സ്വന്തം മക്കളുടെ ജീവനറ്റ ശരീരം കാണുന്ന രക്ഷിതാക്കളുടെ വേദന വാക്കുകള്‍ക്ക് അതീതമാണ്. പോറ്റി വളര്‍ത്തിയ മക്കളുടെ മൃതദ്ദേഹത്തിന് മുന്നില്‍ ഹൃദയം മുറിഞ്ഞിരിക്കുന്ന രക്ഷിതാക്കളെ നാം കണ്ടിട്ടുണ്ട്. എന്നാല്‍ സ്വന്തം മകന്റെ ശവസംസ്‌കാര ശുശ്രൂഷയില്‍ മകനെ ഓര്‍മ്മിച്ച് കൊണ്ട് അമ്മ നടത്തിയ പ്രസംഗം ഏവരെയും ഞെട്ടിച്ചിരിക്കുകയാണ്. 

വാഹനാപകടത്തില്‍ മരിച്ച തന്റെ മകന്റെ ശവസംസ്‌കാര ശിശ്രൂഷയിലാണ് ഈ അമ്മ മനസ്സ് തുറക്കുന്നത്. തിരുവല്ലയിലെ മറിയാമ്മ ജേക്കബ് എന്ന സ്‌ക്കൂള്‍ അധ്യാപികയാണ് മകന്റെ വിയോഗത്തെ ദൈവഹിതമാണെന്ന് ഇടറിയ വാക്കുകളില്‍ പറയുന്നത്. 

അമ്മയുടെ വാക്കുകള്‍ :

അവന്‍ മുമ്പേ പോകുവാ. അതിന് ആരും സങ്കടപ്പെടേണ്ട. അതെന്റെ കര്‍ത്താവിന്റെ ഇഷ്ടമാണ്. അവനറിയാതെ തലയില്‍ നിന്ന് ഒരു മുടിനാരിഴ പൊഴിയില്ല. ഈ പൈതല്‍ അവന്റെ ഇരുപത്തിയഞ്ചാം വയസ്സില്‍ ഈ ലോകത്തു നിന്ന് മാറ്റപ്പെടുന്നുണ്ടെങ്കില്‍ അതെന്റെ ദൈവത്തിന്റെ പദ്ധതിയാണ്.