നിങ്ങള് ചെയ്തതിന്റെ പതിയെങ്കിലും നന്നായി ചെയ്തെങ്കില് എന്ന് ആഗ്രഹിച്ചു പോകുന്നു... ഷാരുഖിനോട് നന്ദി പറഞ്ഞ് മോഹന്ലാല്
തന്റെ ചിത്രമായ ജവാനിലെ ഗാനത്തിന് ചുവടുവച്ച മോഹന്ലാലിന് നന്ദി പറഞ്ഞു കൊണ്ട് ഷാരൂഖ് ഖാന് എത്തിയിരുന്നു. വനിതാ ഫിലിം അവനാര്ഡ്സ് വേദിയിലായിരുന്നു മോഹന് ലാലിന്റെ പ്രകടനം.'ജവാന്' ചിത്രത്തിലെ 'സിന്ദ ബന്ദ' എന്ന ഗാനത്തിനാണ് മോഹന്ലാല് നൃത്തം ചെയ്തത്. താരത്തിന്റെ വീഡിയോ പങ്കുവച്ചാണ് ഷാരൂഖ് ഖാന് നന്ദി അറിയിച്ചത്.
ഇപ്പോഴിതാ ഷാരൂഖിന് മറുപടിയുമായി എത്തിയിരിക്കുകയാണ് ലാലേട്ടന്. ''പ്രിയ ഷാരുഖ്, താങ്കളെപ്പോലെ മറ്റാര്ക്കും ചെയ്യാന് കഴിയില്ല. അനുകരണം പോലും അസാധ്യമാകും വിധം നിങ്ങളെപ്പോഴും സ്വന്തം ശൈലിയില് ശരിക്കും ജീവിക്കുന്ന വ്യക്തിയാണ്. ഒറിജനല് സിന്ദാ ബന്ദാ! നല്ല വാക്കുകള്ക്ക് നന്ദി. പിന്നെ... ഡിന്നര് മാത്രം മതിയോ? പ്രാതലിലും നമുക്കൊരു 'സിന്ദാ ബന്ദാ' പിടിച്ചാലോ?'' എന്നാണ് ഷാരൂഖിന്റെ ട്വീറ്റ് പങ്കുവച്ചു കൊണ്ട് മോഹന്ലാല് എക്സില് കുറിച്ചത്.
ഷാരൂഖിന്റെ വാക്കുകള് ഇങ്ങനെ'ഈ ഗാനം എനിക്ക് ഏറ്റവും പ്രിയപ്പെട്ടതാക്കിയതിന് മോഹന്ലാല് സാറിന് നന്ദി. നിങ്ങള് ചെയ്തതിന്റെ പതിയെങ്കിലും നന്നായി ചെയ്തെങ്കില് എന്ന് ആഗ്രഹിച്ചു പോകുന്നു. വീട്ടില് ഒന്നിച്ചൊരു അത്താഴത്തിനായി കാത്തിരിക്കുന്നു,' ഷാരൂഖ് കുറിച്ചു.
https://www.facebook.com/Malayalivartha
