ജി.എസ്.ടി കൊടുക്കാതെ ലക്ഷങ്ങളുടെ സ്വര്‍ണ്ണകടത്ത് അങ്കമാലി സ്വദേശി പിടിയില്‍. ഏറാണാകുളത്ത് നിന്നും അനധികൃതമായി തമിഴ്‌നാട്ടിലെക്ക് കടത്താന്‍ ശ്രമിച്ച 233. 5 പവന്‍ സ്വര്‍ണ്ണവുമായാണ് അങ്കമാലി സ്വദേശി സിബിനെയാണ് (48) അമരവിള എക്‌സൈസ് റെഞ്ച് സംഘം പിടികൂടി. രാവിലെ നെയ്യാറ്റിന്‍കര എസ് ബി ഐ ബാങ്കിനു സമീപം ബാങ്കുമായി ഓടി രക്ഷപ്പെടാന്‍ ശ്രമിച്ച സി ബിയെ അതിസാഹസികമായി പിന്തുടര്‍ന്ന് പിടികൂടുകയായിരുന്നു.ജി എസ് ടി വിഭാഗത്തിന്റെ കണ്ണ് വെട്ടിച്ച് ഓടി രക്ഷപ്പെടാന്‍ ശ്രമിക്കവേയാണ് സിബി എക്‌സൈസ് സംഘത്തിന്റെ പിടിയിലായത്. 

എറാണാ കുളത്ത് നിന്നും മൊത്തമായി ശേഖരിച്ച സ്വര്‍ണ്ണം യാതൊരു രേഖകളുമില്ലാതെ അതിര്‍ത്തി പ്രദേശങ്ങളിലെയും തമിഴ്‌നാട്ടിലെയും സ്വര്‍ണ്ണ കടകളില്‍ നല്‍കാനുള്ള ശ്രമമാണ് നടത്തിയത്. മാര്‍ക്കറ്റ് വില 50 ലക്ഷത്തിലധികം വിലവരും. പ്രതിയെ വിശദമായ ചോദ്യം ചെയ്യലിനുശേഷം നടപടി സ്വീകരിച്ച് ജി എസ് ടി വിഭാഗത്തിന് കൈമാറും. എക്‌സൈസ് ഇന്‍സ്‌പെക്ടര്‍ ഷാനാവാസ് പറഞ്ഞു.