മറ്റു സംസ്ഥാനങ്ങളെല്ലാം തബ്ലീഗ് സമ്മേളനത്തില്‍ പങ്കെടുത്ത് തിരിച്ചു വന്നവരുടെ വിവരങ്ങള്‍ പരസ്യപ്പെടുത്തുമ്പോള്‍ കേരളം അതു മാത്രം പറയുന്നില്ല. ഇത് ആരോഗ്യ പ്രവര്‍ത്തകര്‍ക്കിടയില്‍ ആശങ്ക വര്‍ദ്ധിപ്പിക്കുന്നു. കര്‍ണ്ണാടക സര്‍ക്കാര്‍ ചെയ്യുന്നുതുപോലെ രോഗികളുടെ നാള്‍വഴികള്‍ പുറത്തുവിടാന്‍ സംസ്ഥാന സര്‍ക്കാര്‍ തയ്യാറാകണം. ബിജെപി സംസ്ഥാന അധ്യക്ഷന്‍ കെ.സുരേന്ദ്രന്‍ ആവശ്യപ്പെട്ടു.അത് കൊണ്ട് തന്നെ സംസ്ഥാന സര്‍ക്കാരിനെതിരെ തബ് ലീഗ് സമ്മേളനം ഉയര്‍ത്തികാട്ടി ബിജെപി രംഗത്ത് വന്നിരിക്കുകയാണ്ബിജെപി സംസ്ഥാന അധ്യക്ഷന്‍ കെ.സുരേന്ദ്രന്‍ ആവശ്യപ്പെട്ടു.
സംസ്ഥാനത്ത് നിന്ന് തബ് ലീഗ് സമ്മേളനത്തില്‍ സംബന്ധിച്ചതിനെ തുടര്‍ന്ന് കോവിഡ് 19 രോഗം ബാധിച്ചവരെ കുറിച്ചുള്ള വിവരങ്ങള്‍ സംസ്ഥാന സര്‍ക്കാര്‍പുറത്തു വിടണമെന്ന് കെ.സുരേന്ദ്രന്‍ ആവശ്യപ്പെട്ടു.തബ്ലീഗ് സമ്മേളനത്തില്‍ പങ്കെടുത്ത് തിരിച്ചു വന്നവരുടെ നിരീക്ഷണ കാലാവധി അവസാനിച്ചോ,
ഇവരുടെ സമ്പര്‍ക്കം വഴി ആര്‍ക്കെങ്കിലും രോഗം പിടിപെട്ടോ തുടങ്ങിയ കാര്യങ്ങള്‍ ഒന്നും സര്‍ക്കാര്‍ ഇപ്പോള്‍ പറയുന്നില്ല.ഇത് ആരോഗ്യ പ്രവര്‍ത്തകര്‍ക്കിടയില്‍ ആശങ്ക വര്‍ദ്ധിപ്പിക്കുന്നു. കര്‍ണ്ണാടക സര്‍ക്കാര്‍ ചെയ്യുന്നുതുപോലെ രോഗികളുടെ നാള്‍വഴികള്‍ പുറത്തുവിടാന്‍ സംസ്ഥാന സര്‍ക്കാര്‍ തയ്യാറാകണം.മുഖ്യമന്ത്രിയുടെ വൈകുന്നേര പത്ര സമ്മേളനത്തില്‍ എല്ലാം വിവരിക്കുന്നെന്ന് പറയുമ്പോഴും തബ് ലീഗ് വഴി രോഗം വന്നവരെ കുറിച്ച് ഒന്നും പറയുന്നില്ല. കൊറോണയെ കുറിച്ചുള്ള ഞെട്ടിക്കുന്ന വിവരങ്ങളാണ് ഓരോ ദിവസവും പുറത്തുവരുന്നത്. ഇത് വളരെയധികം ആശങ്ക സൃഷ്ടിക്കുന്നു.

ഗള്‍ഫില്‍ നിന്നുള്ളവര്‍ എത്തി 30 ദിവസം കഴിഞ്ഞിട്ടും ഇപ്പോള്‍ കൊറോണ സ്ഥിരീകരിക്കുകയാണ്. ഇതിലൂടെ പല തരത്തിലുള്ള സംശയങ്ങളാണ് ഉയരുന്നത്. സംശയങ്ങള്‍ ദുരീകരിക്കാനുള്ള ബാധ്യത സര്‍ക്കാരിനുണ്ടെന്ന് സുരേന്ദ്രന്‍ പറഞ്ഞു.കൊറോണയുടെ പശ്ചാത്തലത്തില്‍ സര്‍ക്കാര്‍ പലതരത്തിലുള്ള പ്രഖ്യാപനങ്ങള്‍ നടത്തുന്നുണ്ടെങ്കിലും പലതും ഇപ്പോഴും നടക്കുന്നില്ല.

