പണി പാളുമെന്നുറച്ച് സര്ക്കാരും... കേന്ദ്ര മന്ത്രിയെ അധിക്ഷേപിച്ചതും ഭക്തരെ പേടിപ്പെടുത്തുന്നതും ശക്തമായി ഉന്നയിച്ച് ഗവര്ണര് കേന്ദ്രത്തിന് റിപ്പോര്ട്ട് നല്കി, ഭക്തിക്കു പകരം ഭയം നിലനിര്ത്തുന്ന അവസ്ഥ ഉണ്ടാകരുതെന്ന് ഗവര്ണറുടെ കര്ശന നിര്ദ്ദേശം
കേന്ദ്ര മന്ത്രിമാര് ഉള്പ്പെടെയുള്ളവരെ അധിക്ഷേപിച്ചും ഭക്തരെ മുള്മുനയില് നിര്ത്തിയും ശബരിമല വിഷയം ചൂടാറാതെ നിര്ത്തിയാല് കേരള സര്ക്കാനെതിരെ കേരള ഗവര്ണര് ജസ്റ്റിസ് പി. സദാശിവം കേന്ദ്ര സര്ക്കാരിന് റിപ്പോര്ട്ട് നല്കുമെന്ന് അറിയുന്നു. ഇക്കാര്യം മുഖ്യമന്ത്രിയോട് ഗവര്ണര് സൂചിപ്പിച്ചുവെന്നാണ് കേള്ക്കുന്നത്.
എന്നാല് അത്തരം നടപടികള് ഭാവിയിലുണ്ടാകാതെ ശ്രദ്ധിക്കാമെന്ന് മുഖ്യമന്ത്രി ഗവര്ണര്ക്ക് മറുപടി നല്കി. ശബരിമലയില് നിരോധനാജ്ഞ തുടരുന്നത് എന്തിനാണെന്ന് ഗവര്ണര് മുഖ്യമന്ത്രിയോട് ചോദിച്ചു. ഭക്തിക്ക് പകരം ഭയമാണ് സന്നിധാനത്തുള്ളതെന്നും ഇത്തരം നീക്കങ്ങള് ഗുണപ്രദമാകില്ലെന്നും ചര്ച്ചയില് ഉയര്ന്നു വന്നതായാണ് റിപ്പോര്ട്ട്.
ജസ്റ്റിസ് സദാശിവത്തിന് പകരം ബിജെപി നേതാവായ മറ്റൊരു ഗവര്ണറാണ് കേരളത്തിലുണ്ടായിരുന്നതെങ്കില് സ്ഥിതി ഗതികള് സ്ഫോടനാത്മകമാകുമായിരുന്നു.
ജസ്റ്റിസ് സദാശിവം കേരള ഗവര്ണര് മാത്രമല്ല. അദ്ദേഹം ഇന്ത്യയുടെ ചീഫ് ജസ്റ്റിസായിരുന്നു. നിയമവിഷയങ്ങളില് ഒരു സര്ക്കാരിനെ ഉപദേശിക്കാന് തീര്ത്തും പ്രാപ്തനാണ് ജസ്റ്റിസ് സദാശിവം .മുമ്പില്ലാത്ത വിധത്തില് ഗവര്ണര് മുഖ്യമന്ത്രിയെ വിളിക്കുന്നുണ്ട്. മുമ്പില്ലാത്ത സംഭവമാണ് ഇത്. മുഖ്യമന്ത്രിമാരെ അത്യാവശ്യ ഘട്ടങ്ങളില് മാത്രമാണ് ഗവര്ണര് മാര് വിളിക്കാറുള്ളത് . ഗവര്ണര് സര്ക്കാരിനെതിരെ കേന്ദ്രത്തിന് റിപ്പോര്ട്ട് നല്കുന്ന ഘട്ടങ്ങളെ അതിവന ഭരവമായാണ് പരിഗണിക്കുന്നത്. സര്ക്കാരിനെ പിരിച്ചു വിടാന് ഗവര്ണറുടെ റിപ്പോര്ട്ടാണ് കേന്ദ്ര സര്ക്കാര് സ്വീകരിക്കാറുള്ളത്. കേരളസര്ക്കാരിനെ പിരിച്ചു വിടാന് കേന്ദ്രം തയ്യാറാവില്ല. അങ്ങനെ സംഭവിച്ചാല് സി പി എമ്മിന് സഹതാപം വര്ധിക്കും.
ഗവര്ണര് പി. സഭാഗിതത്തിന്റെ നാട്ടുകാരനാണ് മന്ത്രി പൊന് രാധാകൃഷ്ണന്. വളരെ മാന്യതയോടെ സംസാരിക്കുകയും പെരുമാറുകയും ചെയ്യുന്നയാളാണ് മന്ത്രി പൊന് രാധാകൃഷ്ണന്. അദ്ദേഹത്തെ അപമാനിച്ചതില് ഗവര്ണര്ക്ക് വിഷമമുണ്ട്. രണ്ട് ഉദ്യോഗസ്ഥരാണ് മന്ത്രിയെ അപമാനിച്ചത്. ഇരുവര്ക്കുമെതിരെ കേന്ദ്രം നടപടികള് ആരംഭിച്ചിട്ടുണ്ട്. ശശികല ടീച്ചറെ അപമാനിച്ചതിലും ഗവര്ണര്ക്ക് വിഷമമുണ്ട്. പൊന് രാധാകൃഷ്ണനെതിരെ സര്ക്കാര് ഒരു അജണ്ട നടപ്പിലാക്കി എന്ന ചിന്തയാണ് ബിജെപിക്കുള്ളത്.
ജസ്റ്റിസ് സദാശിവം വളരെ മാന്യമായി പെരുമാറുന്ന വ്യക്തിയാണ്. മുഖ്യമന്ത്രിയോട് കടുപ്പത്തില് അദ്ദേഹം സംസാരിച്ചില്ല. എന്നാല് തനിക്ക് ശബരിമലയില് നടത്തുന്ന കാര്യങ്ങളില് ശരിയായ പ്രതിഷേധമുണ്ടെന്ന് ഗവര്ണര് മിതമായ ഭാഷയില് മുഖ്യമന്ത്രിയെ അറിയിച്ചു. ശബരിമലയിലെ പോലീസ് നടപടിയെ പോലീസിന്റെ സാധാരണ നടപടിയായാണ് മുഖ്യമന്ത്രി കണ്ടത്. ശബരിമല വിഷയത്തില് നിരവധി പരാതികളാണ് ഗവര്ണര്ക്ക് ലഭിച്ചു കൊണ്ടിരിതുന്നത്. പ്രതിപക്ഷത്തെ നിരവധി നേതാക്കള് ഗവര്ണറെ നേരിട്ട് കണ്ട് തങ്ങളുടെ പ്രതിഷേധം അറിയിച്ചിട്ടുണ്ട്. അത്തരം പ്രതിഷേധങ്ങള് ഗവര്ണര് മുഖ്യമന്ത്രിയെ അറിയിച്ചിട്ടുണ്ട്.
ഏതായാലും ഗവര്ണറുടെ വാക്കുകള് ശ്രദ്ധയോടെ അനുസരിച്ചില്ലെങ്കില് വിശ്വാസികളോട് കാണിക്കുന്ന ഹുങ്ക് പോലെ അത് നിസാരമാകണമെന്നില്ല. കാരണം കേരള സര്ക്കാരിനെ അടിക്കാനുള്ള വടിക്ക് വേണ്ടിയാണ് കേന്ദ്രം കാത്തിരിക്കുന്നത്.
https://www.facebook.com/Malayalivartha
