കുടുംബത്തിന് വളരെ പ്രാധാന്യം നൽകുന്നവരാണ് എല്ലാവരും. എന്നാൽ ചില കുടുംബങ്ങളിൽ സംഭവിക്കുന്ന അപ്രതീക്ഷിത സംഭവങ്ങളും ഇടയ്ക്കൊക്കെ സമൂഹമാധ്യമങ്ങളിലൂടെ താംഗമാകാറുണ്ട്. അതെ സമയം കഴിഞ്ഞ കുറച്ചു കാലമായി പവിത്രമായി നാം കരുതുന്ന കുടുംബബന്ധങ്ങളിൽ പോലും വിള്ളലുകൾ സംഭവിക്കുന്നത് വർദ്ധിച്ചു വരുകയാണ്‌. വിവാഹേതര ബന്ധം ആണ് പലപ്പോഴും വില്ലൻ ആവുക എങ്കിൽ എങ്കിൽ ഇംഗ്ലണ്ടിലെ ഒരു കുടുംബത്തിൽ അമ്മയും മരുമകനാണ് വില്ലൻ കഥാപാത്രങ്ങളായി മാറിയിരിക്കുന്നത്.

പ്രസവത്തിന് വീട്ടിലെത്തിയ മകളുടെ ഭർത്താവുമായി ഒളിച്ചോടിയാണ് ജോർജിന എന്ന് പേരുള്ള സ്ത്രീയുടെ കഥയാണ് അടുത്തിടെ വാർത്തകളിൽ ഇടം പിടിച്ചത്. 44 വയസ്സുള്ള ജോർജിന 24 വയസ്സുള്ള മകൾ ജെസ് ആൽഡ്രിഡ്‌ജിന്റെ ഭർത്താവ് റയാൻ ഷെൽട്ടണുമായാണ് ഒളിച്ചോടിയിരിക്കുന്നത്.

ഗർഭിണിയായ ജെസ് ഭർത്താവുമൊത്ത് അമ്മയുടെ വീട്ടിലേക്ക് താമസം മാറിയതോടെയാണ് അമ്മായിയമ്മയും മരുമകനും തമ്മിലുള്ള ബന്ധം ആരംഭിക്കുന്നത്. ഇതേ സമയം ജോർജിനയുടെ ഭർത്താവ് എറിക് കോവിഡുമായി ബന്ധപ്പെട്ട ചില കാരണങ്ങളാൽ മറ്റൊരു സ്ഥലത്തതായിരുന്നു താമസം.

പ്രസവം കഴിഞ്ഞു വീട്ടിലെത്തിയ ജെസ്സിനെ കാത്ത് ഹൃദയം തകർക്കുന്ന വാർത്തയായിരുന്നു ഇരുവരും നൽകിയത്. റയാനും അമ്മയും ഒളിച്ചോടി എന്ന വാർത്ത വിശ്വസിക്കാൻ ജെസ് ഏറെ പാടുപെട്ടു. അമ്മയെ തേടിപ്പിടിച്ച് ജെസ് കാര്യങ്ങൾ അന്വേഷിച്ചപ്പോൾ അവർ നൽകിയ മറുപടി "ഞങ്ങൾ പ്രണയത്തിൽ വീണു, ഒന്നും ചെയ്യാൻ പറ്റില്ല". എന്നായിരുന്നു.

റയാനുമായുള്ള ബന്ധം പെട്ടന്നുണ്ടായതല്ല എന്ന് വ്യക്തമാക്കുന്ന കാര്യങ്ങളും ജോർജിനെ ജെസ്സിനോട് വ്യക്തമാക്കി. കഴിഞ്ഞ 3 വർഷമായി റയാൻ തന്നോട് അടുക്കാൻ ശ്രമിക്കുന്നു എന്നും കഴിഞ്ഞ ആര് മാസത്തിനിടെ എപ്പോഴോ ആണ് താനും ആകൃഷ്ടയായത് എന്നും ജോർജിനെ പറഞ്ഞു. "നിങ്ങൾ തമ്മിലുള്ള എല്ലാ സംഭാഷണവും റയാൻ എന്നോട് പറയാറുണ്ട്. അവൻ എപ്പോൾ പുറത്തുപോകും, വീട്ടിൽ വരും എന്നുള്ള കാര്യമൊക്കെ എനിക്കറിയാം", ജോർജിന വിശദീകരിച്ചതായി ഒരു പ്രമുഖ മാധ്യമം റിപ്പോർട് ചെയ്തു.

ഭർത്താവും അമ്മയും തമ്മിലുണ്ടായ ബന്ധത്തെ 'ലോകത്തെ ഏറ്റവും വലിയ വഞ്ചന' എന്നാണ് ജെസ് വിശേപ്പിക്കുന്നത്. "എനിക്ക് വിശ്വസിക്കാനാകുന്നില്ല. കുട്ടികളെ എന്റെ പക്കൽ വിട്ടിട്ട് അവർ സുഖമായി ജീവിക്കാം എന്നാണ് കരുതിയത്?" ജെസ് പൊട്ടിത്തെറിക്കുകയുണ്ടായി.

അമ്മയും ഭർത്താവും തമ്മിൽ എന്തോ ഒന്നുണ്ട് എന്ന് ജെസ് മുൻപേ സംശയിച്ചിരുന്നു.എന്നാൽ, ഒരിക്കൽ ചോദ്യം ചെയ്തപ്പോൾ, അങ്ങനെ ഒന്നുമില്ല എന്ന് അമ്മയും ഭർത്താവും പറഞ്ഞു എന്നും അത് താൻ വിശ്വസിച്ചിരുന്നില്ല എന്നും ജെസ് പറയുകയുണ്ടായി. അതെ സമയം 'ഇതൊക്കെ നടന്നേക്കാം' എന്ന ലാഘവ മട്ടിലാണ് ജെസിന്റെ ഭർത്താവും അമ്മയും ഇപ്പോൾ പ്രതികരിക്കുന്നത്.

പക്ഷെ, ജോർജിനയുടെ ഭർത്താവ് എറിക് ഈ സംഭവം അറിഞ്ഞതോടെ തകർന്നുപോയിരിക്കുകയാണ്.