തന്ത്രിയുടെ ഉപദേശം ഒടുവില്‍ എത്തിച്ചത് ജയിലിലേക്ക്. ഭാര്യയുടെ അസുഖം മാറാന്‍ നാലു പെണ്‍കുട്ടികളെ കൊല്ലണമെന്ന് തന്ത്രി ഉപദേശിച്ചു. ഒടുവില്‍ തന്ത്രി പറഞ്ഞത് പോലെ ആ കുറ്റകൃത്യം അയാള്‍ ചെയ്തു. നാല് പെണ്‍കുട്ടികളെ കൊലപ്പെടുത്തി എന്ന കുറ്റത്തിനെ തുടര്‍ന്ന് പോലീസ് യുവാവിനെ അറസ്റ്റ് ചെയ്തു.

ഏഴു പേരെ കൊലപ്പെടുത്താനായിരുന്നു തന്ത്രി ആദ്യം നിര്‍ദേശിച്ചതെങ്കിലും നാലു പേരെ കൊലപ്പെടുത്തിയപ്പോഴേക്കും ഇയാള്‍ പൊലീസിന്റെ പിടിയിലാവുകയായിരുന്നു. സോനു എന്ന വിളിപ്പേരില്‍ അറിയപ്പെടുന്നയാളാണ് അറസ്റ്റിലായത്.
പെണ്‍കുട്ടികളെ കൊലപ്പെടുത്തുന്നതിന് മുന്‍പ് മാനഭംഗപ്പെടുത്തിയിരുന്നതായും ഇയാള്‍ പൊലീസിനോട് സമ്മതിച്ചിട്ടുണ്ട്. ഭാര്യയുടെ അസുഖം മാറണമെങ്കില്‍ പ്രായപൂര്‍ത്തിയെത്താത്ത ഏഴു പെണ്‍കുട്ടികളെ വധിക്കണമെന്ന് ഒരു തന്ത്രിയാണ് തന്നെ ഉപദേശിച്ചതെന്നും ഇയാള്‍ പൊലീസിനോട് വെളിപ്പെടുത്തി. 12 വയസുകാരിയായ പെണ്‍കുട്ടിയെ കൊല്ലപ്പെട്ട നിലയില്‍ കണ്ടെത്തിയ കേസിലാണ് ഇയാളെ പൊലീസ് അറസ്റ്റ് ചെയ്തത്.
ഈ കേസില്‍ പൊലീസ് പിടികൂടിയ സോനുവിന്റെ സുഹൃത്തായ യുവാവിനെ കഴിഞ്ഞ ചൊവ്വാഴ്ച പൊലീസ് സ്‌റ്റേഷനില്‍ നിന്നും പിടിച്ചിറക്കിക്കൊണ്ടു പോയ ജനക്കൂട്ടം വധിച്ചിരുന്നു. ലാലുവ ബാല്‍മികി എന്നയാളാണ് കൊല്ലപ്പെട്ടത്. പെണ്‍കുട്ടികളെ വധിക്കുമ്പോള്‍ ലാലുവയായിരുന്നു തനിക്കു കൂട്ടെന്നും ഇയാള്‍ പൊലീസിന് മൊഴി നല്‍കി.
2010 നവംബര്‍ 23ന് 14 വയസുള്ള പെണ്‍കുട്ടിയെ വധിച്ചു കൊണ്ടാണ് ഇയാള്‍ കൊലപാതക പരമ്പരയ്ക്ക് തുടക്കമിട്ടത്. 2012ല്‍ നാലു വയസ് മാത്രം പ്രായമുള്ള പെണ്‍കുട്ടിയേയും ഇയാള്‍ മാനഭംഗത്തിനിരയാക്കിയശേഷം കൊലപ്പെടുത്തി. കല്ലുവച്ചു തലയ്ക്കടിച്ചാണ് ഈ കുട്ടിയെ വധിച്ചതെന്നും പോലീസ് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha