ഇനിവരുന്ന നാളുകൾ ഗൾഫ് രാഷ്ട്രങ്ങളിൽ നിർണായകമാകും. സൗദി അറേബ്യയ്ക്കും യുഎഇയ്ക്കും പിന്നാലെ ബ​ഹ്‌​റൈ​നി​ൽ ആ​ദ്യ​മാ​യി കോ​വി​ഡ്​ വൈ​റ​സിന്റെ ഒ​മി​ക്രോ​ൺ വ​ക​ഭേ​ദം ക​ണ്ടെ​ത്തിയതായി റിപ്പോർട്ട്. വി​ദേ​ശ​ത്തു നി​ന്നെ​ത്തി​യ യാ​ത്ര​ക്കാ​ര​നി​ലാ​ണ്​ രോ​ഗം സ്​​ഥി​രീ​ക​രി​ച്ച​തെ​ന്ന്​ ആ​രോ​ഗ്യ മ​ന്ത്രാ​ല​യം അ​റി​യി​ക്കുകയുണ്ടായി.

ഇതിനുപിന്നാലെ ഐ​സൊ​ലേ​ഷ​നും മു​ൻ​ക​രു​ത​ൽ ക്വാ​റ​ൻ​റീ​നും ഉ​ൾ​പ്പെ​ടെ ആ​വ​ശ്യ​മാ​യ എ​ല്ലാ മു​ൻ​ക​രു​ത​ൽ ന​ട​പ​ടി​ക​ളും സ്വീ​ക​രി​ച്ചി​ട്ടു​ണ്ട്. രോ​ഗി​ക്ക്​ പ്രാ​ദേ​ശി​ക സ​മ്പ​ർ​ക്കം ഉ​ണ്ടാ​യി​രു​ന്നി​ല്ലെ​ന്നും ബ​ഹ്​​റൈ​നി​ൽ എ​ത്തി​യ​ശേ​ഷം ഐ​സൊ​ലേ​ഷ​നി​ലാ​യി​രു​ന്നു​വെ​ന്നും മ​ന്ത്രാ​ല​യം വ്യ​ക്ത​മാ​ക്കുകയും ചെയ്തു. മ​ന്ത്രി​സ​ഭ​യു​ടെ​യും സ​ർ​ക്കാ​ർ എ​ക്‌​സി​ക്യൂ​ട്ടി​വ് ക​മ്മി​റ്റി​യു​ടെ​യും നി​ർ​ദേ​ശ​ങ്ങ​ൾ​ക്ക് അ​നു​സൃ​ത​മാ​യി, ആ​ഗോ​ള സാ​ഹ​ച​ര്യം നി​രീ​ക്ഷി​ക്കു​ന്ന​ത് തു​ട​രുന്നതാണ്.

അതേസമയം പൊ​തു​ജ​നാ​രോ​ഗ്യം സം​ര​ക്ഷി​ക്കു​ന്ന​തി​നാ​വ​ശ്യ​മാ​യ എ​ല്ലാ ന​ട​പ​ടി​ക​ളും സ്വീ​ക​രി​ക്കും. കോ​വി​ഡ്​ വൈ​റ​സി​നെ നേ​രി​ടാ​ൻ ദേ​ശീ​യ മെ​ഡി​ക്ക​ൽ ടാ​സ്‌​ക്‌​ഫോ​ഴ്‌​സ് പു​റ​പ്പെ​ടു​വി​ച്ച മു​ൻ​ക​രു​ത​ൽ ആ​രോ​ഗ്യ ന​ട​പ​ടി​ക​ൾ പാ​ലി​ക്കേ​ണ്ട​തിന്റെ പ്രാ​ധാ​ന്യം ആ​രോ​ഗ്യ മ​ന്ത്രാ​ല​യം ആ​വ​ർ​ത്തി​ച്ചു. വാ​ക്‌​സി​നേ​ഷ​നും ബൂ​സ്​​റ്റ​ർ ഡോ​സും സ്വീ​ക​രി​ക്കാ​നും ജ​ന​ങ്ങ​ളോ​ട്​ അ​ഭ്യ​ർ​ഥി​ച്ചു.

അതോടപ്പം തന്നെ ആഗോള വ്യാപനവും ഉയര്‍ന്ന തോതിലുള്ള വ്യതിയാനങ്ങളും കൊണ്ട് കോവിഡ് മഹാമാരിയുടെ ഗതിമാറ്റത്തിന് തന്നെ ഒമിക്രോണ്‍ വകഭേദം കാരണമായേക്കാമെന്ന് ലോകാരോഗ്യ സംഘടന ഡയറക്ടര്‍ ജനറല്‍ തെദ്രോസ് അദാനം ഗെബ്രയേസൂസ് വ്യക്തമാക്കി. 57 രാജ്യങ്ങളില്‍ ഇതിനോടകം തന്നെ റിപ്പോര്‍ട്ട് ചെയ്ത ഒമിക്രോണ്‍ വകഭേദം മുന്‍ വകഭേദങ്ങളെ അപേക്ഷിച്ച് കൂടുതല്‍ വേഗം പടരാമെന്നും അദ്ദേഹം മുന്നറിയിപ്പ് നല്‍കിയിരിക്കുകയാണ്.

ഒമിക്രോണ്‍ വകഭേദത്തിന്‍റെ വ്യാപനനിരക്ക് ക്രമമായി ഉയരുന്നതായാണ് റിപ്പോർട്ടുകളെന്നും മറ്റ് വകഭേദങ്ങളെ അപേക്ഷിച്ച് വ്യാപനനിരക്കിലെ വര്‍ധന കണക്കാക്കി വരുന്നതേയുള്ളുവെന്നും ഡബ്യുഎച്ച്ഒ മേധാവി വ്യക്തമാക്കി. കോവിഡ് ഒരിക്കല്‍ ബാധിച്ചവരില്‍ വീണ്ടുമൊരു അണുബാധയ്ക്ക് ഒമിക്രോണ്‍ കാരണമാകാമെന്നാണ് ദക്ഷിണാഫ്രിക്കയില്‍ നിന്നുള്ള ആദ്യ ഡേറ്റകള്‍ സൂചിപ്പിക്കുന്നതെങ്കിലും ഇത് സ്ഥിരീകരിക്കാന്‍ കൂടുതല്‍ വിവരങ്ങള്‍ ആവശ്യമാണെന്ന് അദ്ദേഹം കൂട്ടിച്ചേര്‍ത്തു.