പ്രകൃതിയിലേക്കുള്ള കടന്നുകയറ്റത്തിന്റെ അനന്തര ഫലമാണ് പ്രളയം; കാലാവസ്ഥാ വ്യതിയാനം നമ്മള് പ്രതീക്ഷിക്കുന്നതിലും വേഗത്തിലാണ് സംഭവിച്ചുകൊണ്ടിരിക്കുന്നത്; കാലാവസ്ഥാ വ്യതിയാനം നേരിടാന് കൂട്ടായ പ്രവര്ത്തനം വേണമെന്ന് യു.എന് സെക്രട്ടറി ജനറല്
കാലാവസ്ഥാ വ്യതിയാനം നേരിടാന് കൂട്ടായ പ്രവര്ത്തനം വേണമെന്ന് യു.എന് സെക്രട്ടറി ജനറല് അന്റോണിയോ ഗുട്ടെരസ് പറഞ്ഞു. കേരത്തിലും പ്യൂട്ടോറിക്കയിലും ഉണ്ടായ പ്രളയം ആഗോള കാലാവസ്ഥാ വ്യതിയാനത്തിന്റെ പ്രതിഫലനമാണെന്നും അദ്ദേഹം പറഞ്ഞു. യു.എന്നില് ഒരു പരിപാടിയില് സംസാരിക്കുകയായിരുന്നു അദ്ദേഹം.
പ്രകൃതിയിലേക്കുള്ള കടന്നുകയറ്റത്തിന്റെ അനന്തര ഫലമാണ് പ്രളയം. കാലാവസ്ഥാ വ്യതിയാനം നമ്മള് പ്രതീക്ഷിക്കുന്നതിലും വേഗത്തിലാണ് സംഭവിച്ചുകൊണ്ടിരിക്കുന്നത്. അതിനാല് തന്നെ അവയെ മുന്കൂട്ടി കണ്ടറിഞ്ഞ് പ്രവര്ത്തിക്കേണ്ടതുണ്ട്. കേരളത്തിലെ പ്രളയത്തോടൊപ്പം തന്നെ 2017ല് പ്യൂട്ടോറിക്കയിലുണ്ടായ മരിയ കൊടുങ്കാറ്റും കാലാവസ്ഥാ വ്യതിയാനത്തിന്റെ അനന്തരഫലമാണ്. പ്രശ്നത്തിന്റെ അടിയന്തര സ്വഭാവം എല്ലാവരും മനസിലാക്കണം. കാലാവസ്ഥാ വ്യതിയാനം നിലനില്പ്പിന്റെ പ്രശ്നമായി മാറിയിരിക്കുകയാണെന്നും ഗുട്ടെരസ് പറഞ്ഞു.
അന്തരീക്ഷ താപനില അനുദിനം വര്ദ്ധിക്കുന്നെന്ന് പറഞ്ഞ ഗുട്ടെരസ്, 1850ന് ശേഷമുള്ള ഏറ്റവും ചൂടേറിയ 18 വര്ഷങ്ങള് കഴിഞ്ഞ രണ്ട് പതിറ്റാണ്ടുകളിലാണുണ്ടായതെന്നും ചൂണ്ടിക്കാട്ടി. 2018 ഇതില് നാലാമത്തെ ചൂടേറിയ വര്ഷമായിരിക്കുമെന്നും അദ്ദേഹം പറഞ്ഞു.
https://www.facebook.com/Malayalivartha