നടരാജനും ചാഹലും തിളങ്ങി; ഇന്ത്യയ്ക്കെതിരായ ടി20 പരമ്പരയിലെ ആദ്യ മത്സരത്തില് ഓസ്ട്രേലിയയ്ക്ക് തോല്വി; ഇന്ത്യയുടെ 162 റണ്സ് വിജയലക്ഷ്യം പിന്തുടര്ന്ന ഓസ്ട്രേലിയയ്ക്ക് നേടാനായത് 150 റണ്സ് മാത്രം
ഇന്ത്യയ്ക്കെതിരായ ടി20 പരമ്ബരയിലെ ആദ്യ മത്സരത്തില് ഓസ്ട്രേലിയയ്ക്ക് തോല്വി. ഇന്ത്യ ഉയര്ത്തിയ 162 റണ്സ് വിജയലക്ഷ്യം പിന്തുടര്ന്ന് ബാറ്റിങ്ങിനിറങ്ങിയ ഓസീസിന് 20 ഓവറില് ഏഴു വിക്കറ്റ് നഷ്ടത്തില് 150 റണ്സെടുക്കാനേ സാധിച്ചുള്ളൂ.
ഇതോടെ മൂന്ന് മത്സരങ്ങളടങ്ങിയ പരമ്ബരയില് ഇന്ത്യ 1-0ന് മുന്നിലെത്തി. തുടക്കക്കാരനായ ടി. നടരാജന് മികവ് തെളിയിച്ചപ്പോള് യൂസ്വേന്ദ്ര ചാഹലും വിട്ടുകൊടുത്തില്ല. നാല് ഓവര് എറിഞ്ഞ നടരാജന് 30 റണ്സിന് മൂന്നു വിക്കറ്റ് വീഴ്ത്തി. ചാഹല് നാല് ഓവറില് 25 റണ്സ് വഴങ്ങി മൂന്നു വിക്കറ്റെടുത്തു. 162 റണ്സ് വിജയലക്ഷ്യം പിന്തുടര്ന്ന് ബാറ്റിങ്ങിനിറങ്ങിയ ഓസീസിനായി ഓപ്പണര്മാരായ ക്യാപ്റ്റന് ആരോണ് ഫിഞ്ചും ഡാര്സി ഷോര്ട്ടും മികച്ച തുടക്കമാണ് നല്കിയത്. എങ്കിലും ഈ ഫോം നിലനിര്ത്താന് പിന്നീട് വന്നവര്ക്ക് സാധിച്ചില്ല. 26 പന്തില് നിന്ന് ഒരു സിക്സും അഞ്ചു ഫോറുമടക്കം 35 റണ്സെടുത്ത ഫിഞ്ച് മടങ്ങിയത്. പിന്നാലെ 12 റണ്സെടുത്ത സ്റ്റീവ് സ്മിത്തിനെയും ചാഹല് മടക്കി.
11-ാം ഓവറില് അപകടകാരിയായ ഗ്ലെന് മാക്സ്വെല്ലിനെ മടക്കി ടി. നടരാജന് വിക്കറ്റ് വേട്ടക്ക് തുടക്കം കുറിച്ചു. പിന്നാലെ ഡാര്സി ഷോര്ട്ടിനെയും നടരാജന് പുറത്താക്കി.ടോസ് നഷ്ടപ്പെട്ട് ആദ്യം ബാറ്റ് ചെയ്ത ഇന്ത്യ നിശ്ചിത 20 ഓവറില് ഏഴ് വിക്കറ്റ് നഷ്ടത്തില് 161 റണ്സെടുത്തിരുന്നു. വിരാട് കോഹ്ലി ഉള്പ്പടെയുള്ള പ്രമുഖര് കളി മറന്നപ്പോള് കെ.എല്.രാഹുലിന്റെ അര്ധ സെഞ്ചുറിയും അവസാന ഓവറുകളില് രവീന്ദ്ര ജഡേജ നടത്തിയ വെടിക്കെട്ടു ബാറ്റുങ്ങുമാണ് ഇന്ത്യയ്ക്കു തുണയായത്. 23 റണ്സെടുത്തെങ്കിലും മലയാളി താരം സഞ്ജു വി സാംസന് അവസരം മുതലെടുക്കാനായില്ല.
https://www.facebook.com/Malayalivartha