വില്യം ഷൂള്‍ട്‌സ് എന്ന പതിനെട്ടുകാരന്‍ സുഹൃത്തിന്റെ സഹോദരനായ ഒന്‍പത് വയസുകാരനെ കുത്തിക്കൊന്നത് കുത്തേറ്റുള്ള മരണം നേരില്‍ കാണുന്നതിനാണെന്ന് വെളിപ്പെടുത്തല്‍. ജോര്‍ഡനാണ് ഉറക്കത്തിനിടെ ഷൂള്‍ട്‌സിന്റെ കൊലകത്തിയ്ക്ക് ഇരയായത്.ലോകാവസാനത്തിന് മുമ്പ് ആരെങ്കിലും കൊല്ലണമെന്ന ആഗ്രഹം മൂലമാണ് താന്‍ ഈ കൃത്യം ചെയ്തതെന്നും ഷൂള്‍ട്‌സ് പറഞ്ഞു.തന്റെ ജീവന്‍ ആരെങ്കിലും എടുക്കുന്നതിന് മുമ്പ് ആരുടെയെങ്കിലും ജീവന്‍ എടുക്കണമെന്നതായിരുന്നു തന്റെ ആഗ്രഹമെന്നും ഷൂള്‍ട്‌സ് പറഞ്ഞു. കഴിഞ്ഞ ഞായറാഴ്ച്ചയായിരുന്നു സംഭവം നടന്നത്. കൊല നടക്കുന്നതിന് ഒരു ദിവസം മുമ്പ് ഇയാളെ മാനസികാരോഗ്യ ആശുപത്രിയില്‍ പ്രവേശിപ്പിച്ചിരുന്നു. തിരികെ വീട്ടിലെത്തിയ ഷൂള്‍ട്‌സ് തന്റെ മാതാവുമായി വഴക്കിട്ട ശേഷമാണ് സുഹ്യത്തിന്റെ വീട്ടിലെത്തിയത്.
തന്റെ മാനസികാരോഗ്യത്തെ കുറിച്ച് വീട്ടുക്കാര്‍ ശ്രദ്ധാലുകളായിരുന്നുവെന്നും ഇയാള്‍ പറഞ്ഞു.ഞായറാഴ്ച്ച തന്നെ ഇയാള്‍ അറസ്റ്റിലായി. സംഭവത്തെ തുടര്‍ന്ന് ജോര്‍ഡന്റെ വീ്ട്ടില്‍ പോലീസെത്തുമ്പോള്‍ കുട്ടിയെ ആശുപത്രിയിലേക്ക് മാറ്റിയിരുന്നു.അന്ന് വീട്ടിലുണ്ടായിരുന്ന ഷൂള്‍ട്‌സ് തന്നെയാണ് ക്യത്യം നടത്തിയതെന്നും വ്യക്തമായി.ശനിയാഴ്ച്ചയാണ് ഷൂള്‍ട്‌സ് മാനസികാരോഗ്യ വിദഗ്ദ്ധനെ കണ്ടത്. രണ്ട് മണിക്കൂറോളം ഡോക്ടറുമായി ഇയാള്‍ സംസാരിച്ചു.ഡോക്ടര്‍ തന്നെ വേണ്ട വിധം ശ്രദ്ധിച്ചില്ലെന്നാണ് വാദം.ആശുപത്രിയില്‍ നിന്നും വിട്ടയച്ച ശേഷം ഷൂള്‍ട്‌സ് അമ്മയുമായി വഴക്കിടുകയും സുഹ്യത്തിന്റെ വീട്ടിലേക്ക് പോവുകയുമായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha