കണ്ണൂര്‍ പാനൂരിലെ ചെറ്റക്കണ്ടിയില്‍ ശനിയാഴ്ചയുണ്ടായ ബോംബ് സ്‌ഫോടനവുമായി സി.പി.എമ്മിന് ബന്ധമില്ലെന്ന് സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞു. ഇതേക്കുറിച്ച സമഗ്ര അന്വേഷണം നടത്തണം. മാര്‍ക്‌സിസ്റ്റ് വിരുദ്ധ പ്രചാരണത്തിന് ആഭ്യന്തര വകുപ്പ് ഈ സംഭവത്തെ ഉപയോഗിക്കുകയാണെന്നും അദ്ദേഹം ആരോപിച്ചു.
സി.പി.എം പ്രവര്‍ത്തകന്‍ പള്ളിച്ചാലില്‍ വിനോദനെ ആര്‍.എസ്.എസുകാര്‍ ബോംബെറിഞ്ഞ് കൊന്ന അതേ പഞ്ചായത്തിലാണ് ഈ സംഭവവും ഉണ്ടായത്. നിരന്തരം പൊലീസ് നിരീക്ഷണം നടത്തുന്ന പ്രദേശത്ത് നടന്ന സ്‌ഫോടനത്തില്‍ ദുരൂഹതയുണ്ട്. സ്‌ഫോടനം നടന്നത് പൊലീസിന്റെ വീഴ്ച കൊണ്ടാണെന്നും കോടിയേരി പറഞ്ഞു.അതേസമയം,സംഭവത്തെ കുറിച്ച് പഠിച്ച ശേഷം പ്രതികരിക്കാമെന്ന് പ്രതിപക്ഷ നേതാവ് വി.എസ്.അച്യുതാനന്ദന്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha