ഇന്ത്യന് കുത്തക അവസാനിപ്പിച്ച് ചരക്ക് കൈമാറ്റത്തിനായി നേപ്പാളിന് തങ്ങളുടെ നാല് തുറമുഖങ്ങളും തുറന്നു കൊടുക്കാന് നീക്കവുമായി ചൈന
നേപ്പാളിന് ചരക്ക് കൈമാറ്റത്തിനായി തങ്ങളുടെ നാല് തുറമുഖങ്ങള് തുറന്നു കൊടുക്കാന് ചൈനയുടെ തീരുമാനം. ഇതോടെ ഹിമാലയന് പര്വതങ്ങളാല് ചുറ്റപ്പെട്ട നേപ്പാളിലെ ചരക്കുഗതാഗതത്തില് ഇന്ത്യന് തുറമുഖങ്ങള്ക്കുണ്ടായിരുന്ന കുത്തകയ്ക്ക് അവസാനമായി. ഇന്ധനങ്ങള് ഉള്പ്പടെയുള്ള അവശ്യവസ്തുക്കള് ഇറക്കുമതി ചെയ്യുന്നതിനും മറ്റ് രാജ്യങ്ങളിലേക്ക് കയറ്റുമതി നടത്തുന്നതിനും ഇന്ത്യന് തുറമുഖങ്ങളെയായിരുന്നു നേപ്പാള് പൂര്ണമായും ആശ്രയിച്ചിരുന്നത്.
2015-16 കാലത്ത് ഇന്ത്യയുമായുള്ള ഗതാഗതത്തില് തടസ്സം നേരിട്ടപ്പോള് നേപ്പാളില് പലപ്പോഴും ഇന്ധന ക്ഷാമവും മരുന്ന് ക്ഷാമവും നേരിട്ടിരുന്നു. വെള്ളിയാഴ്ച കാഠ്മണ്ഡുവില് നേപ്പാള്ചൈനീസ് ഉദ്യോഗസ്ഥര് തമ്മില് നടന്ന ചര്ച്ചയിലാണ് ഇത് സംബന്ധിച്ച് ധാരണയായത്. ഇത് പ്രകാരം ചൈനീസ് തുറമുഖങ്ങളായ ടിയാന്ജിന്, ഷെന്സന്, ലിയാന്യുന്ഗാങ്, സഞ്ഞിയാങ് എന്നീ തുറമുഖങ്ങള് വഴി നേപ്പാളിന് ഇറക്കുമതിയും കയറ്റുമതിയും നടത്താം.
ഇതോടൊപ്പം കപ്പല്ചരക്കുകളുടെ വിതരണത്തിന് സഹായിക്കുന്ന സംഭരണ കേന്ദ്രങ്ങളായ ലാന്സു, ലാസ, സികറ്റ്സേ എന്നിവയും ഉപയോഗിക്കാനുള്ള അനുമതിയും ചൈന നേപ്പാളിന് നല്കിയിട്ടുണ്ട്.
ഇന്ത്യയുടെ രണ്ട് തുറമുഖങ്ങള്ക്ക് പുറമെ ചൈനയുടെ തുറമുഖങ്ങളിലേക്കും പ്രവേശനം ലഭിച്ചത് നേപ്പാളിന്റെ ചരിത്രത്തിലെ നാഴികകല്ലാണെന്ന് നേപ്പാള് വ്യവസായ വകുപ്പ് ഉദ്യോഗസ്ഥന് രബി ശങ്കര് സിഞ്ജു മാധ്യമങ്ങളോട് പ്രതികരിച്ചു. നേപ്പാളിലേക്ക് ഒരു റെയില്പാത നിര്മിക്കാന് ചൈന പദ്ധതി ഇടുന്നതായും വാര്ത്തകളുണ്ട്. ഭാവിയില് ഇരു രാജ്യങ്ങളും തമ്മില് സ്വതന്ത്ര്യ വാപാര കരാര് ഉണ്ടാക്കാനുള്ള സാധ്യതകളും പരിശോധിക്കുന്നുണ്ട്. അതേസമയം ചൈനയുടെ ഈ ഇടപെടലുകള് നേപ്പാളിന്റെ മേല് ഇന്ത്യക്കുണ്ടായിരുന്ന സ്വാധീനത്തെ ഇല്ലാതാക്കുമെന്നാണ് വിലയിരുത്തപ്പെടുന്നത്.
https://www.facebook.com/Malayalivartha