വീണ്ടും ബാലിസ്റ്റിക് മിസൈല് പരീക്ഷണവുമായി ഉത്തരകൊറിയ
വീണ്ടും ബാലിസ്റ്റിക് മിസൈല് പരീക്ഷണവുമായി ഉത്തരകൊറിയ. സര്ക്കാര് വാര്ത്താ ഏജന്സിയായ കെസിഎന്എ ആണ് ഇക്കാര്യം സ്ഥിരീകരിച്ചിട്ടുളളത്. രാജ്യത്തിന്റെ ആണവശക്തി വര്ദ്ധിപ്പിക്കുമെന്നും ഉത്തരകൊറിയന് നേതാവ് കിം ജോങ് ഉന് പ്രതിജ്ഞ ചെയ്തതായും റിപ്പോര്ട്ടിലുണ്ട്.
ബാലിസ്റ്റിക് മിസൈലിന്റെ കൃത്യത വിലയിരുത്തുന്നതിനായി നടത്തിയ ദൗത്യമാണിതെന്നാണ് മിസൈല് വിക്ഷേപണത്തെക്കുറിച്ച് കിം ജോങ് ഉന് പറഞ്ഞത്. കിഴക്കന് കടലിലേക്ക് ആണ് പരീക്ഷണ വിക്ഷേപണം നടത്തിയത്. കിം ജോങ് ഉന് നേരിട്ട് എത്തിയാണ് വിക്ഷേപണത്തിന് നേതൃത്വം നല്കിയത്. പരീക്ഷണം വിജയമായിരുന്നുവെന്നും, കിം ജോങ് ഉന് പൂര്ണ സംതൃപ്തി പ്രകടിപ്പിച്ചുവെന്നും കെസിഎന്എ വ്യക്തമാക്കി.
കഴിഞ്ഞ ദിവസം കിം ജോങ് ഉന് സൈനിക ഉത്പന്നങ്ങള് നിര്മ്മിക്കുന്ന കേന്ദ്രം സന്ദര്ശിച്ചിരുന്നു. രാജ്യത്തിന്റെ ആണവശക്തി കണ്ടാല് ശത്രുക്കള് ഭയപ്പെടുമെന്നും, അത് തീയില് കളിക്കാതെ ഇരിക്കാന് അവരെ പ്രേരിപ്പിക്കുമെന്നും കിം ജോങ് പറഞ്ഞതായും റിപ്പോര്ട്ടില് സൂചിപ്പിക്കുന്നു.
"
https://www.facebook.com/Malayalivartha
