അച്ചടക്ക നടപടിക്ക് തൊട്ടുമുമ്പും നിയമനം നടത്തി; മുഖ്യമന്ത്രി മുന്‍ പ്രിന്‍സിപ്പിള്‍ സെക്രട്ടറിയുടെ താല്ക്കാലിക നിയമനങ്ങളും ഞെട്ടിപ്പിക്കുന്നത്; കണ്‍സെള്‍ട്ടന്‍സികളെ തെരഞ്ഞെടുക്കുന്നതിലും നിയമനങ്ങളിലെയും അവസാന വാക്ക്; ഇവിടെ ഒരു കുഴപ്പവുമില്ലെന്ന് പി.എസ്.സി
അച്ചടക്ക നടപടിക്ക് തൊട്ടുമുമ്പും എം. ശിവശങ്കര്‍ താല്ക്കാലിക നിയമനം നടത്തി. സ്വര്‍ണക്കടത്ത് കേസിലെ മുഖ്യ പ്രതി സ്വപ്‌ന സുരേഷിന് സ്‌പെസ് പാര്‍ക്കില്‍ നിയമനം നല്‍കിയത് എം. ശിവശങ്കറിന്റെ ശുപാര്‍ശ പ്രാകാരമാണെന്ന് അദ്ദേഹത്തിനെതിരായി വകുപ്പ് തല നടപടിയെടുത്തപ്പോള്‍ ചീഫ് സെക്രട്ടറി വിശ്വാ മേത്ത റിപ്പോര്‍ട്ട് നല്‍കിയത്. ഈ ശിവശങ്കര്‍ തന്നെ വകുപ്പ് തല നടപടിയെടുക്കുന്നതിന് തെട്ടുമുമ്പു പോലും സ്വപ്‌നക്ക് നല്‍കിയതുപോലുള്ള താല്ക്കാലിക നിയമനം വീണ്ടും നല്‍കിയ ശേഷമാണ് പടിയിറങ്ങിയത്. പിന്‍വാതില്‍ നിയമനത്തിന്റെ പേരില്‍ പഴിക്കേള്‍ക്കുന്നനിടെ ഇത്തമൊരു നിയമനം നടത്തിയ എം. ശിവശങ്കറിന്റെയും അത് അംഗീകരിച്ച് നിയമനം നടപ്പിലാക്കിയ പിണറായി സര്‍ക്കാരിന്റെയും ധൈര്യം അപാരമാണ്.
ഐടി സെക്രട്ടറി സ്ഥാനത്തുനിന്ന് മാറ്റുന്നതിന് തൊട്ടുമുമ്പും ശിവശങ്കര്‍ താത്കാലിക നിയമനം നടത്തിയിരുന്നു. സെക്രട്ടറിയേറ്റിലെ കമ്പ്യൂട്ടര്‍ സെല്ലിലാണ് എല്‍.ഡി.ക്ലര്‍ക്ക് തസ്തികയില്‍ താത്കാലിക നിയമനം നടത്തിയത്. ഐടി സെക്രട്ടറി സ്ഥാനത്തുനിന്ന് ശിവശങ്കര്‍ പുറത്താകുന്നതിന് രണ്ടാഴ്ച മുമ്പായിരുന്നു ഈ നിയമനം. ജൂണ്‍ 10ന് വനിതാ ഉദ്യോഗസ്ഥയെ നിയമിച്ചുകൊണ്ടുള്ള ഉത്തരവ് പുറത്തുവന്നത്. ഒരു വര്‍ഷത്തേക്കാണ് നിയമനം. വര്‍ഷാവര്‍ഷം കരാര്‍ നീട്ടിനല്‍കുകയും കുറച്ച് വര്‍ഷങ്ങള്‍ക്ക് ശേഷം ഇത്തരക്കാരെ സ്ഥിരപ്പെടുത്തുകയും ചെയ്യുന്നതാണ് പതിവ്. എല്‍ ഡി ക്ലര്‍ക്കിനെ പോലും താത്കാലികമായി നിയമിക്കുന്നു എന്ന വസ്തുതയാണ് പുറത്തുവന്നത്. അടുപ്പക്കാരെ ഇത്തരത്തില്‍ തിരുകി കയറ്റുമ്പോള്‍ അര്‍ഹരായ ഒട്ടേറെ ഉദ്യോഗാര്‍ത്ഥികളാണ് പുറത്തിരിക്കുന്നത്.
