സെന്‍ട്രല്‍ ഇറ്റലിയിലും റോമിലും അതിശക്തമായ ഭൂചലനം. ഇറ്റാലിയന്‍ നഗരമായ റിയെറ്റിയിലാണ് പ്രാദേശിക സമയം പുലര്‍ച്ചെ 3.36ന് ഭൂചലനമുണ്ടായത്. തുടര്‍ചലനങ്ങള്‍ റോമിലും ഉണ്ടായതായാണ് റിപ്പോര്‍ട്ടുകള്‍.
റിക്ടര്‍ സ്‌കെയിലില്‍ 6.1 തീവ്രതരേഖപ്പെടുത്തിയ ഭൂചലനമാണ് റോമിലെ വടക്ക് കിഴക്ക് പ്രദേശത്ത് അനുഭവപ്പെട്ടതെന്ന് യൂറോപ്യന്‍ മെഡിറ്ററേനിയന്‍ സെയ്‌സ്‌മോളജിക്കല്‍ സെന്റര്‍ അറിയിച്ചു. ചിലയിടങ്ങളില്‍ ഇത് 6.2 രേഖപ്പെടുത്തിയെന്ന് യു.എസ് ജിയോളജിക്കല്‍ സര്‍വേ അറിയിച്ചു.
ഭൂചലനത്തില്‍ നിരവധി കെട്ടിടങ്ങള്‍ക്ക് കേടുപാടുകള്‍ സംഭവിച്ചുവെന്നും ആര്‍ക്കെങ്കിലും ജീവഹാനിയുണ്ടായതായി ഇതുവരെ റിപ്പോര്‍ട്ടുകള്‍ ഇല്ലെന്നും ഇറ്റാലിയന്‍ അധികൃതര്‍ അറിയിച്ചു. എന്നാല്‍, തകര്‍ന്ന കെട്ടിടങ്ങള്‍ക്കടിയില്‍ ജനങ്ങള്‍ കുടുങ്ങിക്കിടക്കുന്നതായി മേയര്‍ അറിയിച്ചു.
ഭൂചലനത്തെ തുടര്‍ന്ന് പ്രദേശത്ത് വൈദ്യുതി ബന്ധം നിലച്ചിട്ടുണ്ട്.