ഒട്ടും പ്രതീക്ഷിക്കാത്തത്... അശ്ലീലം പറഞ്ഞവന്റെ വീട്ടില് കയറി തല്ലി വീഡിയോ പോസ്റ്റ് ചെയ്തപ്പോള് ലൈക്കും കമന്റും കൊണ്ട് നിറഞ്ഞപ്പോള് ഇങ്ങനെയൊരു വയ്യാവേലി ഓര്ത്തില്ല; വിജയ് പി നായരുടെ പരാതിയിന്മേല് പോലീസ് ജാമ്യമില്ലാ കേസെടുത്തതോടെ എല്ലാം കൈവിട്ടു
സ്ത്രീകള്ക്കെതിരെ അശ്ലീലവും അപകീര്ത്തികരവുമായ യൂട്യൂബ് വിഡിയോകള് പോസ്റ്റ് ചെയ്തയാളെ കൈയ്യേറ്റം ചെയ്ത സംഭവത്തില് ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി ഉള്പ്പെടെയുള്ളവര്ക്കെതിരെ കേസെടുത്തു. യൂട്യൂബ് ചാനല് നടത്തുന്ന വെള്ളായണി സ്വദേശി വിജയ് പി.നായരുടെ പരാതിയിന്മേലാണ് ഭാഗ്യലക്ഷ്മി, ദിയ സന, ശ്രീലക്ഷ്മി അറയ്ക്കല് എന്നിവര്ക്കെതിരെ കേസെടുത്തത്.
അതേസമയം ഇന്നലെ പാതിരാത്രി 10 മണി മുതല് 11 മണിവരെ ട്വന്റി ഫോര് ചാനലില് നടത്തിയ ലൈവ് ചര്ച്ചയില് ദിയ സന ഈ വിഷയത്തില് പൊട്ടിക്കരഞ്ഞു. നിങ്ങള്ക്കെതിരെ വീട് ആക്രമിച്ചതിന് കേസ് കൊടുക്കുമെന്ന് വിജയ് പി നായര് പറഞ്ഞതായി അവതാരകനായ അരുണിന്റെ കമന്റ് കേട്ടതോടെയാണ് ദിയ സന വീങ്ങിപ്പൊട്ടിയത്. എടുക്കട്ടെ. കേസെടുത്താല് ധൈര്യ പൂര്വം ജയിലില് കിടക്കും. അതിലും ഒരു അഭിമാനമുണ്ടല്ലോ. വീഡിയോക്ക് മുമ്പ് അയാളാണ് ആക്രമിച്ചത്. ഞങ്ങള് ആരോടെല്ലാം പരാതി പറഞ്ഞു. എന്നിട്ടും... ദിയയുടെ ശബ്ദം ഇടറിയപ്പോള് ചാനല് ചര്ച്ചയില് പങ്കെടുത്ത ഭാഗ്യ ലക്ഷ്മിയുടേയും ശ്രീലക്ഷ്മി അറയ്ക്കലിന്റേയും കണ്ണു നിറഞ്ഞു.
അവര് പ്രതീക്ഷിച്ച പോലെ തന്നെ സംഭവിച്ചിരിക്കുകയാണ്. വിജയിന്റെ പരാതിയിന്മേല് ജാമ്യമില്ലാ വകുപ്പ് ചുമത്തിയാണ് മൂവര്ക്കുമെതിരെ കേസ് രജിസ്റ്റര് ചെയ്തത്. തമ്പാനൂര് പോലീസാണ് കേസെടുത്തത്. അതിക്രമിച്ചു കടന്ന ഇരുവരും മര്ദ്ദിച്ചെന്ന് വിജയ് പി. നായര് പരാതിയില് പറയുന്നു. ഭാഗ്യലക്ഷ്മിക്കും സുഹൃത്തുക്കള്ക്കും എതിരെ ജാമ്യമില്ലാ വകുപ്പ് പ്രകാരം കേസ്. അതിക്രമിച്ചു കടന്ന ഇരുവരും മര്ദ്ദിച്ചെന്ന് വിജയ് പി. നായര് പരാതി നല്കി. വീടു കയറി അക്രമിച്ചു, മൊബൈല്, ലാപ്ടോപ്പ് എന്നിവ അപഹരിച്ചെന്നും പരാതിയില് പറയുന്നു. ദേഹോദ്രപമേല്പ്പിക്കല്, അസഭ്യം പറയല് എന്നീ വകുപ്പുകളും ചുമത്തും
ശനിയാഴ്ചയാണു സ്ത്രീകള്ക്കെതിരെ അശ്ലീല പരാര്ശം നടത്തിയ വിജയ് പി.നായരെ ഇയാള് താമസിക്കുന്ന സ്റ്റാച്യൂ ഗാന്ധാരിയമ്മന് കോവില് റോഡിനു സമീപത്തെ ലോഡ്ജ് മുറിയിലെത്തി സംഘം നേരിട്ടത്. ഫെയ്സ്ബുക്കിലൂടെ ലൈവായി വിഡിയോ കാണിച്ചു കൊണ്ടായിരുന്നു പ്രതിഷേധം.
