സഖാക്കളുടെ കണ്ണ് നിറയുന്നു... ചാനലുകളില് നിന്നും സ്വപ്ന സുരേഷിനേയും വിവാദത്തിനേയും പടിയിറക്കാന് സഖാക്കള് പഠിച്ച പണി പതിനെട്ടും നോക്കിയിട്ടും നടന്നില്ല; അവസാനം അശ്ലീല യൂട്യൂബര്ക്കെതിരെ ഭാഗ്യലക്ഷ്മിയും കൂട്ടരും രംഗത്തെത്തിയതോടെ എല്ലാം ഓക്കെ; ഒറ്റ രാത്രി കൊണ്ട് ചാനല് ചര്ച്ചയില് നിന്നും സ്വര്ണം ഒഴുകിപ്പോയപ്പോള് സഖാക്കള്ക്ക് ആശ്വാസം
എല്ലാം മായം മറിമായം എന്നല്ലാതെ എന്ത് പറയാന്. അല്ലെങ്കില് നോക്കണെ ചാനലുകളായ ചാനലുകളെല്ലാം ഒന്നൊന്നര മാസമായി സ്വപ്ന സുരേഷിന്റേയും സ്വര്ണക്കടത്തിന്റേയും പുറകിലാണ്. എങ്കിലും ചാനലുകാരുടെ ലക്ഷ്യം സര്ക്കാരാണ്. വലിയ റേറ്റിംഗ് ഉള്ളതിനാല് ചാനല് ചര്ച്ചക്കാര് സ്വപ്നയുടെ പുറകേ തന്നെ പോയി. ഇതിനിടെ കൊറോണ നമ്മളെ പേടിപ്പെടുത്തിയപ്പോഴും കര്ഷക ബില്ലില് സംശയം ചോദിച്ചപ്പോഴും ങേ ഹാ... ചാനല് ചര്ച്ച സ്വപ്ന സുരേഷിന് തന്നെ. സഖാക്കള് പഠിച്ച പണി പതിനെട്ടും നോക്കിയിട്ടും ചാനല് ചര്ച്ച വഴി മാറിയില്ല. കറങ്ങി തിരിഞ്ഞ് സ്വപ്നയില് തന്നെ തട്ടി നിന്നു.
ബിനീഷ് കോടിയേരി, മന്ത്രി കെടി ജലീല്, മന്ത്രി പുത്രന്, മറ്റൊരു മന്ത്രി അങ്ങനെ എല്ലാം അവസാനിക്കുന്നത് സ്വപ്നയില് തന്നെ. 7 ദേശീയ അന്വേഷണ ഏജന്സികള് സെക്രട്ടറിയേറ്റിന് ചുറ്റും വട്ടമിട്ടതോടെ ചാനലുകാര്ക്കും ഉറക്കം പോയി. ഏത് നിമിഷവും ആരേയും ചോദ്യം ചെയ്യാം. മറ്റവന്മാര് വിഷ്വലെടുത്ത് അവരുടെ ചാനലില് കാണിച്ചാല് പിന്നെ ജീവിച്ചിരുന്നിട്ട് കാര്യമില്ല. ഇങ്ങനെ മത്സര ബുദ്ധിയോടെ ചാനല് ചര്ച്ച കൊഴുക്കുമ്പോഴാണ് സര്ക്കാരിന് വേണ്ടപ്പെട്ട ഭാഗ്യലക്ഷ്മിയുടെ രംഗപ്രവേശം.
ലൈവ് വീഡിയോയിലൂടെ ഒരിക്കലും കാണാത്ത ഭാഗ്യലക്ഷ്മിയുടെ മറ്റൊരു മുഖം മലയാളികള് കണ്ടതോടെ എല്ലാവര്ക്കും ആകാംക്ഷയായി. ഭാഗ്യ ലക്ഷ്മിയും ദിയ സനയും ശ്രീലക്ഷ്മി അറയ്ക്കലും ചേര്ന്ന് ഒരാളെ കടന്ന് പിടിക്കുന്നു, തെറി വിളിക്കുന്നു, മുണ്ടിനകത്ത് എന്തോ ഇടുന്നു, ചെകിടത്തടിക്കുന്നു, കരിയോയിലൊഴിക്കുന്നു; മാപ്പ് പറയിപ്പിക്കുന്നു. പിന്നീടാണ് മനസിലായത് അശ്ലീല വീഡിയോ പോസ്റ്റ് ചെയ്ത യൂ ട്യൂബര് വിജയ് പി നായരെയാണ് ഇവര് നീതി കിട്ടാത്തതില് പ്രതിഷേധിച്ച് ഇടപെട്ടതെന്ന്. പിസി ജോര്ജിന്റെ ഭാഷയില് പറഞ്ഞാല് പൊട്ടന് രണ്ട് കിട്ടിയത് നന്നായി.
