ഇറാന് കടുത്ത മുന്നറിപ്പുമായി യു.എസ്. പ്രസിഡന്റ് ഡൊണാള്ഡ് ട്രംപ്
ഇറാന് കടുത്ത മുന്നറിപ്പുമായി യു.എസ്. പ്രസിഡന്റ് ഡൊണാള്ഡ് ട്രംപ്. ഹോര്മുസ് കടലിടുക്കില് ആക്രമിക്കപ്പെടുന്ന ഓരോ കപ്പലിനും പകരമായി ഇറാനിലെ ഒരു പാലമോ ഊര്ജനിലയമോ യു.എസ്. തകര്ക്കുമെന്ന് ട്രംപ്. 'ഹോര്മുസ് കടലിടുക്കില് മിസൈല്, റോക്കറ്റ്, ഡ്രോണ് അല്ലെങ്കില് മറ്റേതെങ്കിലും ആയുധങ്ങള് ഉപയോഗിച്ച് ഇറാന് ഏതെങ്കിലും കപ്പലിന് നേരെ വെടിയുതിര്ത്താല്, തലസ്ഥാനമായ ടെഹ്റാനിലോ അതിന് സമീപത്തോ ഒരു പാലമോ പവര് പ്ലാന്റോ യു.എസ്. ബോംബിട്ട് തകര്ക്കും', ട്രൂത്ത് സോഷ്യലില് ട്രംപ് കുറിച്ചു.
യുദ്ധം അവസാനിപ്പിക്കാനുള്ള നയതന്ത്ര ശ്രമങ്ങള് പരാജയപ്പെട്ടതിനെത്തുടര്ന്ന് ഇറാനെതിരെ തുടര്ച്ചയായി യു.എസ്. വ്യോമാക്രമണം നടത്തുന്നതിനിടയിലാണ് ട്രംപിന്റെ മുന്നറിയിപ്പ്. ആക്രമണം പുനരാരംഭിച്ചതിനുശേഷം കുറഞ്ഞത് 53 പേര് കൊല്ലപ്പെട്ടതായി ഇറാന് വ്യക്തമാക്കിയിട്ടുണ്ട്. 11 ദിവസത്തിനിടയില് അറുന്നൂറോളം പേര്ക്ക് പരിക്കേറ്റതായി ഇറാന് വാര്ത്താ ഏജന്സിയായ ഐ.ആര്.എന്.എ. അറിയിച്ചു.
അമേരിക്കയുടെ ആക്രമണങ്ങള്ക്ക് മറുപടിയായി, യു.എസ്. സൈനിക താവളങ്ങളുള്ള ബഹ്റൈന്, കുവൈറ്റ് തുടങ്ങിയ ഗള്ഫ് രാജ്യങ്ങള്ക്ക് നേരെയും ഇറാന് നിരവധി ഡ്രോണ്, മിസൈല് ആക്രമണങ്ങള് നടത്തിയിട്ടുണ്ട്. അതിനിടെ, ഭൂഗര്ഭ ആണവ കേന്ദ്രത്തിനുനേരെയും ആക്രമണം നടത്താന് യു.എസ്. ആലോചിക്കുന്നുണ്ടെന്നാണ് റിപ്പോര്ട്ട്.
https://www.facebook.com/Malayalivartha
