സംവിധായകനെ കൊല്ലാന്‍ ക്വട്ടേഷന്;മോഡലിന് മൂന്ന് വര്‍ഷം തടവ്
മുംബൈയിലെ മോഡലും നടിയുമായ പ്രീതി ജെയിനിന് കൊലപാതക ശ്രമക്കേസില്‍ മൂന്ന് വര്‍ഷം ജയില്‍ ശിക്ഷ. സിനിമ സംവിധായകന്‍ മധുര്‍ ഭണ്ഡാര്‍ക്കറിനെ വധിക്കാന്‍ ക്വട്ടേഷന് കൊടുത്ത കേസിലാണ് കോടതി ശിക്ഷ വിധിച്ചത്. 2005-ലാണ് കേസിനാസ്പദമായ സംഭവം നടന്നത്. മുംബൈയിലെ കുപ്രസിദ്ധ ഗുണ്ടയായ അരുണ്‍ ഗാവ്‌ലി എന്നയാള്‍ക്കാണ് പ്രീതി 75,000 രൂപ നല്‍കി ക്വട്ടേഷന് നല്‍കിയത്. ഇയാളുള്‍പ്പെടെയുള്ള സംഘത്തെയും മൂന്ന് വര്‍ഷത്തേക്ക് തടവ് ശിക്ഷയ്ക്ക് വിധിച്ചിരിക്കുകയാണ്.
മോഡല്‍ പണം നല്‍കിയെങ്കിലും ഇവര്‍ കൊലപാതകം നടത്തിയിരുന്നില്ല. അതിനാല്‍ പ്രീതി ജെയിന്‍ ക്വട്ടേഷന് നല്‍കിയ പണം തിരികെ ചോദിക്കുകയും അവര്‍ അത് തിരികെ നല്‍കിയതുമില്ല. ഇതിനെത്തുടര്‍ന്നാണ് ഇവര്‍ പോലീസില്‍ കുറ്റമേറ്റ് പറഞ്ഞത്. അതിനെത്തുടര്‍ന്നായിരുന്നു ഇവരുടെ അറസ്റ്റ്. സിനിമയില്‍ അഭിനയിപ്പിക്കാമെന്ന് പറഞ്ഞ് ലൈംഗീകമായി ഉപയോഗിച്ചു എന്ന കാരണത്താലാണ് ഇവര്‍ സംവിധായകനെ കൊലപ്പെടുത്താന്‍ ശ്രമിച്ചത്. 2012-ല്‍ കേസ് തള്ളിപ്പോകുകയായിരുന്നു.
https://www.facebook.com/Malayalivartha
