പരിധിയില്ലാത്ത സൗജന്യ സേവനങ്ങള്; ഐഡിയയും വോഡഫോണും സമര്പ്പിച്ച ഹര്ജിയില് നാളെ ട്രായ് അന്തിമ നിര്ദ്ദേശം പുറത്തിറക്കും
ഇങ്ങനെയങ്ങ് വമ്പന് ഓഫറുകള് നല്കിയാല് ബാക്കിയുള്ളവര് കൈയ്യും കെട്ടി നോക്കി നില്ക്കുമോ...ജിയോയുടെ പരിധിയില്ലാത്ത സൗജന്യ സേവനങ്ങള്ക്കെതിരെയാണ് ഐഡിയയും വോഡഫോണും ഹര്ജി സമര്പ്പിച്ചത്. അതിനെത്തുടര്ന്ന് റിലയന്സ് ജിയോ സൗജന്യ സേവനങ്ങള് തുടരുന്നത് സംബന്ധിച്ചുള്ള അന്തിമ നിര്ദേശം നാളെ പുറത്തിറക്കുമെന്ന് ട്രായ് അറിയിച്ചു.
രാജ്യത്ത് പുതിയ ടെലികോം സേവനദാതാവായി അവതരിപ്പിച്ച റിലയന്സ് ജിയോ പ്രാരംഭ ആനുകൂല്യമെന്ന നിലയില് ഉപഭോക്താക്കള്ക്കെല്ലാം പരിധിയില്ലാത്ത ഡേറ്റയും, കോളുകളും നല്കുകയായിരുന്നു.
ജിയോ പ്രവര്ത്തനം ആരംഭിച്ച് തൊണ്ണൂറ് ദിവസത്തിലധികം കഴിഞ്ഞിട്ടും ആനുകൂല്യം തുടരുന്നതിനെതിരെയാണ് ടെലികോം സേവനദാതാക്കളായ വോഡാഫോണും, ഐഡിയയും ദില്ലി ഹൈക്കോടതിയില് ചോദ്യം ചെയ്തത്. ജസ്റ്റിസ് സഞ്ചീവ് സച്ച്ദേവ കേസ്സില് വിശദമായ വാദം കേള്ക്കാനിരിക്കേയാണ് ട്രായ് ഈ വിഷയത്തില് ഉടനടി നിലപാട് വ്യക്തമാക്കാമെന്ന് അറിയിച്ചത്.
ടെലികോം സേവനദാതാക്കള് ഉപഭോക്താക്കള്ക്കായി 90 ദിവസത്തിലധികം സൗജന്യ സേവനങ്ങള് നല്കരുതെന്ന ട്രായിയുടെ ഉത്തരവ് റിലയസ് ജിയോ ലംഘിച്ചു എന്നാണ് വോഡാഫോണ് കോടതിയില് വാദിച്ചത്.
ടെലികോം മേഖലയില് ശക്തമായ മത്സരമാണ് റിലയന്സ് ജിയോയുടെ കടന്ന് വരവോടെ സംജാതമായത്. തങ്ങളുടെ ഉപഭോക്താക്കള് നഷ്ടപ്പെടുന്ന സാഹചര്യത്തിലാണ് മറ്റ് ടെലികോം സേവനദാതാക്കള് കോടതിയില് ചോദ്യം ചെയ്യുവാന് തയ്യാറായത്.
https://www.facebook.com/Malayalivartha