ബ്ലഡ് ട്രാൻസ്ഫ്യൂഷൻ - എന്ത് ,എങ്ങിനെ ?
കേരളത്തിന്റെ ആരോഗ്യ മാതൃക പരിഹാസ്യമായി മാറുന്ന സന്ദര്ഭങ്ങള് പലപ്പോഴും ഉണ്ടാകുന്നുണ്ട്. അത്തരം ഒന്നായിരുന്നു തിരുവനന്തപുരം ആർ സി സിയിൽ അടുത്തിടെ ഉണ്ടായത്. ഒമ്പത് വയസുള്ള കുട്ടിക്ക് രക്തം സ്വീകരിച്ചതിലൂടെ എച്ച്ഐവി ബാധ ഉണ്ടായിരിക്കുന്നു എന്നാണ് ഗുരുതരമായ ആരോപണം ഉയര്ന്നിരിക്കുന്നത്.
ആരോഗ്യമുള്ള ഒരു ശരീരത്തിൽനിന്ന് മറ്റൊരു ശരീരത്തിലേക്ക് രക്തം നിവേശിപ്പിക്കുന്ന പ്രക്രിയയാണ് ബ്ലഡ് ട്രാൻസ്ഫ്യൂഷൻ. രക്തം രോഗാണുവിമുക്തമാണെന്ന് ഉറപ്പുവരുത്തിയശേഷമേ രോഗികൾക്ക് നൽകാറുള്ളൂ.
രക്തത്തെയോ അതിന്റെ ഘടകങ്ങളെയോ മറ്റൊരു ശരീരത്തിന്റെ ആവശ്യമനുസരിച്ച് കടത്തി വിടുന്നതിനെയാണ് ബ്ലഡ് ട്രാൻസ്ഫ്യുഷൻ എന്ന് പറയുന്നത്. ഇൻട്രാ വീനസ് ( ഐ വി) അഥവാ അശുദ്ധ രക്തധമനി വഴിയാണ് ഇൗ ക്രിയ ചെയ്യുന്നത്. മുമ്പ് രക്തത്തെ മുഴുവനായി മാത്രമേ കടത്തി വിടുവാൻ കഴിയുമായിരുന്നുള്ളു. എന്നാൽ ഇപ്പോൾ ചു വന്ന രക്താണു (ആർ ബി സി ), വെള്ള രക്താണു (ഡബ്ലു.ബി.സി) , പ്ലാസ്മ, ക്ലോട്ടിങ്ങ് ഫാക്ടറുകൾ ,പ്ലേറ്റ്ലെറ്റ്സ് എന്നിവ ആവശ്യാനുസരണം തിരഞ്ഞെടുത്ത് കടത്തിവിടാനാകുന്നതാണ്. മുമ്പ് ഹീമോഗ്ലോബിനിന്റെ അളവ് കുറയുമ്പോൾ(ഹെമറ്റോക്രിറ്റ് 30% ത്തിൽ താഴെയെത്തുമ്പോൾ) മാത്രമായിരുന്നു ബ്ലഡ് ട്രാൻസ്ഫ്യൂഷൻ ചെയ്തിരുന്നത്.
ക്ലോട്ടിങ്ങ് ഫാക്ടറിന്റെ അഭാവം ,വിഷം കലരൽ ,അനീമിയ ,അനീമിയയ്ക്ക് കാരണമാകുന്ന രോഗങ്ങൾ , ശസ്ത്രക്രിയയിലൂടെ രക്തം നഷ്ടപ്പെടൽ അങ്ങനെ പല വിധത്തിൽ രക്തം നഷ്ടപ്പെടുകയോ അല്ലെങ്കിൽ രക്തത്തിലെ ഘടകങ്ങൾക്ക് കുറവ് സംഭവിക്കുകയോ ചെയ്യുമ്പോഴാണ് ട്രാൻസ്ഫ്യൂഷൻ നടത്തുന്നത്. തീപ്പൊള്ളൽ പോലെയുള്ള അവസ്ഥയ്ക്ക് പ്ലാസ്മ മാത്രമാണ് കൊടുക്കുന്നത്. ശരീരത്തിന്റെ ആവശ്യമനുസരിച്ചാണ് കടത്തേണ്ട ഘടകങ്ങളും അതിന്റെ അളവുകളും തീരുമാനിക്കുന്നത്.