പ്രഖ്യാപനങ്ങള്‍ നടപ്പിലാക്കുന്നുണ്ടോ എന്നുകൂടി അന്വേഷിക്കണം. എല്ലാവര്‍ക്കും റേഷന്‍ കടകള്‍ വഴി പലവ്യഞ്ജന കിറ്റുകള്‍ നല്‍കുമെന്ന പ്രഖ്യാപനം നടപ്പിലാക്കാത്തതില്‍ ഒന്നു മാത്രമാണ്. കേന്ദ്രസര്‍ക്കാര്‍ 894.5 കോടി രൂപ കേരള സര്‍ക്കാരിന് ഇന്നലെ നല്‍കി. എന്നാല്‍ ധനമന്ത്രി ഇതേകുറിച്ച് ഒന്നും പറയുന്നില്ല. കേന്ദ്രം പണം തരുന്നില്ലന്ന് വിലപിക്കുന്ന മന്ത്രി കേന്ദ്രം നല്‍കിയ പണത്തെ കുറിച്ച് ഒന്നും മിണ്ടുന്നില്ല. കേന്ദ്രസര്‍ക്കാര്‍ വിവിധ പദ്ധതികള്‍ വഴി ജനങ്ങള്‍ക്ക് പണം നേരിട്ട് നല്‍കുന്നുണ്ട്. കേരളവും അത് മാതൃകയാക്കണം. ജനങ്ങളുടെ കയ്യില്‍ പണമെത്തിയാല്‍ മാത്രമേ പ്രതിസന്ധികള്‍ അയ യുകയുള്ളൂ.
കൊറോണ പ്രതിസന്ധിയുടെ മറവില്‍ പണം ഉണ്ടാക്കാനുള്ള ആസൂത്രിതമായ ശ്രമമാണ് ബാറുകള്‍ക്ക് ലൈസന്‍സ് നല്‍കിയതിലൂടെ വ്യക്തമാകുന്നത്. ഇതും കൊറോണക്കാലത്തെ അഴിമതിയാണ്. അടിയന്തരമായി സര്‍ക്കാര്‍ ഇതില്‍ നിന്നും പിന്മാറണമെന്നും കെ. സുരേന്ദ്രന്‍ ആവശ്യപ്പെട്ടു.

അതെ സമയം രാജ്യത്തെ വൈറസ് വ്യാപനത്തിന് പ്രധാന കാരണമായ തബ്ലീഗ് ജമാ അത്തിനെതിരെ നടപടി കടുപ്പിച്ച് യോഗി സര്‍ക്കാര്‍. നിരീക്ഷണ കാലാവധി പൂര്‍ത്തിയായതിനു പിന്നാലെ 66 വിദേശ തബ്ലീഗ് അംഗങ്ങളെ ജയിലിലേക്ക് മാറ്റി. മുഖ്യമന്ത്രിയുടെ ഓഫീസ് നല്‍കിയ നിര്‍ദ്ദേശ പ്രകാരമാണ് നടപടി. ഉത്തര്‍പ്രദേശിലെ ഷഹറാന്‍പൂരില്‍ നിരീക്ഷണത്തില്‍ കഴിഞ്ഞവരെയാണ് താത്ക്കാലിക ജയിലിലേക്ക് മാറ്റിയിരിക്കുന്നത്. വിസാ നിയമങ്ങള്‍ ലംഘിച്ചെന്ന കുറ്റത്തിനാണ് ഇവര്‍ക്കെതിരെ കര്‍ശന നടപടി സ്വീകരിച്ചിരിക്കുന്നത്. മതസമ്മേളനത്തില്‍ പങ്കെടുത്ത ഇവരെ തറേലിയിലെ നിരീക്ഷണ കേന്ദ്രത്തിലേക്ക് മാറ്റിയിരുന്നു. ഇവരില്‍ ഭൂരിഭാഗവും ഇന്തോനേഷ്യ, സുഡാന്‍ പൗരന്മാരാണ്.

നേരത്തെ, തബ്ലീഗ് മത സമ്മേളനത്തില്‍ പങ്കെടുത്ത വിവരം മറച്ചുവെച്ച അലഹബാദ് യൂണിവേഴ്സിറ്റി പ്രൊഫസര്‍ ഉള്‍പ്പെടെ 30 പേരെ ഉത്തര്‍പ്രദേശ് പോലീസ് അറസ്റ്റ് ചെയ്തിരുന്നു. സര്‍ക്കാരില്‍ നിന്നും യാത്രാ വിവരങ്ങള്‍ മറച്ചുവെച്ചതിനും യാത്രാ മാര്‍ഗ്ഗനിര്‍ദ്ദേശങ്ങള്‍ ലംഘിച്ചതിനുമാണ് ഇവരെ അറസ്റ്റ് ചെയ്തത്. ഇതില്‍ 16 പേര്‍ വിദേശ പൗരന്മാരാണ്.