ദിലീപിനെ കുടുക്കിയതിന്റെ പിന്നില് എന്തെങ്കിലും ലക്ഷ്യം കാണും, അല്ലെങ്കില് ആരെങ്കിലും കാണും , അത് പറയാന് പാടില്ല ; കൊച്ചിയില് നടി ആക്രമിക്കപ്പെട്ട സംഭവത്തില് പങ്കില്ലെന്ന് താന് നൂറു ശതമാനം വിശ്വസിക്കുന്നുവെന്ന് നിര്മ്മാതാവ് ജി.സുരേഷ് കുമാര്
കൊച്ചിയില് നടി ആക്രമിക്കപ്പെട്ട സംഭവത്തില് നടന് ദിലീപിനെ ചിലര് കുടുക്കിയതാണെന്നും കേസില് ദിലീപിന് പങ്കില്ലെന്ന് താന് നൂറു ശതമാനം വിശ്വസിക്കുന്നുവെന്നും നിര്മ്മാതാവ് ജി.സുരേഷ് കുമാര്. ഒരു പരിപാടിയില് പങ്കെടുത്ത് സംസാരിക്കുകയായിരുന്നു സുരേഷ് കുമാര്.
ദിലീപിനെ കൊണ്ട് അങ്ങിനെയൊരു കാര്യം ചെയ്യാന് കഴിയില്ലെന്ന് വിശ്വസിക്കുന്ന ആളാണ് ഞാന്. ദിലീപിനെ കുടുക്കിയതിന്റെ പിന്നില് എന്തെങ്കിലും ലക്ഷ്യം കാണും, അല്ലെങ്കില് ആരെങ്കിലും കാണും. അത് ഞാന് പറയാന് പാടില്ല. സിനിമാ രംഗത്തുള്ള ആളുകളാകാം ചിലപ്പോള്, അല്ലെങ്കില് പുറത്തുനിന്നുള്ളവരും ചേര്ന്നാകാം. എന്റെ ചിത്രത്തില് കൂടിയാണ് ദിലീപ് ആദ്യമായി അസിസ്റ്റന്റ് ഡയറക്ടറായി സിനിമയില് എത്തുന്നത്. അന്നുമുതല് എനിക്കറിയാവുന്ന പയ്യനാണ്. അയാള് ഒരിക്കലും ഇങ്ങനെ മോശപ്പെട്ടൊരു കാര്യത്തിനു പോകുമെന്ന് വിശ്വസിക്കുന്നില്ല. പുള്ളിതന്നെ സിബിഐ അന്വേഷണം ആവശ്യപ്പെട്ടിട്ടുണ്ട്. അങ്ങിനെ ഒരാള് ഇത്തരത്തില് ഒരു കാര്യം ചെയ്യില്ല എന്ന് സുരേഷ് കുമാര് വ്യക്തമാക്കി.
https://www.facebook.com/Malayalivartha
