ഇന്ത്യയില്‍ ഏതെല്ലാം സംസ്ഥാനങ്ങളിലാണ് ലൈംഗികത്തൊഴിലാളികള്‍ കൂടുതലുള്ളത് എന്ന ചോദ്യത്തിന് മറുപടി പറയാന്‍ അല്‍പ്പമൊന്ന് കുഴയും. എന്നാല്‍, ഇന്ത്യയില്‍ ലൈംഗികത്തൊഴില്‍ ഏറ്റവും വരുമാനമുള്ള ജോലി ആയി കരുതുന്ന നാല് ഇടങ്ങളുണ്ട്.യുപിയിലെ നാട്ട്പുര്‍വ, കര്‍ണാടകയിലെ ദേവദാസിത്തെരുവ്, ഗുജറാത്തിലെ വാഡിയ, മധ്യപ്രദേശിലെ ബച്ചാര വിഭാഗം ഇങ്ങനെ പോകുന്നു ആ ഇടങ്ങള്‍.

1. നാട്ട്പുര്‍വ:
ഉത്തര്‍പ്രദേശിലെ ഒരു ഗ്രാമമായ നാട്ട്പുര്‍വയില്‍ നാട്ട് എന്ന വിഭാഗത്തില്‍പെട്ടവരാണ് കൂടുതല്‍ പേരും. 400 മുതല്‍ 5000 വര്‍ഷം വരെ പഴക്കുമുണ്ടെന്ന് കരുതുന്ന ഈ ഗ്രാമത്തിന്റെ പ്രധാനവരുമാനം ലൈംഗികത്തൊഴിലില്‍ നിന്നാണ്. ഈ ഗ്രാമത്തിലെ വളരെക്കുറച്ച് കുട്ടികള്‍ക്ക് മാത്രമാണ് അവരുടെ പിതാവ് ആരാണെന്ന് അറിയുന്നത്. പുരാതനമായ ആചാരങ്ങളാണ് ഈ ഗ്രാമം ഇപ്പോഴും പിന്തുടരുന്നത്. ഇവിടെ വേണ്ടത്ര സ്‌കൂളുകളോ ആരോഗ്യ കേന്ദ്രങ്ങളോ ഇല്ല.

2. കര്‍ണാടകയിലെ ദേവദാസിത്തെരുവ്:
കര്‍ണാടകയിലെ ദേവദാസികളും പുരാതനകാലം മുതല്‍ക്കേ ലൈംഗികത്തൊഴില്‍ ജീവിതവൃത്തിയായി സ്വീകരിച്ചവരാണ്. ഹിന്ദു ദേവതയായ യെല്ലമ്മയ്ക്ക് ദാനം കൊടുക്കുന്ന പെണ്‍കുട്ടികളാണ് ദേവദാസികള്‍. ദേവന്റെ ദാസികള്‍ എന്നാണ് ദേവദാസികളുടെ അര്‍ത്ഥം. യെല്ലമ്മയക്ക് പെണ്‍കുട്ടിയെ നല്‍കിക്കഴിഞ്ഞാല്‍ അവള്‍ പിന്നെ സമുദായത്തിന്റേതായി എന്നാണ് വിശ്വാസം. പെണ്‍കുട്ടിയുടെ കന്യകാത്വം ലേലം ചെയ്ത് അതില്‍ നിന്നും ലഭിക്കുന്ന പണം അവശത അനുഭവിക്കുന്ന ദേവദാസികള്‍ക്ക് നല്‍കുന്ന സമ്പ്രദായവും ദേവദാസികള്‍ക്കിടയില്‍ നിലനില്‍ക്കുന്നുണ്ട്. കാലം പുരോഗമിച്ചാലും ഇത്തരം ആചാരങ്ങള്‍ രഹസ്യമായി നിലനില്‍ക്കുന്നുണ്ട്.

3. വാഡിയ, ഗുജറാത്ത്:
വടക്കന്‍ ഗുജറാത്തിലെ ബനസ്‌കന്ദ ജില്ലയിലെ ഒരു ചെറു ഗ്രാമമാണ് വാഡിയ. ഇവിടുത്തെ സ്ത്രീകള്‍ കുടുംബം പുലര്‍ത്തുന്നത് ലൈംഗികത്തൊഴിലില്‍ നിന്നുള്ള വരുമാനം കൊണ്ടാണ്. പുരുഷന്മാര്‍ ഇക്കാര്യത്തില്‍ ഭാര്യമാരെ സഹായിക്കാറാണുള്ളത്. നൂറ്റാണ്ടുകള്‍ മുതലുള്ള ഇവരുടെ ജീവിതരീതിയില്‍ നിന്ന് മാറ്റം വരുത്താന്‍ സമൂഹ വിവാഹങ്ങള്‍ നടത്തിയും കൂടുതല്‍ വിദ്യാഭ്യാസ സ്ഥാപനങ്ങള്‍ തുറന്നും സര്‍ക്കാര്‍ ശ്രമിക്കുന്നുണ്ടെങ്കിലും ഫലം കുറവാണ്.

4. മധ്യപ്രദേശിലെ ബച്ചാര വിഭാഗം:

രാജഭരണകാലം മുതലെ ലൈംഗികത്തൊഴിലാളികളാണ് മധ്യപ്രദേശിലെ ബച്ചാര വിഭാഗക്കാര്‍. കുടുംബത്തിലെ മൂത്ത പെണ്‍കുട്ടിയാണ് കുലത്തൊഴിലെടുക്കേണ്ടത്. പിതാവും സഹോദരന്മാരുമാണ് ഇവരുടെ ദല്ലാള്‍മാരായി പ്രവര്‍ത്തിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha