ലുക്കില്‍ ആളാകെ മാറി പ്പോയെന്ന് ആരാധകര്‍..35ാം പിറന്നാള്‍ ആഘോഷമാക്കി തെന്നിന്ത്യന്‍ താരം റായ് ലക്ഷ്മി
ലുക്കില്‍ ആളാകെ മാറി പ്പോയെന്ന് ആരാധകര്‍..35ാം പിറന്നാള്‍ ആഘോഷമാക്കി തെന്നിന്ത്യന്‍ താരം റായ് ലക്ഷ്മി. പിറന്നാള്‍ ആഘോഷ ചിത്രങ്ങള്‍ റായ് ലക്ഷ്മി സമൂഹ മാദ്ധ്യമത്തില്‍ പങ്കുവച്ചു.
അടുത്തിടെ രൂപത്തില്‍ മാറ്റം വരുത്തി താരം ആരാധകരെ ഞെട്ടിച്ചിട്ടുണ്ടായിരുന്നു. ന്യൂമറോളജി പ്രകാരം ലക്ഷ്മി റായ് എന്ന പേര് മാറ്റി റായ് ലക്ഷ്മി എന്നാക്കുകയും ചെയ്തു. പേരില്‍ മാത്രമല്ല, ശരീരഭാരം കുറിച്ചും ശ്രദ്ധ നേടുകയും ചെയ്തു.
മെക്കോവര്‍ ചിത്രങ്ങള്‍ കണ്ടപ്പോള്‍ മുഖം തന്നെ മാറിപ്പോയെന്നും നടി പ്‌ളാസ്റ്റിക് സര്‍ജറി ചെയ്‌തോ എന്നുമൊക്കെ ആരാധകര്‍ സംശയിക്കുകയായിരുന്നു. നിരവധി മലയാള സിനിമകളിലും അന്യഭാഷാ ചിത്രങ്ങളിലും അഭിനയിച്ച് തെന്നിന്ത്യ മുഴുവന്‍ ആരാധകരുള്ള താരമാണ് റായ്‌ലക്ഷ്മി. മോഹന്‍ലാല്‍ ചിത്രം റോക്ക് ആന്‍ഡ് റോളിലൂടെയാണ് റായ് ലക്ഷ്മി മലയാളത്തിലേക്ക് എത്തുന്നത്.
മമ്മൂട്ടി, മോഹന്‍ലാല്‍, ദിലീപ് എന്നിവരുടെ ചിത്രങ്ങളില്‍ റായ് ലക്ഷ്മി നായികയായി വേഷമിട്ടു. അണ്ണന്‍തമ്പി, പരുന്ത്, ടു ഹരിഹര്‍ നഗര്‍, ചട്ടമ്പിനാട്, ഇവിടം സ്വര്‍ഗമാണ്, ക്രിസ്ത്യന്‍ ബ്രദേഴ്‌സ്, അറബിയും ഒട്ടകവും പി.മാധവന്‍ നായരും തുടങ്ങിയ ചിത്രങ്ങളില്‍ നായികയായി അഭിനയിച്ചു.
2018ല്‍ റിലീസ് ചെയ്ത ഒരു കുട്ടനാടന്‍ ബ്‌ളോഗ് ആണ് റായ്ലക്ഷ്മിയുടെ ഏറ്റവും ഒടുവിലത്തെ മലയാള ചിത്രം. ഇതിനുശേഷം താരം തെലുങ്ക്, തമിഴ്, ഹിന്ദി, കന്നട ചിത്രങ്ങളില്‍ സജീവമാണ്. റായ് ലക്ഷ്മിയുടെ പുതിയ മലയാള ചിത്രം ടി.എസ്. സുരേഷ്ബാബു സംവിധാനം ചെയ്യുന്ന ഡി എന്‍ എ ആണ്.
https://www.facebook.com/Malayalivartha
