പാസ്സെടുക്കാനെത്തിയ അതിഥിത്തൊഴിലാളികളുടെ സംഘത്തെ കണ്ട ഡ്യൂട്ടി ഡോക്ടര്‍ ഫോണ്‍ സ്വിച്ച് ഓഫാക്കി മുങ്ങി!
എറണാകുളം ജില്ലയിലെ എടയാര്‍ വ്യവസായ മേഖലയിലെ അതിഥിത്തൊഴിലാളികള്‍ നാട്ടിലേക്കു മടങ്ങാനുള്ള പാസ് എടുക്കുന്നതിനുള്ള വൈദ്യ പരിശോധനയ്ക്കായി ബിനാനിപുരം പ്രാഥമിക ആരോഗ്യ കേന്ദ്രത്തിലെത്തി.
എന്നാല്‍ ആ വലിയ സംഘത്തെ കണ്ട ഡ്യൂട്ടി ഡോക്ടര്‍ ഫോണ്‍ സ്വിച്ച് ഓഫാക്കി മുങ്ങി. ഇരുനൂറോളം പേരാണ് പരിശോധനാ സര്‍ട്ടിഫിക്കറ്റ് വാങ്ങാനെത്തിയത്. 3 ഡോക്ടര്‍മാരുള്ള ഇവിടെ ഡ്യൂട്ടിയില്‍ ഉണ്ടായിരുന്നത് ഒരാള്‍ മാത്രമായിരുന്നു.
ഒടുവില്‍ പൊലീസും വാര്‍ഡ് അംഗം ടി.ജെ. ടൈറ്റസും എത്തിയാണ്, ഏറെനേരം കാത്തുനിന്നിട്ടും ഡോക്ടര്‍ വരാതായപ്പോള്‍ ആശുപത്രി കവാടം ഉപരോധിച്ച അതിഥിത്തൊഴിലാളികളെ ശാന്തരാക്കിയത്.
അതിഥി തൊഴിലാളികള്‍ സംഘടിച്ച് പ്രതിരോധം തുടങ്ങിയതോടെ മറ്റു ജീവനക്കാരും ചികിത്സ തേടിയെത്തിയ നാട്ടുകാരും വിഷമിച്ചു.
അവരെ സമാധാനിപ്പിക്കാന്‍ കഴിഞ്ഞെങ്കിലും സര്‍ട്ടിഫിക്കറ്റ് കിട്ടാതെ മടങ്ങാന്‍ അവര്‍ തയാറായില്ല. തുടര്‍ന്ന് അവധിയിലായിരുന്ന വനിതാ ഡോക്ടറെ വിളിച്ചുവരുത്തി സര്‍ട്ടിഫിക്കറ്റ് നല്‍കി പ്രശ്‌നം പരിഹരിക്കുകയായിരുന്നു.
https://www.facebook.com/Malayalivartha