പരാതി കൊടുത്തിട്ടും പോലീസ് അനങ്ങിയില്ലെന്നാണ് ഭാഗ്യലക്ഷ്മിയും കൂട്ടരും പറയുന്നത്. ഇത് കേള്ക്കുന്നവര്ക്കെല്ലാം ഒരു സംശയം. സ്വപ്നയില് തട്ടി വിളറി വെളുത്ത സര്ക്കാരിനേറ്റ മറ്റൊരു അടിയായി ഇത് മാറില്ലേ. മുഖ്യമന്ത്രിയുടെ വകുപ്പാണ് ആഭ്യന്തരം. ആ വകുപ്പിന്റെ നിഷ്ക്രിയത്വമാണ് ചോദ്യം ചെയ്തത്. ചാനലുകാര് ഒരു വിഷയം കിട്ടാന് കാത്തിരിക്കുകയാണ്. പുറത്ത് സുരേന്ദ്രനും ചെന്നിത്തലയും എന്തെങ്കിലും കിട്ടാന് കാത്ത് നില്പ്പാണ്. അതിനിടയ്ക്കാണ് സര്ക്കാരിനെ പ്രതിസന്ധിയിലാക്കുന്ന ഈ വെളിപ്പെടുത്തല്. സഖാക്കളെല്ലാം ഇതോടെ തലയില് കൈവച്ചെങ്കിലും സംഭവം പെട്ടെന്ന് മാറി മറിയുകയായിരുന്നു.
ആദ്യം മാപ്പ് പറഞ്ഞ വിജയ് പി നായര് പാതിരാത്രിയില് പോലീസിന് പരാതി കൊടുത്തതോടെ കാര്യങ്ങള് മാറി മറിഞ്ഞു. ഭാഗ്യലക്ഷ്മിയ്ക്കും കൂട്ടര്ക്കുമെതിരെ ജാമ്യമില്ലാ കേസായി. അശ്ലീല വീഡിയോ യൂട്യൂബില് പോസ്റ്റ് ചെയ്ത വിജയ് പി. നായരെ കൈയേറ്റം ചെയ്ത സംഭവത്തില് നടിയും ഡബ്ബിംഗ് ആര്ട്ടിസ്റ്റുമായ ഭാഗ്യലക്ഷ്മി ഉള്പ്പടെ മൂന്നു പേര്ക്കെതിരെ ജാമ്യമില്ലാ വകുപ്പ് പ്രകാരം കേസെടുത്തു. അതേസമയം, വിജയ് പി. നായര്ക്കെതിരെ നിസാര വകുപ്പുകള് ചുമത്തിയാണ് കേസ്. താമസസ്ഥലത്ത് അതിക്രമിച്ചു കയറി മര്ദ്ദിച്ച സംഭവം ഇന്ത്യന് ശിക്ഷാ നിയമം 452 വകുപ്പ് പ്രകാരം ഏഴു വര്ഷം വരെ തടവു ശിക്ഷ ലഭിക്കാവുന്ന കുറ്റമാണ്. ഇതോടെ ഭാഗ്യലക്ഷ്മിയും കൂട്ടരും വെട്ടിലാകുന്ന അവസ്ഥയുമായി. മാത്രമല്ല സോഷ്യല് മീഡിയയില് രണ്ട് കൂട്ടരേയും അനുകൂലിച്ച് വാദപ്രതിപാദം കനത്തു. അതോടെ ഈ വാര്ത്തയ്ക്ക് വന് റേറ്റിങ്ങാണ് കിട്ടിയത്.
സിനിമാകഥയെക്കാളും വെല്ലുന്ന ട്വിസ്റ്ററിയാന് മലയാളികള് അതിവേഗം ചാനലുകള് മാറ്റിയതോടെ ഒന്നര മാസമായി വിലസിയ സ്വപ്നയേയും കൂട്ടരേയും ചുരുട്ടിക്കൂട്ടിയെടുത്ത് പുറത്തെറിഞ്ഞു. പകരം എല്ലാ ചാനലുകളും ഭാഗ്യലക്ഷ്മിയ്ക്കും കൂട്ടര്ക്കും നീതിയ്ക്കായി ചാനല് ചര്ച്ച മാറ്റി വച്ചു. എന്തിന് മാറിചിന്തിക്കുന്ന കൈരളി ചാനല് പോലും ഈ വിഷയം തന്നെ ഏറ്റെടുത്തു. ട്വന്റി ഫോര് കഴിഞ്ഞ ദിവസം പാതിരാത്രിയില് ചര്ച്ച നടത്തി റേറ്റിംഗ് കിട്ടിയതിനാല് അവര് സ്വപ്നയിലേക്ക് തന്നെ പോയി.
സസ്പെന്സും കണ്ണീരും കൊണ്ട് നിറഞ്ഞ സിനിമ പോലെയായി ഓരോ ചാനല് ചര്ച്ചയും. വില്ലനില്ലെങ്കില് സിനിമയില്ല എന്നതുപോലെ പിസി ജോര്ജ് വില്ലനും നായകനുമായി പൊളിച്ചടുക്കിയപ്പോള് ത്രില്ലടിച്ചു. ഇവരുടെ കണ്ണീര് കണ്ട് സഖാക്കളെ കണ്ടം വഴി ഓടിച്ച വിനു വി ജോണിന്റെ കണ്ണുപോലും നിറഞ്ഞു. പിന്നെയല്ലേ പാവങ്ങളായ നമ്മുടെ.
https://www.facebook.com/Malayalivartha
