കീഴ്വഴക്കം ലംഘിച്ച് യു.എസ് പ്രസിഡന്റ് ഡോണള്ഡ് ട്രംപിനെതിരെ കടുത്ത വിമര്ശനവുമായി ബറാക് ഒബാമ; വെറുപ്പിന്റെയും വിദ്വേഷത്തിന്റെയും രാഷ്ട്രീയമാണ് ട്രംപ് പ്രചരിപ്പിക്കുന്നത് എന്ന് പേരെടുത്ത് പറഞ്ഞും വിമര്ശനം
വെറുപ്പിന്റെയും വിദ്വേഷത്തിന്റെയും രാഷ്ട്രീയമാണ് പ്രചരിപ്പിക്കുന്നത് എന്നു പറഞ്ഞാണ് ട്രംപിനെതിരെ ഒബാമ ആഞ്ഞടിച്ചത്. പിന്ഗാമികളെ മുന് പ്രസിഡന്റുമാര് വിമര്ശിക്കാറില്ലെന്ന കീഴ്വഴക്കം ലംഘിച്ചാണ് യു.എസ് പ്രസിഡന്റ് ഡോണള്ഡ് ട്രംപിനെതിരെ കടുത്ത വിമര്ശനവുമായി ബറാക് ഒബാമ രംഗത്തെത്തിയിരിക്കുന്നത്. ട്രംപിന്റെയും റിപ്പബ്ലിക്കന് പാര്ട്ടിയുടെയും കുതന്ത്രങ്ങള് രാജ്യത്തിന്റെ ഭാവിക്ക് വെല്ലുവിളിയാണ്. എന്നാല്, മൂലകാരണം ട്രംപ് അല്ല, അദ്ദേഹം കേവലമൊരു അടയാളം മാത്രമാണ്. രാഷ്ട്രീയക്കാര് വര്ഷങ്ങളായി വിതച്ച വെറുപ്പില്നിന്ന് വിദ്വേഷം കൊയ്യുകയാണ് അദ്ദേഹമെന്നും ഇലനോയ് സര്വകലാശാലയില് ആയിരക്കണക്കിന് വിദ്യാര്ഥി സമൂഹത്തെ അഭിസംബോധന ചെയ്യവെ ഒബാമ പറഞ്ഞു. 2017 ജനുവരിയില് അധികാരം കൈമാറിയശേഷം ട്രംപിനെ വിമര്ശിക്കുന്നതില്നിന്ന് ഒഴിഞ്ഞുനില്ക്കുകയായിരുന്നു ഒബാമ.
ട്രംപിന്റെ കുടിയേറ്റ നയങ്ങളും പാരിസ്ഇറാന് ഉടമ്പടി പോലുള്ള അന്താരാഷ്ട്ര കരാറുകളില്നിന്ന് ഏകപക്ഷീയമായി പിന്മാറ്റം പ്രഖ്യാപിച്ചതും ചരിത്രപരമായ അബദ്ധങ്ങളാണ്. വോട്ടിനു വിലയില്ലെന്നും തെരഞ്ഞെടുപ്പുകള്ക്ക് പ്രസക്തിയില്ലെന്നും ചിന്തിക്കുന്ന യുവത്വത്തിന്റെ ധാരണകള് രണ്ടുവര്ഷം കൊണ്ട് മാറിയിട്ടുണ്ടാകും. പ്രസിഡന്റിന്റെ ഉത്തരവുകള് പാലിക്കാത്ത ഉദ്യോഗസ്ഥര് വൈറ്റ്ഹൗസിലുണ്ടെന്ന് എന്നതുകൊണ്ടുമാത്രം എല്ലാം ശരിയാകുമെന്ന വിശ്വാസമില്ലെന്നും ഇത് ജനാധിപത്യ രീതിയല്ലെന്നും ഒബാമ ഓര്മപ്പെടുത്തി.
അതിനിടെ, ഒബാമയുടെ പ്രസംഗത്തിന് മറുപടിയായി ട്രംപ് രംഗത്തുവന്നു. ''അദ്ദേഹത്തിന്റെ പ്രസംഗം കേട്ടു. എന്നാല്, കുറച്ചു കഴിഞ്ഞപ്പോഴേക്കും ഞാന് ഉറക്കത്തിലേക്കു വഴുതി. ഉറങ്ങാന് ഒബാമയുടെ പ്രസംഗം ഉത്തമമാണ്'' എന്നായിരുന്നു ട്രംപിന്റെ കളിയാക്കല്. തന്റെ ഭരണകാലത്ത് ചെയ്തുകൂട്ടിയ മോശം കാര്യങ്ങളുടെ മുതലെടുപ്പ് നടത്തുകയാണ് ഒബാമയെന്നും ട്രംപ് കുറ്റപ്പെ
ടുത്തി.
https://www.facebook.com/Malayalivartha