വിജയിനെക്കൊണ്ടു പരസ്യമായി മാപ്പു പറയിപ്പിച്ച ശേഷമാണു സംഘം മടങ്ങിയത്. ഇയാള്ക്കെതിരെ സിറ്റി പൊലീസ് കകമ്മിഷണര്ക്കടക്കം പല തവണ പരാതി നല്കിയിട്ടും നടപടി ഉണ്ടാവാത്ത സാഹചര്യത്തിലാണ് നേരിട്ട് ഇറങ്ങിയതെന്നും നിയമസംവിധാനത്തിന്റെ പരാജയമാണ് ഇതെന്നും മൂവരും വ്യക്തമാക്കിയിരുന്നു.
വിജയിനെക്കൊണ്ടു പരസ്യമായി മാപ്പു പറയിപ്പിച്ച ശേഷമാണു സംഘം മടങ്ങിയത്. ഇയാള്ക്കെതിരെ സിറ്റി പൊലീസ് കമ്മിഷണര്ക്കടക്കം പല തവണ പരാതി നല്കിയിട്ടും നടപടി ഉണ്ടാവാത്ത സാഹചര്യത്തിലാണ് നേരിട്ട് ഇറങ്ങിയതെന്നും നിയമസംവിധാനത്തിന്റെ പരാജയമാണ് ഇതെന്നും മൂവരും വ്യക്തമാക്കി. പരാതിപ്പെടണമെന്ന് സംഘം വിജയിനോട് ആവശ്യപ്പെട്ടെങ്കിലും പരാതിയൊന്നും ഇല്ലെന്നായിരുന്നു പ്രതികരണം. പറഞ്ഞ കാര്യങ്ങളില് അല്പം മസാല ചേര്ത്തതു തെറ്റായിപ്പോയെന്നും സ്ത്രീകളുടെ വികാരം മനസ്സിലാക്കുന്നെന്നും ഇയാള് പിന്നീടു പറഞ്ഞു.
വിജയിന്റെ ലാപ്ടോപ്പും ഫോണും അടക്കം കൈവശപ്പെടുത്തിയ സംഘം അതുമായി പൊലീസ് കമ്മിഷണര് ഓഫിസില് നേരിട്ടെത്തി. പിന്നീട് തമ്പാനൂര് സ്റ്റേഷനിലെത്തി പരാതി നല്കി. വനിത കമ്മിഷന്, സൈബര് സെല്, വനിത ശിശുക്ഷേമ വകുപ്പ് തുടങ്ങിയവര്ക്കും പരാതി അയച്ചു.
സോഷ്യല് മീഡിയയില് രണ്ടു കൂട്ടരേയും അനുകൂലിച്ചും പ്രതികൂലിച്ചും വലിയ പ്രതിഷേധമാണ് ഉയരുന്നത്. സൈക്കോളജിസ്റ്റായ വിജയ് പി നായരെ ഒരു കൂട്ടര് വലിച്ച് കീറുമ്പോള് തന്നെ ഭാഗ്യലക്ഷ്മിയും കൂട്ടരും നിയമത്തെ വെല്ലുവിളിക്കാന് പാടില്ലായിരുന്നു എന്നാണ് പലരുടേയും കമന്റ്. ആ ഒരു ആക്ഷേപം ഉള്ളതിനാലാണ് വിജയിന്റെ പരാതിയിന്മേലും ജാമ്യമില്ലാ വകുപ്പ് ചുമത്തിയിരിക്കുന്നത്.
"
https://www.facebook.com/Malayalivartha