എന്നും തൊഴിലാളികൾക്കൊപ്പം നിലകൊള്ളുന്ന ഗൾഫ് രാഷ്ട്രങ്ങളിൽ എല്ലാംതന്നെ തൊഴിലാളികൾക്കായുള്ള നിയമങ്ങളാണ് നിലകൊള്ളുന്നത്. ഇതേതുടർന്ന് ഗൾഫ് രാഷ്ട്രങ്ങളിൽ കടുത്ത വേ​ന​ൽ​കാ​ല​മെ​ത്തി​യ​തോ​ടെ തൊ​ഴി​ലാ​ളി​ക​ൾ​ക്ക്​ ഉ​ച്ച വി​ശ്ര​മ സ​മ​യം അ​നു​വ​ദി​ച്ച്​ യു.​എ.​ഇ. ജൂ​ൺ 15 മു​ത​ൽ സെ​പ്​​റ്റം​ബ​ർ 15 വ​രെ​യാ​ണ്​ ജോ​ലി സ​മ​യം അധികൃതർ പു​നഃ​ക്ര​മീ​ക​രി​ച്ചി​രി​ക്കു​ന്ന​ത്. ഈ ​ദി​വ​സ​ങ്ങ​ളി​ൽ ഉ​ച്ച​ക്ക്​ 12.30 മു​ത​ൽ ​മൂ​ന്ന്​ മ​ണി വ​രെ തൊ​ഴി​ലാ​ളി​ക​ൾ​ക്ക്​ വി​ശ്ര​മം അ​നു​വ​ദി​ക്ക​ണ​മെ​ന്ന്​ മാനു​ഷി​ക ശേ​ഷി വ​കു​പ്പ്​ മ​ന്ത്രി നാ​സി​ർ ബി​ൻ താ​നി അ​ൽ ഹം​ലി വെളിപ്പെടുത്തുകയുണ്ടായി. എ​ന്നാ​ൽ, എ​മ​ർ​ജ​ൻ​സി മേ​ഖ​ല​യി​ൽ ജോ​ലി ചെ​യ്യു​ന്ന​വ​രെ ഇ​തി​ൽ നിന്നൊഴിവാക്കുകയും ചെയ്തിട്ടുണ്ട്.

ഇ​ത്ത​രം ജോലികളിൽ മുഴുകിയിരിക്കുന്ന തൊ​ഴി​ലാ​ളി​ക​ൾ​ക്ക്​ ആ​വ​ശ്യ​മാ​യ സം​ര​ക്ഷ​ണം ന​ൽ​ക​ണ​മെ​ന്ന്​ മ​ന്ത്രാ​ല​യം നി​ർ​ദേ​ശി​ക്കുകയും ചെയ്തിട്ടുണ്ട്. കു​ടി​വെ​ള്ള​വും പ്ര​ഥ​മ ശു​ശ്രൂ​ഷ​ക്കു​ള്ള സൗ​ക​ര്യ​വും കോ​വി​ഡ്​ പ്രതിരോധ സം​വി​ധാ​ന​വും ഇ​വ​ർ​ക്കാ​യി ഒ​രു​ക്ക​ണമെന്ന് നിർദ്ദേശിക്കുകയും ചെയ്തിട്ടുണ്ട്. ഇ​ട​വേ​ളകൾ നൽകുന്ന സമയത്ത്​ വെ​യി​ൽ ഏ​ൽ​ക്കാ​തെ തൊ​ഴി​ലാ​ളി​ക​ൾ​ക്ക്​ വി​ശ്ര​മി​ക്കു​ന്ന​തി​ന്​ സൗ​ക​ര്യം ഒ​രു​ക്കേണ്ടതുണ്ട്. എ​ട്ട്​ മണിക്കൂ​റി​ൽ കൂ​ടു​ത​ൽ തൊ​ഴി​ലാ​ളി​ക​ളെ ജോ​ലി ​െച​യ്യി​പ്പി​ച്ചാ​ൽ അ​തി​ന്​ ശേ​ഷം വ​രു​ന്ന ഒാ​രോ മ​ണി​ക്കൂ​റും അധി​ക സ​മ​യ​മാ​യി പ​രി​ഗ​ണി​ക്കുന്നതായിരിക്കും. നി​ബ​ന്ധ​ന​ക​ൾ ലം​ഘി​ച്ചാ​ൽ 5,000 മു​ത​ൽ 50,000 ദി​ർ​ഹം വ​രെ പി​ഴ അ​ട​ക്കേ​ണ്ടി വ​രു​മെ​ന്നും മന്ത്രാലയം നി​ർ​ദേ​ശി​ക്കുകയുണ്ടായി.

ഇനിവരുന്ന ദി​വ​സ​ങ്ങ​ളി​ൽ യു.​എ.​ഇ​യി​ൽ ചൂ​ട്​ കൂ​ടു​മെ​ന്ന്​ ദേ​ശീ​യ കാ​ലാ​വ​സ്​​ഥ നി​രീ​ക്ഷ​ണ ​േക​ന്ദ്രം മുന്നറിയിപ്പ് നൽകുകയുണ്ടായി. അ​ബൂ​ദ​ബി​യി​ൽ 43 ഡി​ഗ്രി വ​രെ​യും ദു​ബൈ​യി​ൽ 41 ഡി​ഗ്രി വ​രെ​യും കൂ​ടു​മെ​ന്നാ​ണ്​ അ​റി​യി​പ്പ് വ്യക്തമാക്കുന്നത്. നി​ല​വി​ൽ ശ​രാ​ശ​രി 38 ഡി​ഗ്രി​യാ​ണ്​ ചൂ​ട്​ അ​നു​ഭ​വ​പ്പെ​ടു​ന്ന​ത് എന്നും കാലാവസ്ഥ കേന്ദ്രം മുന്നറിയിപ്പ് നൽകിയിരുന്നു.