സംസ്ഥാനത്ത് പിന്‍വാതില്‍ നിയമനം സംബന്ധിച്ചുള്ള വിവാദങ്ങള്‍ ചൂട് പിടിക്കുകയാണ്. പി.എസ്.സിയെ നോക്കുകുത്തിയാക്കിയാണ് ഇത്തരം നിയമനങ്ങള്‍ നടക്കുന്നത്. ഇതിന് ന്യായികരണവുമായി സി.പി.എം നേതൃത്വവും തോമസ് ഐസക് ഉള്‍പ്പെടെയുള്ള മന്ത്രിമാരും രംഗത്ത് വരുന്നുണ്ടെങ്കിലും കണ്‍മുന്നിലുള്ള യാഥാര്‍ഥ്യം മാച്ചുകളയാന്‍ അവര്‍ക്ക് സാധിക്കുന്നില്ല. ഇത് സര്‍ക്കാരിനെതിരായ ജനരോഷം വര്‍ധിപ്പിക്കുകയാണ്. ഇതിനിടെ സംസ്ഥാനത്ത് ഒരുതരത്തിലുളള നിയമന നിരോധനവും ഇല്ലെന്ന് പി എസ് സി ചെയര്‍മാന്‍ എം കെ സക്കീര്‍ വ്യക്തമാക്കി. ഉദ്യോഗാര്‍ത്ഥികളുടെ പ്രതിഷേധം തെറ്റിദ്ധാരണ കൊണ്ടാണെന്ന് പറഞ്ഞ അദ്ദേഹം സര്‍ക്കാര്‍ ജോലികളില്‍ കരാര്‍ നിയമനം നടത്തുന്നുവെന്ന പരാതി ശരിയല്ലെന്നും പറഞ്ഞു.'കേരള പോലീസില്‍ റിപ്പോര്‍ട്ടുചെയ്ത മുഴുവന്‍ ഒഴിവുകളും നികത്തിയിട്ടുണ്ട്. പി എസ് സിക്ക് റിപ്പോര്‍ട്ടുചെയ്ത തസ്തികകളില്‍ ഒരു തരത്തിലുളള കരാര്‍ നിയമവും നടക്കില്ല. അത്തരത്തിലുളള ഒരറിയിപ്പും ഇതുവരെ സര്‍ക്കാരിന്റെ ഭാഗത്തുനിന്ന് ലഭിച്ചിട്ടില്ല. പി.എസ്.സിക്ക് വിട്ട സ്ഥാപനങ്ങളില്‍ ചട്ടങ്ങളും നിയമങ്ങളും രൂപീകരിക്കാനുളള പ്രത്യേക സമിതിയുടെ പ്രവര്‍ത്തനം തുടങ്ങിയിട്ടുണ്ട്. രാജ്യത്ത് ഏറ്റവും അധികം നിയമനങ്ങള്‍ നടത്തുന്ന സര്‍ക്കാര്‍ ഏജന്‍സിയാണ്. പുതിയ ഉദ്യോഗാര്‍ത്ഥികള്‍ക്ക് അവസരം നിഷേധിക്കപ്പെടും എന്നതിനാല്‍ റാങ്ക് ലിസറ്റുകളുടെ കാലാവധി ഇനി നീട്ടാന്‍ സാധിക്കില്ലെന്നും അദ്ദേഹം അറയിച്ചു. നിയമന നടപടികള്‍ വേഗത്തിലാക്കുമെന്നും അദ്ദേഹം കൂട്ടിച്ചേര്‍ത്തു.
https://www.facebook.com/Malayalivartha
