തൃശൂര് പൂരം തടസപ്പെടുത്താന് നീക്കം നടക്കുന്നു; തിങ്കളാഴ്ച സത്യാഗ്രഹമനുഷ്ഠിക്കുമെന്ന് പത്മജ വേണുഗോപാല്
തൃശൂര് പൂരം തടസപ്പെടുത്താന് നീക്കം നടക്കുന്നുവെന്ന് ആരോപിച്ച് തിങ്കളാഴ്ച സത്യാഗ്രഹമനുഷ്ഠിക്കുമെന്ന് പത്മജ വേണുഗോപാല്. പൂരത്തിന് തടസം നില്ക്കുന്ന സര്കാര് ഉദ്യോഗസ്ഥരെ നിലയ്ക്ക് നിര്ത്താന് ഉത്തരവാദിത്തമുള്ള മന്ത്രിക്ക് കഴിയണമെന്നും പത്മജ പറഞ്ഞു. മുഖ്യമന്ത്രിയോ ജില്ലയില് നിന്നുള്ള മന്ത്രിമാരോ ഇക്കാര്യത്തില് ഒരു ഇടപെടലും നടത്തുന്നില്ലെന്ന് പറഞ്ഞ പത്മജ തെരഞ്ഞെടുപ്പ് കഴിഞ്ഞാല് സര്കാര് തൃശൂര് പൂരത്തിന് അനുമതി നല്കില്ലെന്നും ആരോപിച്ചു. അതേസമയം പത്മജയുടെ സത്യാഗ്രഹം തെരഞ്ഞെടുപ്പ് പ്രചാരണം മാത്രമാണെന്ന് മന്ത്രി സുനില് കുമാര് പ്രതികരിച്ചു.
തൃശൂര് പൂരം നടത്താന് പുറത്ത് നിന്നുള്ള ആളുകള് സത്യാഗ്രഹം നടത്തേണ്ട കാര്യമില്ലെന്നും പൂര്വാധികം ഭംഗിയോടെ തന്നെ പൂരം നടത്തുമെന്നും മന്ത്രി അറിയിച്ചു. പൂരം എക്സിബിഷന് 200 പേര്ക്ക് മാത്രമേ അനുമതി നല്കൂവെന്ന ഉദ്യോഗസ്ഥ തല തീരുമാനം പുറത്തുവന്നതോടെയാണ് പൂരം നടത്തിപ്പ് സംബന്ധിച്ച് അനിശ്ചിതത്വമുണ്ടായത്. ഇതോടെ പൂരം എക്സിബിഷന് നിയന്ത്രണം ഏര്പെടുത്തിയാല് പൂരവും എക്സിബിഷനും ഉപേക്ഷിക്കുമെന്ന് സംഘാടക സമിതി മുന്നറിയിപ്പ് നല്കിയിരുന്നു. എന്നാല് പൂരം നടത്തിപ്പ് സംബന്ധിച്ച സര്കാര് തീരുമാനം അട്ടിമറിക്കാന് ഉദ്യോഗസ്ഥരെ അനുവദിക്കില്ലെന്നും പൂര്വാധികം ഭംഗിയോടെ തൃശൂര് പൂരം നടത്തുമെന്നും മന്ത്രി സുനില് കുമാര് വ്യക്തമാക്കി.
https://www.facebook.com/Malayalivartha
