‘എനിക്ക് മറ്റൊന്നും ഭക്ഷണത്തിന് വേണമെന്ന് നിര്‍ബന്ധമില്ല. കല്ലും മണ്ണും ഇഷ്ടികയുമെല്ലാം ആണ് ഇഷ്ടഭക്ഷണം. ഇത് ശീലമായി. മണ്ണ് തീറ്റ അവസാനിപ്പിക്കാന്‍ എനിക്ക് കഴിയില്ല. എത്ര കട്ടിയുള്ള കല്ലാണെങ്കിലും കടിച്ചു പൊട്ടിച്ചു തിന്നാനാണ് ഇഷ്ട്ടം. പല്ലുകള്‍ക്ക് ഇതുവരെ ഒരു കുഴപ്പവും വന്നിട്ടില്ല’- പക്കീരപ്പ പറയുന്നു. മണ്ണ് തിന്നുന്നത് അവസാനിപ്പിക്കണമെന്ന് ഏറെക്കാലമായി അമ്മയും സുഹൃത്തുക്കളും നിര്‍ബന്ധിക്കുന്നുണ്ടെങ്കിലും ശീലം ഉപേക്ഷിക്കാന്‍ പക്കീരപ്പ തയ്യാറായിട്ടിട്ടില്ല. ഫ്രൈഡ് ചിക്കനേക്കാള്‍ തനിക്ക് ഇഷ്ടം മണ്ണാണെന്ന് പക്കീരപ്പ ചിരിച്ചുകൊണ്ട് പറയുന്നു. പക്കീരപ്പ പ്രതിദിനം ഒരു ഇഷ്ടികയും കിലോക്കണക്കിന് മണ്ണും അകത്താക്കുമെന്ന് കുടുംബാംഗങ്ങള്‍ പറയുന്നു. വൈദ്യശാസ്ത്രത്തില്‍ പിക്ക (ഭക്ഷണത്തിന് യോഗ്യമല്ലാത്ത വസ്തുകള്‍ക്ക് കഴിക്കാനുള്ള മനുഷ്യന്റെ പ്രവണത) എന്ന് വിളിക്കുന്ന അവസ്ഥയാണ് പക്കീരപ്പയുടേതെന്ന് ആരോഗ്യവിദഗ്ധര്‍ പറയുന്നു. ഇന്ത്യയൊട്ടാകെ സഞ്ചരിച്ച് മണ്ണ് തിന്നുന്നത് രാജ്യത്തെ ജനങ്ങളെ കാണിച്ച് പ്രശസ്തി നേടാനുള്ള ഒരുക്കത്തിലാണ് ഇയാള്‍ ഇപ്പോള്‍. മണ്ണ് തിന്നുന്നത് കൊണ്ട് ഇതുവരെ ആരോഗ്യപ്രശ്‌നങ്ങള്‍ ഒന്നും തന്നെ ഉണ്ടായിട്ടില്ലെന്നും പക്കീരപ്പ അവകാശപ്പെടുന്നു.