വടക്കൻ ഗാസയിൽ ഫലസ്തീനികളുടെ വീടുകൾക്ക് നേരെ ഇസ്രായേൽ നടത്തിയ ആക്രമണത്തിൽ 16 പേർ കൊല്ലപ്പെട്ടതായി ഗാസയിലെ സിവിൽ ഡിഫൻസ് റിപ്പോർട്ട്. തെക്കൻ ഗാസയിലെ കിഴക്കൻ ഖാൻ യൂനിസിന് നേരെ ഇസ്രായേൽ സൈന്യം നടത്തിയ പുതിയ ആക്രമണത്തിൽ 70 ഫലസ്തീനികൾ കൊല്ലപ്പെടുകയും 200 ലധികം പേർക്ക് പരിക്കേൽക്കുകയും ചെയ്തതായി ഗാസയിലെ ആരോഗ്യ ഉദ്യോഗസ്ഥർ അറിയിച്ചു. അധിനിവേശ വെസ്റ്റ് ബാങ്കിൽ മണിക്കൂറുകൾക്ക് മുമ്പ് ഇസ്രായേലി സൈന്യം അറസ്റ്റും. റെയ്ഡുകളും നടത്തിയതായി പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു.

നൂർ ഷംസ് അഭയാർത്ഥി ക്യാമ്പിലെ സിവിലിയൻ അടിസ്ഥാന സൗകര്യങ്ങൾ ഇസ്രായേലി മിലിട്ടറി ബുൾഡോസറുകൾ ഉപയോഗിച്ച് നശിപ്പിക്കുന്ന വീഡിയോകളും പുറത്ത് വന്നിട്ടുണ്ട്. "സുരക്ഷിത" മേഖലയായി കരുത്തപ്പെട്ട റഫയിൽ നിന്ന് ഇസ്രായേലിന് നേരെ റോക്കറ്റുകൾ ഹമാസുകൾ ഉതിർക്കാൻ ഉപയോഗിച്ചതായി ഇൻ്റലിജൻസ് കണ്ടെത്തിയതിനാലാണ് ഇവിടെ ഓപ്പറേഷൻ ആരംഭിച്ചതെന്ന് ഇസ്രായേൽ സൈന്യം പ്രസ്താവനയിൽ പറഞ്ഞു. . ഹമാസ് അവിടെ വീണ്ടും സംഘടിക്കാൻ ശ്രമിക്കുകയാണെന്ന്. നേരത്തെ ഇസ്രായേൽ സൈന്യം ആ പ്രദേശത്തെ ആളുകളോട് ഒഴിഞ്ഞ് പോകണമെന്ന് മുന്നറിയിപ്പ് നൽകിയിരുന്നു, ആയിരക്കണക്കിന് ആളുകൾ ആണ് ഇവിടെ നിന്ന് പലായനം ചെയ്തത്.

70 മൃതദേഹങ്ങൾ നാസർ ഹോസ്പിറ്റലിൽ എത്തിച്ചതായും 200 പേർക്ക് പരിക്കേറ്റതായും ഗസാൻ ആരോഗ്യ മന്ത്രാലയം അറിയിച്ചു. പരിക്കേറ്റ നൂറുകണക്കിന് പുരുഷന്മാരും സ്ത്രീകളും കുട്ടികളും പ്രായമായവരും ഖാൻ യൂനിസിലെ നാസർ ഹോസ്പിറ്റലിലേയ്ക്ക് എത്തിയതായി പലസ്തീൻ റെഡ് ക്രസൻ്റ് പറഞ്ഞു. ഇവർക്ക് നൽകാനായി മരുന്നോ, കിടത്തി ചികിത്സാ നൽകാനായി മെത്തയോ പുതപ്പുകളോ ഇല്ലാത്ത അവസ്ഥയാണെന്ന് നാസർ ഹോസ്പിറ്റലിലെ നഴ്‌സിംഗ് ഡയറക്ടർ ജനറൽ ഡോ. മുഹമ്മദ് സാഖർ പറഞ്ഞു."സാഹചര്യങ്ങൾ ഭയാനകമാണ്," ഡോ. സഖർ ഒരു അഭിമുഖത്തിൽ പറഞ്ഞു.

