കൊവിഡ് 19 നിരീക്ഷണത്തില്‍ നിന്നും തിരുവനന്തപുരം മെഡിക്കല്‍ കോളജില്‍ നിന്ന് കടന്നുകളഞ്ഞ ഹരിയാന സ്വദേശിയെ കണ്ടെത്തി. നഗരത്തിലെ ഹോട്ടലില്‍ നിന്നാണ് ഇയാളെ കണ്ടെത്തിയത്. ഇയാളെ മെഡിക്കല്‍ കോളജിലേക്ക് മാറ്റി. ഇന്ന് ഉച്ചയ്ക്ക് ആശുപത്രിയിലെത്തിച്ച ഇയാളെ സാംപിള്‍ ശേഖരിച്ചതിനു ശേഷമായിരുന്നു കാണാതായത്. കന്യാകുമാരിക്ക് പോകുന്നതിന് വേണ്ടിയാണ് ഹരിയാന സ്വദേശിയും സഹോദരനും തിരുവനന്തപുരത്ത് എത്തിയത് എന്നാണ് വിവരം. റയില്‍വേ സ്‌റ്റേഷനില്‍ വച്ച് നടത്തിയ പരിശോധനയില്‍ രോഗ സംശയം ഉണ്ടായതോടെ ഇരുവരെയും ഉച്ചയോടെ ആശുപത്രിയിലേക്ക് കൊണ്ടുപോയി. തുടര്‍ന്ന് മെഡിക്കല്‍ കോളേജില്‍ നിന്ന് ഒപി ടിക്കറ്റ് എടുത്ത് കൂടുതല്‍ പരിശോധനകളക്കായി മറ്റൊരു കെട്ടിടത്തിലേക്ക് പോകുന്നതിനിടെയാണ് ഒപ്പമുണ്ടായിരുന്ന അറ്റന്‍ഡറെ കബളിപ്പിച്ച് ഇയാള്‍ കടന്നുകളഞ്ഞത്. ഇയാള്‍ ഉപയോഗിച്ചിരുന്ന ഫോണ്‍ നമ്ബര്‍ ഉപയോഗിച്ച് സൈബര്‍ സെലാണ് ഇയാള്‍ ഉള്ള ഹോട്ടല്‍ കണ്ടെത്തിയത്.

ആലപ്പുഴയിലും ഇന്നലെ സമാനമായ സംഭവം നടന്നിരുന്നു. കൊവിഡ് 19നിരീക്ഷണത്തിലിരിക്കെ ആലപ്പുഴ മെഡിക്കല്‍ കോളജ് ആശുപത്രിയില്‍ നിന്നാണ് വിദേശ ദമ്ബതികള്‍ ചാടിപ്പോയത്. പിന്നീട് ഇവരെ നെടുമ്ബാശേരി വിമാനത്താവളത്തില്‍ നിന്നാണ് കണ്ടെത്തിയത്.