ലൈംഗീകതയുമായി ബന്ധപ്പെട്ട പല കാര്യങ്ങളിലുംഇന്ത്യക്കാർ പഴഞ്ചന്മാരാണ്. പലപ്പോഴും തുറന്ന ആരോഗ്യകരമായ സംസാരം പോലും ലൈംഗീകതയുമായി ബന്ധപ്പെട്ട് നമ്മുടെ സമൂഹത്തിൽ നടക്കാറില്ല. ഇത് നിരവധി പ്രശ്നങ്ങൾക്കും ഇടയാക്കാറുമുണ്ട്.

സംസാരിക്കാൻ പാടില്ലാത്ത ഒന്നാണ് സെക്സ് സംബന്ധമായ കാര്യങ്ങൾ എന്നാണു ഈ ഇരുത്തിയൊന്നാം നൂറ്റാണ്ടിലും പലരുടെയും ചിന്താഗതി. അപ്പോൾ പിന്നെ സെക്സ് ടോയ്‌സ് (ലൈംഗീക കളിപ്പാട്ടങ്ങൾ) ഉപയോഗത്തെപ്പറ്റി പറയണ്ടല്ലോ? പലർക്കും ട്രൈ ചെയ്താൽ കൊള്ളാം എന്നുണ്ടെങ്കിലും മോശം കാര്യമാണ് ഇതെന്ന ചിന്തയിൽ കുടുങ്ങി ഇരിക്കുകയാണ് ചില ഇന്ത്യക്കാർ.

എന്നാൽ ഉപയോഗിക്കാൻ മുന്നോട്ട് വരുന്നവർക്ക് വെബ്‌സൈറ്റുകളിലും അനധികൃത കടകളും മാത്രമായിരുന്നു ആശ്രയമായിരുന്നത്. എന്നാൽ ഇനി അങ്ങനെ അല്ല. ഇത്യയിലെ ആദ്യ അംഗീകൃത സെക്സ് ടോയ് സ്റ്റോർ ഗോവയിൽ പ്രവർത്തനം ആരംഭിച്ചിരിക്കുകയാണ്.

ഗോവയിലെ പ്രശസ്തമായ കലാൻഗുട്ടെയിലാണ് കാമ ഗിസ്‌മോസ് എന്ന പേരിലാണ് സെക്സ് ടോയ് സ്റ്റോർ പ്രവർത്തനം ആരംഭിച്ചിരിക്കുന്നത്. വൈസ്.കോം റിപ്പോർട്ട് അനുസരിച്ച് കഴിഞ്ഞ മാസം 14 ന് വാലന്റൈൻസ് ദിനത്തിലാണ് കാമ ഗിസ്‌മോസിന്റെ ഉദ്‌ഘാടനം കഴിഞ്ഞത്. കാമകാർട്ട്, ഗിസോമോസ്വാല എന്നീ രണ്ട് ലൈംഗിക ഉൽ‌പന്ന ചില്ലറ വ്യാപാരികൾ ഒന്നിച്ചാണ് കാമ ഗിസ്‌മോസ് എന്ന കട ആരംഭിച്ചിരിക്കുന്നത്.

"ഏതെങ്കിലും [ലൈംഗിക] ഉൽപ്പന്നം അശ്ലീലമല്ലാത്ത കാലത്തോളം നിങ്ങൾക്ക് വിൽക്കാൻ കഴിയും. നഗ്നതയില്ലാത്തതോ സ്ത്രീകളെ അപമാനിക്കുന്നതോ ആയ പാക്കേജിംഗ് ഉള്ള കളിപ്പാട്ടങ്ങളും ഉൽപ്പന്നങ്ങളുമാണ് ഞങ്ങൾ മനഃപൂർവം കടയിലേക്ക് തിരഞ്ഞെടുത്തത്, അതിനാൽ ഇത് അശ്ലീലതയുമായി ബന്ധപ്പെട്ട ഇന്ത്യൻ നിയമങ്ങളൊന്നും ലംഘിക്കുന്നില്ല,”കാമ ഗിസോംസിന്റെ സഹസ്ഥാപകനായ നീരവ് മേത്ത വൈസ്.കോം കോമിനോട് വ്യക്തമാക്കി.

അതെ സമയം സെക്സ് ടോയ് സ്റ്റോർ തുടങ്ങുന്നതിന്റെ പിന്നിലെ കാരണം മറ്റൊന്നാണ്. കഴിഞ്ഞ വർഷം ലോക്ക്ഡൗൺ ഘട്ടത്തിൽ ഇന്ത്യയിൽ ലൈംഗിക കളിപ്പാട്ടങ്ങളുടെ വിൽപ്പന 65 ശതമാനം ഉയരുകയുണ്ടായി. എന്നാൽ, ഇത്രയും ആവശ്യമുള്ള ഉത്പന്നങ്ങൾ വിൽക്കാൻ ലൈംഗിക കളിപ്പാട്ടങ്ങൾ വിൽക്കുന്ന വെബ്‌സൈറ്റുകൾ വളരെ ചുരുക്കമായിരുന്നു. മാത്രമല്ല ഏറെക്കുറെ എല്ലാ കടകളും നിയമവിരുദ്ധമായാണ് പ്രവർത്തിക്കുന്നതും. ഇതാണ് കാമ ഗിസ്‌മോസ് തുടങ്ങുന്നതിന്റെ പിന്നിലെ കാരണം.

കൂടാതെ വയാഗ്ര പോലുള്ള സ്‌പ്രേകൾ, പുതുമയുള്ള കോണ്ടം, ജെൽസ്, വൈബ്രേറ്ററുകൾ, പമ്പ്-ടു-ഹാർനെസ് തുടങ്ങിയവ വൈവിധ്യമാർന്ന ലൈംഗിക കളിപ്പാട്ടങ്ങളും സ്റ്റോറിൽ ക്രമീകരിച്ചിട്ടുണ്ട്. ലൈംഗീക കളിപ്പാട്ടങ്ങൾ വാങ്ങുന്നതിനുമുമ്പ് അവ ഉപഭോക്താക്കൾക്ക് യോജിക്കുന്നതോ എന്ന് പരിശോധിക്കാനുള്ള അവസരവും ഇവർ ഒരുക്കിയിരിക്കുകയാണ്.

തികച്ചും പ്രൊഫഷണൽ ആയാണ് കാമ ഗിസ്‌മോസിന്റെ പ്രവർത്തിക്കുന്നത്. കൂടാതെ സുതാര്യമായ ഒരു മെഡിക്കൽ സ്റ്റോർ പോലെയാണ് കാമ ഗിസ്‌മോസ് പ്രവർത്തിക്കുന്നത്. കടയുടെ പോസ്റ്ററുകളിലോ, അകത്തോ ഏതെങ്കിലും തരത്തിലുള്ള നഗ്നതയോ അശ്ലീലമോ പ്രദർശിപ്പിച്ചിട്ടുമില്ല.