ഇസ്​ലാമിനു വേണ്ടി തെരുവിലിറങ്ങാൻ സമുദായത്തിലെ ആരും ഒരു സംഘടനയെയും ​ചുമതലപ്പെടുത്തിയിട്ടില്ലെന്ന്​ കാന്തപുരം എ.പി അബൂബക്കർ മുസ്​ലിയാർ . തീവ്രവാദത്തിനും ഭീകരതക്കുമെതിരെ നടത്തിയ കാമ്പയിനിലാണ് അദ്ദേഹം ഇക്കാര്യം വ്യക്തമാക്കിയത്.

ഇസ്​ലാമിനെ ഉന്മൂലനം ചെയ്യാനും ഒരു സംഘടനയെയും ഏൽപ്പിച്ചിട്ടില്ല. ഹിന്ദു സമൂഹത്തിലുമുണ്ട്​ ഇത്തരം സംഘടനകൾ. ഒന്നും അനുവദിച്ചു കൂട. മതത്തി​​​െൻറ പേരുപയോഗിച്ച്​ മുസ്​ലീംകൾ നേരിടുന്ന പ്രശ്​നങ്ങളെ വൈകാരികമായി അവതരിപ്പിച്ച്​ കേരളത്തിൽ നിലനിൽക്കുന്ന സമാധാനവും സൗഹൃദവും തകർക്കാനുള്ള ശ്രമങ്ങളെ കരുതിയിരിക്കണം. ഏത് 'ഫ്രണ്ട്​' ആയാലും ഭീകര പ്രവർത്തനത്തിന് ഖുർആനും ഹദീസും പ്രചോദനം നൽകുന്നില്ല. ഖുർആൻ പ്രചരിപ്പിച്ചത് മത സൗഹാർദ്ദം ആണ്. ഖുർആൻ ദുർവ്യാഖ്യാനം ചെയ്ത് തുടങ്ങിയതാണ് ഇസ്​ലാമി​​​െൻറ പേരിലുള്ള പല പ്രശ്​നങ്ങൾക്കും കാരണം. ഒരു പ്ര​േത്യക സംഘടനയു​െട പേര്​ പറയുന്നില്ല. പല സംഘടനകളും ഇത്തരം പ്രവർത്തനങ്ങളാണ്​ നടത്തുന്നത് എന്ന് ​അദ്ദേഹം പറഞ്ഞു.

സംഘടനകളെ നിരോധിക്കണമെന്ന് പറയാൻ തങ്ങൾ ആളല്ല. അത്​ സർക്കാറി​​​െൻറ കാര്യമാണ്. ഖുർആൻ ദുർവ്യാഖ്യാനം ചെയ്യുന്ന നടപടി ആരംഭിച്ചത്​ സലഫികളാണ്​. ഖുർആൻ ദുർവ്യാഖ്യാനം ചെയ്യുന്ന എല്ലാവരോടും ആവശ്യമെങ്കിൽ തുറന്ന സംവാദത്തിന്​ തയാറാണ്​ എന്നും അദ്ദേഹം വ്യക്തമാക്കി.