ഉപദേശങ്ങള് മതിയാകുന്നില്ല; മുഖ്യമന്ത്രിയെ നിയമകാര്യങ്ങളില് ഉപദേശിക്കാന് മുഖ്യമന്ത്രിയുടെ ഓഫീസില് നിയമകാര്യ സെല്ലിന് രൂപം നല്കി; സര്ക്കാരിന് അധിക ബാധ്യത; സ്പെഷല് ലെയ്സണ് ഓഫിസറുടെ ശമ്പളം 1.10 ലക്ഷം രൂപ; ഹൈക്കോടതിയിലെ സ്പെഷല് ഗവണ്മെന്റ് പ്ലീഡര് എം.രാജേഷിനാണ് സെല്ലിന്റെ അധിക ചുമതല
മുഖ്യമന്ത്രി ഉപദേശിക്കാന് പുതിയ ഒരു സംവിധാനം കൂടി. മുഖ്യമന്ത്രിയുടെ ഓഫിസില് നിയമകാര്യ സെല് രൂപീകരിച്ച് ഉത്തരവിറങ്ങി. സര്ക്കാരില് നിരവധി നിയമ വിദഗ്ധര് പ്രവര്ത്തിക്കുമ്പോഴാണ് പുതിയ നിയമനം. നിയമ വകുപ്പ്, എ.ജി, നിയമ ഉപദേശഷ്ടാവ് തുടങ്ങിയ നിരവധി സംവിധാനങ്ങള് സര്ക്കാരിനും മുഖ്യമന്ത്രിക്കും നിയമ ഉപദേശം നല്കുന്നതിന് ഇപ്പോള് തന്നെ നിലവിലുണ്ട്. ഇതിന് പുറമേയാണ് പുതിയ സെല്ല് രൂപീകരിച്ചിരിക്കുന്നുത്. ഹൈക്കോടതിയിലെ സ്പെഷല് ഗവണ്മെന്റ് പ്ലീഡര് എം.രാജേഷിനാണ് സെല്ലിന്റെ അധിക ചുമതല. യാത്രാബത്തയും ഓണറേറിയവും പിന്നീട് തീരുമാനിക്കും. മുഖ്യമന്ത്രിയുടെ പ്രൈവറ്റ് സെക്രട്ടറിയുടെ കത്തിന്റെ അടിസ്ഥാനത്തിലാണ് തീരുമാനം.
സംസ്ഥാന സര്ക്കാര് കക്ഷിയായുള്ള കേസുകള് കൈകാര്യം ചെയ്യാന് സ്പെഷല് ലെയ്സണ് ഓഫിസറായി മുതിര്ന്ന അഭിഭാഷകനെ നേരത്തേ നിയമിച്ചിരുന്നു. 1.10 ലക്ഷം രൂപയാണ് ശമ്പളം. അഡ്വ. ജനറല് ഓഫിസുമായി ബന്ധപ്പെട്ട കേസുകളുടെ കാര്യത്തിനായാണ് നിയമനം. ഇതുകൂടാതെ നിയമകാര്യങ്ങളില് ഉപദേശം നല്കാന് എന്.കെ.ജയകുമാറിനെ മുഖ്യമന്ത്രിയുടെ ഓഫിസില് നിയമിച്ചിട്ടുണ്ട്. നിയമകാര്യങ്ങള് ഔദ്യോഗികമായി കൈകാര്യം ചെയ്യാന് നിയമസെക്രട്ടറിയും ഓഫിസര്മാരുമുണ്ട്.
നിയമകാര്യങ്ങളില് ഉപദേശം നല്കാന് ചീഫ് സെക്രട്ടറിയും നിയമകാര്യ സെല്ലിനു രൂപം നല്കിയിട്ടുണ്ട്. വിജിലന്സില് പ്രവര്ത്തിച്ചിരുന്ന അഭിഭാഷകനെയാണ് സെല്ലില് നിയമിച്ചിരിക്കുന്നത്. ഇതിനെല്ലാം പുറമേയുള്ള പുതിയ നിയമനം അധികച്ചെലവാണെന്നാണ് സര്ക്കാര് വൃത്തങ്ങളില്ത്തന്നെ ഉയരുന്ന ആക്ഷേപം. എന്നാല് ഇതൊന്നും പിണറായി സര്ക്കാര് ചെവികൊള്ളുന്നില്ല. സര്ക്കാരിന്റെ അനധികൃത പാര്ട്ടി നേതാക്കള് ന്യായികരിക്കാന് ബുദ്ധിമുട്ടുപ്പോളാണ് പുതിയ നിയമനം എന്നതും ശ്രദ്ധേയമാണ്.
https://www.facebook.com/Malayalivartha