ബ്ലഡ് ട്രാൻസ്ഫ്യൂഷനു മുമ്പായി കർശനമായും പരിശോധന നടത്തി ദാതാവിന്റെ രക്തത്തിൽ മറ്റു രോഗത്തിന് ഹേതുവാകാനിടയുള്ള ഘടകങ്ങൾ ഒന്നുമില്ല എന്ന് ഉറപ്പ് വരുത്തിയതിന് ശേഷം മാത്രമേ രോഗിയുടെ ശരീരത്തിലേക്ക് രക്തം കടത്തിവിടുന്നത് തുടങ്ങുമ്പോൾ പാടുള്ളൂ. ശേഖരിച്ച രക്തം ആദ്യം പ്രോസ്സസ്സിങ്ങിന് വിധേയമാക്കണം. സെൻട്രിഫ്യൂഗേഷൻ വഴി ഘടകങ്ങളെ വേർതിരിച്ച് എടുക്കാം.
ലോക ആരോഗ്യ സംഘടനയുടെ ശാസന പ്രകാരം ദാതാവിന്റെ രക്തം എച്ച് ഐ വി ,ഹെപ്പറ്റൈറ്റിസ് ബി, ഹെപ്പറ്റൈറ്റിസ് സി, സിഫിലിസ് ,മലേറിയ മുതലായ രോഗങ്ങളുടെ സാധ്യതയുണ്ടോ എന്ന് നിർബന്ധമായും പരിശോധിക്കേണ്ടതാണ്. എ ബി ഒ ബ്ലഡ് ഗ്രൂപ്പിങ്ങ് രീതിയും ആർ എച്ച് ബ്ലഡ് ഗ്രൂപ്പിങ്ങ് രീതിയും പ്രകാരം അനുകൂലമായ രക്തം മാത്രമേ കൊടുക്കുവാൻ കഴിയുകയുള്ളൂ. പാത്തൊജെൻ റിഡക്ഷൻ ട്രീറ്റ്മെന്റ് ,അതായത് റൈബോഫ്ലാവിൻ ചേർത്ത് യു വി കിരണങ്ങളുടെ സാന്നിധ്യത്തിൽ വൈറസ് ,ബാക്ടിരിയ മുതലായവയെ നശിപ്പിക്കുകയും ചെയ്യുന്നു.
45 മിനിറ്റോളം നീണ്ടു നിൽക്കുന്ന ടെസ്റ്റുകൾക്കൊടുവിലാണ് ദാതാവിന്റെ രക്തം സ്വീകാര്യമാണോ അല്ലയോ എന്ന് തീരുമാനിക്കുന്നത്. അതിൽ പ്രധാനമായും രോഗിയുടെ പ്ലാസ്മയിൽ ദാതാവിന്റെ രക്താണുക്കൾ (ബ്ലഡ് സെൽസ്) പ്രവേശിക്കുമ്പോൾ പ്രതിപ്രവർത്തനം എന്തെങ്കിലും നടക്കുന്നുണ്ടോ എന്ന് ചെറിയ മാതൃക ടെസ്റ്റ് ട്യൂബിൽ നടത്തി നോക്കുന്നു.
ട്രാൻസ്ഫ്യൂഷൻ റിയാക്ഷന്റെ ലക്ഷണങ്ങൾ കലശലായ പനി ,ശ്വാസംമുട്ടൽ ,ചൊറിച്ചിൽ എന്നീ ആദ്യഘട്ട ലക്ഷണങ്ങളോട് കൂടി തുടങ്ങി പിന്നീട് കിഡ്നി യുടെ തകരാറിലേക്കും ശ്വാസകോശ സംബന്ധമായ രോഗങ്ങളിലേക്കും ഷോക്കിലേക്കും വരെ എത്തുന്നു
അരവിന്ദന് കമ്മിറ്റിയുടെ നിര്ദ്ദേശങ്ങൾ താഴെ പറയുന്നവയാണ്
ബ്ലഡ് ബാങ്കുകളില് പരിശീലനം നേടിയ കൗണ്സലര്മാരെ ആവശ്യത്തിന് നിയോഗിക്കുക,
കേരളത്തില് മൂന്നിടത്ത് എന്എടി ലാബുകള് സ്ഥാപിക്കുക, (അതീവ ഗുരുതരമായ രോഗം ബാധിച്ചവര്ക്ക് പ്രത്യേക രക്തപരിശോധന ഉറപ്പാക്കാനാണിത്)
ഗവ. ബ്ലഡ് ബാങ്കുകളില് മതിയായ എണ്ണം ലാബ് ടെക്നീഷ്യന്മാരെ നിയോഗിക്കുക
അംഗീകരിച്ച മാര്ഗനിര്ദേശങ്ങള് പ്രകാരം മാത്രം രക്തം ഉപയോഗിക്കുക
ആറ് മാസത്തിലൊരിക്കല് എച്ച്ഐവി, എച്ച്സിവി ടെസ്റ്റുകള് നടത്തുക
തുടര്ച്ചയായി രക്തം നല്കാനാവുന്നവരുടെ പട്ടിക സൂക്ഷിക്കുക
https://www.facebook.com/Malayalivartha