ഏപ്രില് 17 വരെ സംസ്ഥാനത്ത് ഒറ്റപ്പെട്ട സ്ഥലങ്ങളില് കാറ്റിനും ഇടിമിന്നലോടു കൂടിയ മഴക്കും സാധ്യത; ജനങ്ങൾ മുന്കരുതലുകള് സ്വീകരിക്കണമെന്ന് സംസ്ഥാന ദുരന്ത നിവാരണ അതോറിറ്റി
ഏപ്രില് 17 വരെ സംസ്ഥാനത്ത് ഒറ്റപ്പെട്ട സ്ഥലങ്ങളില് 30 കിലോമീറ്റര് മുതല് 40 കിലോമീറ്റര് വരെ വരെ വേഗത്തിലുള്ള കാറ്റിനും ഇടിമിന്നലോടു കൂടിയ മഴക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഉച്ചകഴിഞ്ഞ് രണ്ടു മുതല് രാത്രി 10 വരെ ഇടിമിന്നല് സാധ്യത കൂടുതലാണ്. പൊതുജനങ്ങള് ചുവടെ പറയുന്ന മുന്കരുതലുകള് സ്വീകരിക്കണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു:
കാര്മേഘം കണ്ടു തുടങ്ങുന്ന സമയം മുതല് തന്നെ ജാഗ്രത വേണം
ഇടിമിന്നലിന്റെ ആദ്യ ലക്ഷണം പ്രകടമായാലുടന് സുരക്ഷിതമായ കെട്ടിടത്തിനുള്ളിലേക്ക് മാറണം
ഇടിമിന്നലുള്ള സമയത്ത് തുണികള് എടുക്കാന് ടെറസിലേക്കോ, മുറ്റത്തേക്കോ പോകരുത്
ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക
ജനലുകളും വാതിലുകളും അടച്ചിടുക
ലോഹ വസ്തുക്കളുടെ സ്പര്ശനമോ സാമീപ്യമോ പാടില്ല. വൈദ്യുതി ഉപകരണങ്ങളുടെ സാമീപ്യവും ഒഴിവാക്കുക.
ടെലിഫോണ് ഉപയോഗിക്കുന്നത് ഒഴിവാക്കുക
ഇടിമിന്നലുള്ള സമയത്ത് കുളിക്കുന്നത് ഒഴിവാക്കുക
വീടിന്റെ ഉള്ഭാഗത്ത് തറയിലോ ഭിത്തിയിലോ സ്പര്ശിക്കാതെ ഇരിക്കാന് ശ്രമിക്കുക
ഇടിമിന്നലുള്ള സമയത്ത് ടെറസ്സിലോ മറ്റ് ഉയരമുള്ള സ്ഥലങ്ങളിലോ വൃക്ഷങ്ങളുടെ കൊമ്ബിലോ ഇരിക്കുന്നത് അപകടകരമാണ്
വീടിനു പുറത്താണങ്കില് വൃക്ഷങ്ങളുടെ ചുവട്ടില് നില്ക്കരുത്
വാഹനത്തിനുള്ളിലാണെങ്കില് തുറസ്സായ സ്ഥലത്ത് നിര്ത്തി, ലോഹ ഭാഗങ്ങളില് സ്പര്ശിക്കാതെ ഇരിക്കണം.
ഇടിമിന്നല് ഉണ്ടാകുമ്ബോള് ജലാശയങ്ങളില് ഇറങ്ങരുത്
പട്ടം പറത്തുവാന് പാടില്ല
തുറസ്സായ സ്ഥലത്താണങ്കില് പാദങ്ങള് ചേര്ത്തുവച്ച് തല കാല് മുട്ടുകള്ക്ക് ഇടയില് ഒതുക്കി പന്തുപോലെ ഇരിക്കണം
ഇടിമിന്നലുള്ള സമയത്ത് പുറത്ത് അയയില് കിടക്കുന്ന നനഞ്ഞ വസ്ത്രങ്ങള് എടുക്കാതിരിക്കുക
ഇടിമിന്നലില് നിന്ന് സുരക്ഷിതമാക്കാന് കെട്ടിടങ്ങള്ക്കു മുകളില് മിന്നല് ചാലകവും വൈദ്യുതോപകരണങ്ങളുടെ സുരക്ഷക്കായി സര്ജ്ജ് പ്രോട്ടക്ടറും സ്ഥാപിക്കാം
ഉച്ചകഴിഞ്ഞ് രണ്ടു മുതല് രാത്രി പത്തുവരെ അന്തരീക്ഷം മേഘാവൃതമാണെങ്കില്, തുറസായ സ്ഥലത്തും, ടെറസ്സിലും കുട്ടികള് കളിക്കുന്നത് ഒഴിവാക്കണം
മിന്നലിന്റെ ആഘാതത്തില് പൊള്ളലേല്ക്കുകയോ കാഴ്ചയോ കേള്വിയോ നഷ്ടമാവുകയോ ഹൃദയാഘാതമുണ്ടാക്കുകയോ ചെയ്യാം
മിന്നലേറ്റ ആളിന്റെ ശരീരത്തില് വൈദ്യുത പ്രവാഹം ഉണ്ടാകില്ലെന്ന് തിരിച്ചറിയുക. അതുകൊണ്ടുതന്നെ അടിയന്തരമായി പ്രഥമശുശ്രൂഷ നല്കാന് മടിക്കരുത്. മിന്നലേറ്റാല് ജീവന് രക്ഷിക്കുന്നതിന് ആദ്യത്തെ 30 സെക്കന്ഡുകള് നിര്ണായകമാണ്
വളര്ത്തു മൃഗങ്ങളെ തുറസായ സ്ഥലത്ത് ഈ സമയത്ത് കെട്ടരുത്. മഴക്കാര് കാണുമ്ബോള് അവയെ അഴിക്കുവാനും സുരക്ഷിതമായി മാറ്റിക്കെട്ടുവാനും തുറസായ സ്ഥലത്തേക്ക് പോകുന്നതും ഒഴിവാക്കണം
ശക്തമായ കാറ്റുമൂലമുള്ള അപകടങ്ങള് ഒഴിവാക്കുന്നതിനുള്ള ജാഗ്രതാ നിര്ദേശങ്ങള്
https://www.facebook.com/Malayalivartha
