കേരളം മുഴുവന് തൃശൂരിലെ വിജയം ആഗ്രഹിക്കുന്നു... ജനങ്ങള് നല്കുന്ന ഊര്ജം പറഞ്ഞറിയിക്കാനാവില്ലെന്ന് സുരേഷ് ഗോപി
കഴിഞ്ഞ പാര്ലമെന്റ് തിരഞ്ഞെടുപ്പില് ചുരുങ്ങിയ ദിവസങ്ങള് കൊണ്ടായിരുന്നു തൃശൂരില് പ്രചാരണ പ്രവര്ത്തനം നടത്തിയത്. എന്നാല് ഇത്തവണ ജനങ്ങള് നല്കുന്ന ഊര്ജം പറഞ്ഞറിയിക്കാനാവില്ല. കഴിഞ്ഞ തവണ ഞാന് തോറ്റതല്ല; തോല്പ്പിച്ചതാണ്. ജനാധിപത്യ ധ്വംസനം ചെയ്തതാണ്. അതിന് ഇപ്പോഴും അവര് ശ്രമിക്കുന്നുണ്ട്. പ്രധാനമന്ത്രി നല്കിയ മാനസിക ഊര്ജം എനിക്കു മാത്രമല്ല, കേരളത്തിനാകെയുള്ളതാണ്. കേരളം മുഴുവന് തൃശൂരിലെ വിജയം ആഗ്രഹിക്കുന്നു. പ്രധാനമന്ത്രി കേരളത്തിലെ എന്.ഡി.എ സ്ഥാനാര്ത്ഥികള്ക്കെല്ലാം എനര്ജി നല്കി. പ്രധാനപ്പെട്ട കാര്യം കരുവന്നൂരിലെ തട്ടിപ്പുകാരെ വെറുതെ വിടില്ല എന്ന പ്രഖ്യാപനമാണ്. അദ്ദേഹം നല്കിയത് വലിയൊരു താക്കീതാണ്. സാമ്പത്തിക കൊലപാതകമാണ് കേരളത്തിലെ സഹകരണ ബാങ്കുകളില് നടന്നത്. 2016-ല് തന്നെ ഈ തട്ടിപ്പുകാര് കുടുങ്ങേണ്ടതായിരുന്നു. പിന്നെ, വന്ദേഭാരത്, മെട്രോ വിപുലീകരണം... അങ്ങനെ പലതും അദ്ദേഹം പറഞ്ഞു. ഇവിടെ കുടിവെള്ളം വിതരണം ചെയ്യാന് പൈപ്പ് ഇടാന് പോലും തയ്യാറായില്ലെന്ന് അദ്ദേഹം ചൂണ്ടിക്കാട്ടി. അഴിമതികളെല്ലാം പൊക്കിക്കൊണ്ടുവരുമെന്ന് പറഞ്ഞതിനൊപ്പം എല്ലാ വീട്ടിലും വെള്ളം എത്തിക്കുമെന്ന ഉറപ്പും നല്കിയാണ് അദ്ദേഹം മടങ്ങിയത്. ഇതാണ് ജനതയ്ക്കു വേണ്ടത്. പിണറായിയുടെ നെഞ്ചത്തു കയറിയാണ് പ്രധാനമന്ത്രി ഇതെല്ലാം പറഞ്ഞതെന്ന് ഓര്ക്കണം. വോട്ടര്മാരില് മറ്റൊരു 'മൈന്ഡ് സെറ്റ്' അദ്ദേഹം സൃഷ്ടിച്ചു.
ആ വോട്ടര്മാരില് ബഹുഭൂരിപക്ഷം വരുന്ന കമ്മ്യൂണിസ്റ്റുകാരുണ്ട്. കമ്മ്യൂണിസ്റ്റ് പ്രത്യയശാസ്ത്രത്തെ ആരാധിക്കുന്നവര് നരേന്ദ്ര മോദിയുടെ കരങ്ങള്ക്ക് ശക്തി നല്കണമെന്ന് ചിന്തിക്കാന് തുടങ്ങി. ഒട്ടും പൊളിവചനമില്ലാതെ, ദുരാരോപണങ്ങളില്ലാതെ സത്യസന്ധതയ്ക്ക് ഊന്നല് കൊടുത്തുള്ള പ്രചാരണമാണ് എന്.ഡി.എ നടത്തുന്നത്. വെറുതെ വോട്ട് ചോദിച്ചുപോകുകയല്ല. അതുകൊണ്ട് പാറമേക്കാവ്, തിരുവമ്പാടി ഭഗവതിമാരോടും ഗുരുവായൂരപ്പനോടും മൂകാംബികാ ദേവിയോടുമെല്ലാം ഞാന് പ്രാര്ത്ഥിക്കുന്നത്,? ഒരു വലിയ വിജയം സംഭവിക്കാനാണ്.
https://www.facebook.com/Malayalivartha