സിസ്റ്റര് അഭയ കൊലക്കേസില് ശിക്ഷാവിധി റദ്ദാക്കണമെന്നാവശ്യപ്പെട്ട് ഫാദര് തോമസ് എം കോട്ടൂര് സമര്പ്പിച്ച അപ്പീല് ഹൈക്കോടതി ഇന്ന് പരിഗണിക്കും
സിസ്റ്റര് അഭയ കൊലക്കേസില് ശിക്ഷാവിധി റദ്ദാക്കണമെന്നാവശ്യപ്പെട്ട് ഫാദര് തോമസ് എം കോട്ടൂര് സമര്പ്പിച്ച അപ്പീല് ഹൈക്കോടതി ഇന്ന് പരിഗണിക്കും. സാക്ഷി മൊഴികളുടെ അടിസ്ഥാനത്തില് തനിക്കെതിരെ കൊലക്കുറ്റം ചുമത്തിയ വിചാരണക്കോടതി നടപടി നിയമപരമല്ലെന്നാണ് ഹര്ജിയില് തോമസ് എം കോട്ടൂരിന്റെ വാദം. കൂടാതെ അടയ്ക്കാ രാജുവിന്റെ മൊഴി വിശ്വസനീയമല്ലെന്നും അപ്പീലില് പറയുന്നുണ്ട്.
വിചാരണയും ശിക്ഷയും നിയമപരമായി നിലനില്ക്കാത്തതിനാല് സി.ബി.ഐ കോടതി ഉത്തരവ് റദ്ദാക്കണമെന്നാണ് ഹര്ജിക്കാരന്റെ ആവശ്യം. അപ്പീല് ജസ്റ്റിസുമാരായ വിനോദ് ചന്ദ്രന്, എം.ആര് അനിത എന്നിവരടങ്ങിയ ഡിവിഷന് ബഞ്ച് പരിഗണിക്കും.
കഴിഞ്ഞ ഡിസംബര് 23 നാണ് സിസ്റ്റര് അഭയ കൊലക്കേസില് തിരുവനന്തപുരം പ്രത്യേക സി.ബി.ഐ കോടതി പ്രതികള്ക്ക് ജീവപര്യന്തം തടവു ശിക്ഷ വിധിക്കുന്നത്. ഒന്നാം പ്രതി ഫാ. തോമസ് എം. കോട്ടൂരിന് ജീവപര്യന്തം തടവും അഞ്ച് ലക്ഷം രൂപ പിഴയുമാണ് ശിക്ഷ വിധിച്ചത്. ഐപിസി 302, 201 വകുപ്പുകള് അനുസരിച്ചാണ് ശിക്ഷ.
തെളിവ് നശിപ്പിക്കല്, കൊലപാതകം അടക്കമുള്ള കുറ്റങ്ങള്ക്കാണ് ശിക്ഷ. സിസ്റ്റര് സെഫിക്കും ജീവപര്യന്തവും അഞ്ച് ലക്ഷം രൂപയുമാണ് ശിക്ഷ.
"
https://www.facebook.com/Malayalivartha
