അമേരിക്കയില്‍ ആപ്പിളിനെതിരെ സാംസങ്ങിന്‌ വിജയം. പേറ്റന്റ്‌ നിയമം ലംഘിച്ചെന്ന കേസിലാണ്‌ സാംസങ്ങിന്‌ അനുകൂലമായ വിധി വന്നത്‌. ഇതേ തുടര്‍ന്ന്‌ അമേരിക്കയില്‍ ആപ്പിളിന്റെ ചില മോഡലുകള്‍ നിരോധിച്ചു. അന്തര്‍ദേശീയ വ്യാപാര കമ്മീഷനാണ് ഉല്‍പ്പന്നങ്ങള്‍ നിരോധിച്ചു കൊണ്ടുള്ള ഉത്തരവ് പുറത്തിറക്കിയത്. ഐ ഫോണ്‍4, ഐ ഫോണ്‍3, ഐഫോണ്‍ 3ജി, ഐപാഡ് 3ജി, ഐപാഡ് 2ജി എന്നീ മോഡലുകളാണ് നിരോധിച്ചത്. അതേസമയം നിരോധനം പ്രതീകാത്മകമാണെന്ന ആരോപണവും ഉയര്‍ന്നിട്ടുണ്ട്. കാരണം നിരോധിച്ച മോഡലുകള്‍ ഇപ്പോള്‍ അമേരിക്കന്‍ വിപണിയിലെ ശക്തകമായ സാന്നിധ്യമല്ല. ഐഫോണ്‍, ഐപാഡ് എന്നിവയുടെ ഏറ്റവും പുതിയ മോഡലുകളാണ് ഇപ്പോള്‍ അമേരിക്കന്‍ വിപണിയിലുള്ളത്.

കഴിഞ്ഞ വര്‍ഷം പേറ്റന്റ് കേസില്‍ സാംസങ് കമ്പനി ആപ്പിളിന് 1 ബില്യണ്‍ ഡോളര്‍ നഷ്ടപരിഹാരം നല്‍കണമെന്ന് അമേരിക്കന്‍ കോടതി വിധിച്ചിരുന്നു. ആപ്പിള്‍ ഐപാഡിന്റെ ഡിസൈന്‍ കോപ്പിയടിച്ചെന്ന് കണ്ടെത്തിയാണ് പിഴ വിധിച്ചത്. അതിനാല്‍ സാംസങ്ങിന് ഇത് മധുരപ്രതികാരം കൂടിയായി.