ഇന്ത്യയെ മൂന്നാമത്തെ സാമ്പത്തിക ശക്തിയാക്കുന്നതിനുള്ള തെരഞ്ഞെടുപ്പാണിത്...നരേന്ദ്ര മോദി മൂന്നാമതും പ്രധാനമന്ത്രിയായി സത്യപ്രതിജ്ഞ ചെയ്യുമെന്ന് കേന്ദ്രമന്ത്രി അമിത് ഷാ...കേരളവും നരേന്ദ്ര മോദിക്കൊപ്പമെന്ന് എല്ലാ സര്‍വേകളും പറയുന്നുണ്ടെന്നും അദ്ദേഹം വ്യക്തമാക്കി.

ഭാരതത്തെ സകല മേഖലകളിലും ഒന്നാമതെത്തിക്കാന്‍ പോകുന്ന തെരഞ്ഞെടുപ്പുമാണിത്. ലോകത്ത് കമ്യൂണിസം അസ്തമിച്ചു. കോണ്‍ഗ്രസും ഇല്ലാതാകാന്‍ പോകുന്നു. വരാന്‍ പോകുന്നത് ബിജെപിയുടെ നാളുകള്‍. കേരളത്തിലെ ജനങ്ങളെ അക്രമത്തില്‍ നിന്ന് മോചിപ്പിക്കാനുള്ള തെരഞ്ഞെടുപ്പ് ആണിത്. ഇന്ത്യ സഖ്യം കാപട്യത്തിന്റെ കൂട്ടാളികളാണ്. ഒരുമിച്ച് നിന്ന് ഇവര്‍ ജനങ്ങളെ കബളിപ്പിക്കുന്നു

പിഎഫ്‌ഐയെ കോണ്‍ഗ്രസും കമ്യൂണിസ്റ്റും പിന്തുണച്ചു. ന്യൂനപക്ഷ വോട്ട് ബാങ്ക് ലക്ഷ്യമിട്ടാണ് പിഎഫ്‌ഐയെ കോണ്‍ഗ്രസും കമ്യൂണിസ്റ്റ് പാര്‍ട്ടിയും പിന്തുണച്ചത്. പിഎഫ്‌ഐയെ കേരളത്തില്‍ വേരുറപ്പിക്കാന്‍ അനുവദിക്കുകയില്ല. ഭീകര സംഘടനകളെ വച്ചു പൊറുപ്പിക്കില്ല. ഭീകരവാദത്തില്‍ നിന്ന് മോദി രാജ്യത്തെ സുരക്ഷിതമാക്കിയതായും അമിത് ഷാ .