നിയമസഭാതിരഞ്ഞെടുപ്പിന്റെ പരസ്യ പ്രചാരണം ഏപ്രില് 4ന് വൈകിട്ട് 7 ന് അവസാനിപ്പിക്കണമെന്ന് മുഖ്യ തിരഞ്ഞെടുപ്പ് ഓഫീസര്
നിയമസഭാതിരഞ്ഞെടുപ്പിന്റെ പരസ്യ പ്രചാരണം ഏപ്രില് 4ന് വൈകിട്ട് 7 ന് അവസാനിപ്പിക്കണമെന്ന് മുഖ്യ തിരഞ്ഞെടുപ്പ് ഓഫീസര് അറിയിച്ചു. നക്സലൈറ്റ് ബാധിത മേഖലകളില് (ഒന്പത് മണ്ഡലങ്ങളില്) വൈകിട്ട് 6 മണിക്ക് പ്രചാരണം അവസാനിപ്പിക്കണം.
പരസ്യ പ്രചാരണം അവസാനിച്ചശേഷം പൊതുയോഗങ്ങള്, പ്രകടനങ്ങള്, രാഷ്ട്രീയ ആഭിമുഖ്യമുള്ള കലാപരിപാടികള് തുടങ്ങിയവയും ടെലിവിഷനിലും ഇലക്ട്രോണിക് മാദ്ധ്യമങ്ങളിലും രാഷ്ട്രീയ പ്രചാരണങ്ങളും നടത്തരുത്.
ഇതു ലംഘിക്കുന്നവര്ക്ക് രണ്ടു വര്ഷം വരെ തടവും പിഴയുമാണ് ശിക്ഷ. 1951 ലെ ജനപ്രാതിനിദ്ധ്യനിയമത്തിലെ സെക്ഷന് 126(1) പ്രകാരം പരസ്യ പ്രചാരണം തിരഞ്ഞെടുപ്പ് പൂര്ത്തിയാകുന്നതിന് 48 മണിക്കൂര് മുമ്പ് അവസാനിപ്പിക്കണം.
ഇതിനുമുമ്പ് മാദ്ധ്യമങ്ങളില് പ്രസിദ്ധീകരിക്കാനുദ്ദേശിക്കുന്ന രാഷ്ട്രീയ പരസ്യങ്ങള്ക്ക് തിരഞ്ഞെടുപ്പ് കമ്മിഷന്റെ മീഡിയ സര്ട്ടിഫിക്കേഷനും മോണിറ്ററിംഗ് കമ്മിറ്റിയുടെ മുന്കൂര് അനുമതിയും നേടണം.
https://www.facebook.com/Malayalivartha
