ഹെയ്തിയിലുണ്ടായ ഭൂചലനത്തില്‍ മരിച്ചവരുടെ എണ്ണം 2,207 ആയി. 344 പേരെ ഇനിയും കണ്ടെത്താന്‍ സാധിച്ചിട്ടില്ല. ഭൂചലനത്തില്‍ 12,268 പേര്‍ക്ക് പരിക്കേറ്റു. 53,000 വീടുകള്‍ പൂര്‍ണമായും 77,000 വീടുകള്‍ ഭാഗീകമായും നശിച്ചു.

പടിഞ്ഞാറന്‍ പട്ടണമായ സെന്റ് ലൂയി ദ്യു സ്യുദിന് 12 കിലോമീറ്റര്‍ അകലെയാണ് ഭൂകമ്പത്തിന്റെ പ്രഭവകേന്ദ്രം. ആശുപത്രികള്‍ രോഗികളെക്കൊണ്ട് നിറഞ്ഞിരിക്കുകയാണ്. ഭൂകമ്പം ചില നഗരങ്ങളെ തകര്‍ക്കുകയും മണ്ണിടിച്ചിലിന് കാരണമാക്കുകയും ചെയ്തു.

ആഗസ്റ്റ് 15നാണ് ഭൂകമ്പമാപിനിയില്‍ 7.2 തീവ്രതയാണ് രേഖപ്പെടുത്തിയ തുടര്‍ച്ചയായ ഭൂചലനം ഹെയ്തിയുടെ തെക്കുപടിഞ്ഞാറന്‍ ഭാഗത്ത് അനുഭവപ്പെട്ടത്. രാജ്യത്ത് ഒരു മാസത്തെ അടിയന്തരാവസ്ഥ പ്രഖ്യാപിച്ചിട്ടുണ്ട്.