ സഹകരണമാണ് മലയാളി വാര്‍ത്തയുടെ ശക്തിയും പ്രചോദനവും.

എഡിറ്റര്‍

മലയാളിവാര്‍ത്ത

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha