വീറ്റോ അധികാരം വേണ്ടെന്നു വച്ചാല്‍ ഇന്ത്യക്ക് രക്ഷാസമിതി സ്ഥിരാംഗത്വം ലഭിച്ചേക്കാം, നിക്കി ഹാലെ
ഇന്ത്യക്ക് ഐക്യരാഷ്ട്രസഭയുടെ രക്ഷാ സമിതിയില്‍ സ്ഥിരംഗത്വം ലഭിക്കണമെങ്കില്‍ 'വീറ്റോ' അധികാരം ഉപേക്ഷിക്കേണ്ടി വരുമെന്ന് അമേരിക്കയുെട യു.എന്‍ അംബാസിഡര്‍ നിക്കി ഹാലെ. രക്ഷാസമിതിയിെല മാറ്റത്തിന് എതിരു നില്‍ക്കുന്നത് റഷ്യയും ചൈനയുമാണെന്നും ഹാലെ ആരോപിച്ചു.
സുരക്ഷാ സമിതിയിലെ സ്ഥിരംഗങ്ങള്‍ക്ക് വീറ്റോ അധികാരമുണ്ട്. റഷ്യ, ചൈന, ബ്രിട്ടണ്‍, അമേരിക്ക, ഫ്രാന്‍ ്‌സ് എന്നീ രാജ്യങ്ങളാണ് സ്ഥിരാംഗങ്ങള്‍. ആരും ഈ അധികാരം ഉപേക്ഷിക്കാന്‍ തയാറല്ലെന്നും നിക്കി ഹാലെ പറഞ്ഞു. ഇന്ത്യയുടെ സ്ഥിരംഗത്വത്തെ എതിര്‍ക്കുന്നതും അതുകൊണ്ടാണ്. ഇന്ത്യ വിറ്റോ അധികാരം ഉപേക്ഷിക്കാന്‍ തയാറാണെങ്കില്‍ സ്ഥിരാംഗത്വത്തിന് വഴി തുറന്നേക്കാമെന്നും നിക്കി ഹാലെ പറഞ്ഞു. വാഷിങ്ടണ്‍ സംഘടിപ്പിച്ച യു.എസ് ഇന്ത്യ സൗഹൃദ സമിതിയില്‍ സംസാരിക്കുകയായിരുന്നു അവര്‍.
സുരക്ഷാ സമിതി പരിഷ്‌കരിക്കുന്നതിന് അമേരിക്ക അനുകൂലമാണ്. എന്നാല്‍ യു.എസ് കോണ്‍ഗ്രസിനോ സെനറ്റിനോ അതിനുവേണ്ടി കൂടുതെലാന്നും ചെയ്യാന്‍ സാധിക്കില്ല. രക്ഷാ സമതിയിലെ മറ്റംഗങ്ങള്‍ അതിനെ അംഗീകരിക്കില്ല. റഷ്യയും ചൈനയും രക്ഷാസമിതിയിലെ ഒരു മാറ്റവും അംഗീകരിക്കില്ലെന്നും നിക്കി ഹാലെ പറഞ്ഞു.
സുരക്ഷാ സമിതിയില്‍ സ്ഥിരാംഗത്വം എന്നത് ഇന്ത്യയുടെ വര്‍ഷങ്ങളായുള്ള ആവശ്യമാണ്. സമിതി പരിഷ്‌കരിക്കണമെന്നും നിലവിലെ സമിതി ലോകത്തിെന്റ യാഥാര്‍ഥ്യങ്ങളെ അഭിമുഖീകരിക്കുന്നില്ലെന്നും ഇന്ത്യയും മറ്റ് രാജ്യങ്ങളും ആരോപിച്ചിരുന്നു
https://www.facebook.com/Malayalivartha
