കണ്ണീരടക്കാനാവാതെ.... ഒമാനിലെ നിസ്വയിലുണ്ടായ വാഹനാപകടത്തില് മലയാളികള് ഉള്പ്പെടെ മൂന്ന് നഴ്സുമാര്ക്ക് ദാരുണാന്ത്യം, രണ്ടു പേര്ക്ക് പരുക്ക്
കണ്ണീരടക്കാനാവാതെ.... ഒമാനിലെ നിസ്വയിലുണ്ടായ വാഹനാപകടത്തില് മലയാളികള് ഉള്പ്പെടെ മൂന്ന് നഴ്സുമാര് മരിച്ചു. റോഡ് മുറിച്ചുകടക്കുന്നതിനിടെ അഞ്ച് പേരടങ്ങുന്ന സംഘത്തെ വാഹനം ഇടിക്കുകയായിരുന്നു.
തൃശൂര് സ്വദേശി മജിദ , കൊല്ലം സ്വദേശിനി ഷജീറ ഇല്യാസ് എന്നിവരാണ് മരിച്ച മലയാളികള്. അപകടത്തില് രണ്ട് നഴ്സുമാര്ക്ക് പരിക്കേറ്റു. അപകടത്തില് പരിക്കേറ്റ ഷേര്ലി ജാസ്മിന്, മാളു മാത്യു എന്നീ നഴ്സുമാര് ചികിത്സയില് കഴിയുകയാണ്.
വ്യഴാഴ്ച ഉച്ചക്ക് മൂന്ന് മണിയോടെ മസ്കത്ത്ഇബ്രി ഹൈവേയിലാണ് അപകടം നടന്നത്. നിസ്വ ആശുപത്രിയില്നിന്ന് ജോലി കഴിഞ്ഞ താമസസ്ഥലത്തേക്ക് നടന്നു പോവുകയായിരുന്ന നഴ്സുമാരാണ് അപകടത്തില്പെട്ടത്.
റോഡിന്റെ ഒരു ഭാഗം മുറിച്ച് കടന്ന് മറു ഭാഗത്തേക്ക് കടക്കാനായി ഡിവൈഡറില് കാത്തു നില്ക്കവേ, കൂട്ടിയിടിച്ച രണ്ട് വാഹങ്ങള് നിയന്ത്രണംവിട്ട് ഇവരുടെമേല് പാഞ്ഞ് കയറുകയായിരുന്നു. ഉടന്തന്നെ ആശുപത്രിയില് എത്തിച്ചെങ്കിലും രക്ഷിക്കാന് കഴിഞ്ഞില്ല.
ശങ്കരന് കുട്ടിയാണ് മരിച്ച മജീദയുടെ പിതാവ്. മാതാവ്: രാധ. ഭര്ത്താവ്: രതീഷ്. ഇല്യാസ് നദീറ ദമ്പതികളുടെ മകളാണ് ഷജീറ . ഭര്ത്താവ്: അനീഷ്. അപകട വിവരം അറിഞ്ഞ് ഇരുവരുടേയും ഭര്ത്താക്കന്മാര് നാട്ടില്നിന്ന് ഒമാനിലേക്ക് തിരിച്ചിട്ടുണ്ട്. നിസ്വ ഗവ. ആശുപത്രയില് സൂക്ഷിച്ചിരിക്കുന്ന മൃതദേഹങ്ങള് നടപടികള് പൂര്ത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധുക്കള്.
https://www.facebook.com/Malayalivartha