ഐപിഎല്ലിൽ ഇന്ന് രണ്ടാം മത്സരത്തിൽ റോയൽ ചലഞ്ചേഴ്‌സ് ബെംഗളൂരു, ചെന്നൈ സൂപ്പർ കിംഗ്‌സിനെ നേരിടും. ബെംഗളൂരുവിലെ ചിന്നസ്വാമി സ്റ്റേഡിയത്തിൽ വൈകുന്നേരം ഏഴരയ്ക്കാണ് കളി തുടങ്ങുക. രണ്ട് കളിയിലും അടിതെറ്റിയ ആഘാതത്തിലാണ് ചെന്നൈ സൂപ്പർ കിംഗ്‌സ്. കഴിഞ്ഞ വർഷത്തെ ചാമ്പ്യൻ പ്രകടനം ആവർത്തിക്കുന്ന റോയൽ ചലഞ്ചേഴ്‌സ് ബെംഗളൂരൂ. ചിന്നസ്വാമി സ്റ്റേഡിയത്തിൽ ദക്ഷിണേന്ത്യൻ എൽ ക്ലാസിക്കോയ്ക്കിറങ്ങുമ്പോൾ ശ്രദ്ധാകേന്ദ്രമായി സഞ്ജു സാംസൺ.

രാജസ്ഥാൻ റോയൽസിൽ നിന്ന് വൻതരംഗമായി ചെന്നൈയുടെ മഞ്ഞക്കുപ്പായത്തിലെത്തിയ സഞ്ജു ആദ്യ രണ്ട് കളിയിലും നിരാശപ്പെടുത്തി. രാജസ്ഥാനെതിരെയും പഞ്ചാബിനെതിരെയും രണ്ടക്കം തൊടാതെ മടങ്ങിയ ചേട്ടൻ മൂന്നാമങ്കത്തിൽ തകർപ്പൻ ഷോട്ടുകളുമായി കളംനിറയുമെന്ന പ്രതീക്ഷയിൽ ആരാധകരുള്ളത്.