ഭീകര പ്രവർത്തനങ്ങൾക്കും അടിസ്ഥാന സൗകര്യങ്ങൾക്കുമായി ഗസാൻ പൗരന്മാരെ മനുഷ്യകവചമായി ഉപയോഗിക്കുന്ന ഹമാസ് ഭീകര സംഘടനയ്‌ക്കെതിരെ തുടർന്നും നടപടിയെടുക്കുമെന്ന് സൈന്യം അറിയിച്ചു. പാർപ്പിടം, വെള്ളം, ഭക്ഷണം, മരുന്ന്, ശുചിത്വം എന്നിവയുടെ അഭാവത്തിൽ സോണിലെ സ്ഥിതി വളരെ മോശമാണെന്നും നിരവധി സിവിലിയൻമാരുണ്ടെന്നും ഫലസ്തീനികൾക്കായുള്ള പ്രധാന യുഎൻ ഏജൻസിയായ യുഎൻആർഡബ്ല്യുഎയുടെ വക്താവ് ലൂയിസ് വാട്ടറിഡ്ജ് പറഞ്ഞു. സുരക്ഷ തേടി ഗാസയുടെ ഒരു ഭാഗത്ത് നിന്ന് മറ്റൊരിടത്തേക്ക് ആവർത്തിച്ച് നീങ്ങിയിരുന്നു - ഇനി എവിടേക്ക് പോകണമെന്ന് ഉറപ്പില്ല.

അതിനിടെ ഹൂതികളും ഇസ്രായേലും തമ്മിലുള്ള സമീപകാല ആക്രമണങ്ങൾ ചർച്ച ചെയ്യുന്നതിനായി ഐക്യരാഷ്ട്രസഭയുടെ സുരക്ഷാ കൗൺസിൽ യെമനിൽ അടിയന്തര യോഗം ചേർന്നു , ഇത് പ്രദേശത്തെ കൂടുതൽ അസ്ഥിരപ്പെടുത്താൻ ഭീഷണിപ്പെടുത്തുന്ന പിരിമുറുക്കം ഉയർത്തി. അമേരിക്ക, ഫ്രാൻസ്, ബ്രിട്ടൻ എന്നീ രാജ്യങ്ങളാണ് യോഗം വിളിച്ചത്. വെള്ളിയാഴ്ച ടെൽ അവീവിലെ ഹൂതികളുടെ ഡ്രോൺ ആക്രമണത്തെ രണ്ട് മുതിർന്ന യുഎൻ ഉദ്യോഗസ്ഥർ അപലപിച്ചു.

യെമൻ തുറമുഖമായ ഹുദൈദയിൽ ശനിയാഴ്ച ഇസ്രായേൽ നടത്തിയ പ്രതികാര ആക്രമണം തുറമുഖത്തിന് സമീപം താമസിക്കുന്ന ജനങ്ങളെ ഒഴിപ്പിക്കാൻ ഇടയാക്കിയതായും ഇവിടെ ഇപ്പോഴും തീയണക്കാൻ കഴിഞ്ഞിട്ടില്ല എന്നും കൗൺസിലിനോട് പറഞ്ഞു. യെമനിലെ ദശലക്ഷക്കണക്കിന് ആളുകൾക്ക് ഭക്ഷണത്തിനും അവശ്യ സഹായത്തിനുമുള്ള ഒരു ജീവനാഡിയാണ് ഹുദൈദ, തുറമുഖത്ത് കൂടുതൽ ആക്രമണം നടത്തുന്നത് ഭയാനകമായ മാനുഷിക പ്രത്യാഘാതങ്ങൾക്ക് ഇടയാക്കുമെന്ന് യുഎൻ ഉദ്യോഗസ്ഥരും മറ്റ് വിദഗ്ധരും മുന്നറിയിപ്പ് നൽകുന്നു.

അതിനിടെ ഗാസയിലെ മലിനജല സാമ്പിളുകളിൽ വൈറസ് കണ്ടെത്തിയതിനെ തുടർന്ന് ഇസ്രായേൽ പ്രതിരോധ സേന ഗാസയിലെ സൈനികർക്കായി പോളിയോ വാക്സിനേഷൻ കാമ്പയിൻ ആരംഭിച്ചതായി ഇസ്രായേലി മാധ്യമങ്ങൾ റിപ്പോർട്ട് ചെയ്തു. തെക്കൻ ഗാസയിലെ ഖാൻ യൂനിസ്, സെൻട്രൽ ഗാസയിലെ ദേർ അൽ ബലാഹ് എന്നിവിടങ്ങളിൽ നിന്നുള്ള സാമ്പിളുകളിൽ പോളിയോ വൈറസ് വേരിയൻ്റ് കണ്ടെത്തിയതായി ലോകാരോഗ്യ സംഘടന കഴിഞ്ഞ ആഴ്ച പറഞ്ഞിരുന്നു .