ആത്മീയ ചികിത്സയുടെ മറവില്‍ വീട്ടമ്മയെ വിളിച്ചുവരുത്തി പീഡനം. വ്യാജ സിദ്ധന്‍ അറസ്റ്റില്ലായതായി റിപ്പോർട്ട്. ചാപ്പനങ്ങാടി വട്ടപ്പറമ്പ് സ്വദേശി സുബൈറിനെയാണ് (50) പോലീസാണ് അറസ്റ്റ് ചെയ്തത്. വീട്ടമ്മയുടെ പരാതിയെ തുടര്‍ന്നായിരുന്നു അറസ്റ്റ് രേഖപ്പെടുത്തിയത്. 2013 ഫെബ്രുവരിയില്‍ ആണ് കേസിനാസ്പദമായ സംഭവം നടന്നത്. ആത്മീയ ചികിത്സയ്ക്കായി എത്തിയ വീട്ടമ്മയെ പ്രലോഭനത്തിലൂടെ പ്രതി പീഡിപ്പിക്കുകയായിരുന്നുവെന്ന് പോലീസ് വ്യക്തമാക്കി.

അതേസമയം, ആത്മീയ ചികിത്സയുടെ മറവില്‍ മലപ്പുറത്ത് യുവതിയെ പീഡിപ്പിക്കാന്‍ ശ്രമിച്ച യുവാവിനെ കഴിഞ്ഞ ദിവസം പോലീസ് കയ്യോടെ പിടികൂടിയിരുന്നു. ചേളാരി വൈക്കത്ത് പാടത്ത് മുഹമ്മദ് റഫീഖ് എന്ന റഫീഖ് അഹ്സനിയെയാണ് (36) തേഞ്ഞിപ്പലം പോലീസ് അറസ്റ്റ്​ ചെയ്തത്. സ്വന്തം വീടിനോട് ചേര്‍ന്നാണ് റഫീഖിന് ചികിത്സാ കേന്ദ്രം നടത്തിവരുന്നത്.

ആഗസ്​റ്റ്​ 14നായിരുന്നു കേസിനാസ്പദമായ സംഭവം. ഇരുപത്തിയേഴുകാരിയായ കോഴിക്കോട് വെള്ളയില്‍ സ്വദേശിനിയാണ് മുഹമ്മദ് റഫീഖിനെതിരെ പരാതി നല്‍കിയത്. ഭര്‍ത്താവിനൊപ്പം എത്തിയ യുവതിയെ ചികിത്സ കേന്ദ്രത്തില്‍ വെച്ച്‌ പീഡിപ്പിക്കാന്‍ ശ്രമിക്കുകയായിരുന്നുവെന്നാണ് പരാതി ലഭിച്ചത്. കോടതിയില്‍ ഹാജരാക്കിയ റഫീഖിനെ റിമാന്‍ഡ്​ ചെയ്തു.